നവ്യയെ വിവാഹം കഴിക്കാന്‍ ആഗ്രഹിച്ചിരുന്നു; താരപുത്രന്റെ വാക്കുകള്‍ക്ക് മറുപടി പറഞ്ഞ് നവ്യ നായർ രംഗത്ത്

കഴിഞ്ഞ ഒരാഴ്ചയായി ധ്യാന്‍ ശ്രീനിവാസന്റെയും വിനീത് ശ്രീനിവാസന്റെയും പഴയ അഭിമുഖമാണ് വൈറലാവുന്നത്. അന്ന് സ്‌കൂളില്‍ പഠിക്കുകയായിരുന്ന ധ്യാന്‍ രസകരമായ മറുപടികളായിരുന്നു പറഞ്ഞത്. നടി നവ്യ നായരെ എനിക്ക് ഇഷ്ടമായിരുന്നു. പക്ഷേ പൃഥ്വിരാജിന്റെ കൂടെ അഭിനയിച്ച വെള്ളിത്തിര എന്ന സിനിമയിലെ ചില പോസ്റ്ററുകള്‍ കണ്ടതോടെ ഇഷ്ടം പോയി എന്നുമാണ് ധ്യാന്‍ പറഞ്ഞത്. ഇത് കേട്ട ഉടന്‍ 'നിനക്ക് നവ്യയെ കല്യാണം കഴിക്കണമെന്ന് ഉണ്ടായിരുന്നോ?' എന്ന് ശ്രീനിവാസന്‍ ചോദിക്കുകയും ചെയ്തു. ഉണ്ടായിരുന്നു, പക്ഷേ ഇപ്പോള്‍ ഇല്ല എന്നാണ് ധ്യാന്‍ മറുപടി നല്‍കിയത്.

തന്നെ കുറിച്ച് താരപുത്രന്‍ പറഞ്ഞ വാക്കുകള്‍ നടി നവ്യ നായരും കണ്ടിരുന്നു. 'സ്റ്റാര്‍' എന്ന സിനിമ കണ്ട് തിയേറ്ററില്‍ നിന്നിറങ്ങി വരുമ്പോള്‍ മാധ്യമ പ്രവര്‍ത്തകരാണ് വീണ്ടും നവ്യയോട് ഇതേ ചോദ്യങ്ങള്‍ വീണ്ടും ഉന്നയിച്ചത്. 'ധ്യാനിന്റെ വീഡിയോ കണ്ടിരുന്നോ? അതിലെന്താണ് അഭിപ്രായം പറയാനുള്ളതെന്നും ഒരു മാധ്യമ പ്രവര്‍ത്തകന്‍ ചോദിച്ചപ്പോള്‍ 'സന്തോഷം,' എന്ന് ഒറ്റവാക്കിലുള്ള മറുപടിയാണ് നവ്യ ആദ്യം പറഞ്ഞത്. 'ആ വീഡിയോ ക്ലിപ് ഞാനും കണ്ടിരുന്നു. രണ്ട് മൂന്ന് ദിവസമായി എന്റെ വാട്‌സാപ്പില്‍ ഫുള്‍ അതായിരുന്നു. 'അയ്യോ അങ്ങനെ പറയണ്ടായിരുന്നു എന്ന് ധ്യാന്‍ ഇപ്പോള്‍ വിചാരിക്കുന്നുണ്ടാവും' എന്നുമാണ് നവ്യ പറഞ്ഞത്. നവ്യയുടെ വാക്കുകളും ഇപ്പോള്‍ ശ്രദ്ധേയമാവുകയാണ്.

നവ്യയുടെ പ്രതികരണം വന്നെങ്കിലും ധ്യാനോ വിനീത് ശ്രീനിവാസനോ ഇതുമായി ബന്ധപ്പെട്ട കാര്യങ്ങള്‍ക്ക് മറുപടിയൊന്നും പറഞ്ഞിട്ടില്ല. നവ്യ നായരെ ഇഷ്ടമാണെന്ന് പറഞ്ഞതിനൊപ്പം സഹോദരന്‍ വിനീതിന് നടി മീര ജാസ്മിനെ ഇഷ്ടമാണെന്നുള്ള കാര്യവും ധ്യാന്‍ പറഞ്ഞിരുന്നു. ഞാന്‍ മാത്രമല്ല ചേട്ടന് നടി മീര ജാസ്മിനെ വലിയ ഇഷ്ടമായിരുന്നു. നിന്റെ ഏട്ടത്തിയമ്മയായി മീര ജാസ്മിന്‍ വരുന്നതില്‍ നിനക്കെന്തേലും പ്രശ്‌നമുണ്ടോ? എന്ന് ചേട്ടന്‍ തന്നോട് ചോദിച്ചിരുന്നു എന്നാണ് ധ്യാന്‍ പറഞ്ഞത്.

Recommended Video

Navya Nair Response After coming to watch Star Movie

നിലവില്‍ നടി മീര ജാസ്മിനും അഭിനയത്തിലേക്ക് തിരിച്ച് വന്നിരിക്കുകയാണ്. അധികം വൈകാതെ മീരയും ഈ വിഷയത്തില്‍ ചോദ്യങ്ങള്‍ നേരിട്ടേക്കാം. എന്തായാലും ട്രോളന്മാര്‍ക്ക് ആഘോഷിക്കാനുള്ള വലിയൊരു മുതലാണ് താരസഹോദരന്മാരില്‍ നിന്നും ഉണ്ടായിരിക്കുന്നത്. പ്രണവ് മോഹന്‍ലാലിനെ നായകനാക്കി ഹൃദം എന്ന പേരിലുള്ള സിനിമയുടെ തിരക്കുകളിലാണ് വിനീത് ശ്രീനിവാസന്‍. എഴുത്തുക്കാരനായും അഭിനേതാവും ധ്യാന്‍ എത്തുന്ന പതിനഞ്ചോളം സിനിമകളാണ് പ്രഖ്യാപിച്ചിരിക്കുന്നത്. നടി നവ്യ നായര്‍, വി കെ പ്രകാശിന്റെ ഒരുത്തീ എന്ന ചിത്രത്തിലൂടെ തിരിച്ച് വരവിന് ഒരുങ്ങുകയാണ്.