മമ്മൂട്ടിയുടെ സ്വഭാവം വളരെ നല്ലതാണ്! എല്ലാവരോടും സ്‌നേഹം! മെഗാസ്റ്റാറിനെക്കുറിച്ച് പൗളി വില്‍സണ്‍

മമ്മൂട്ടി ഭീകരനാണോ?

എല്ലാവരും പറയും മമ്മൂക്ക ഭയങ്കര ഭീകരനാണെന്ന്. എനിക്കങ്ങനെ തോന്നിയിട്ടില്ല. ഒരു പരിചയവും ഇല്ലത്തവരോട് ആരും എന്താണെന്ന് ചോദിക്കില്ലല്ലോ? അതാണ് ആളുകൾ ഉദ്ദേശിക്കുന്നത്. പരിചയമുള്ളവരോടൊക്കെ മമ്മൂക്ക വളരെ ഫ്രീയാണ്. എല്ലാവരോടും നല്ല കമ്പനിയുള്ള ആള് തന്നെയാണ്. പിന്നെ അവരുടെ പൊസിഷൻ അനുസരിച്ച് കുറച്ചൊക്കെ അങ്ങനെ തന്നെ നിൽക്കണം. ആരെയും കുറ്റം പറഞ്ഞിട്ട് കാര്യമില്ല.

Recommended Video

പട്ടാളക്കാരനായി മമ്മൂട്ടി തിളങ്ങിയ സിനിമകള്‍ | FilmiBeat Malayalan

വൈപ്പിനിലെ സംഭവം

ഇടയ്‌ക്ക് ഒരു സംഭവമുണ്ടായത്; വൈപ്പിനിൽ വന്നപ്പോൾ മമ്മൂക്ക കാറിന്റെ ഡോർ തുറന്നില്ലെന്ന് പറഞ്ഞ് ചിലർ ഒരുപാട് ഒച്ചപ്പാടുണ്ടാക്കി. ജംഗാറിൽ കയറാൻ വന്ന സമയത്ത് മമ്മൂക്ക കാറിന്റെ ചില്ല് തുറന്നില്ല. ഒടുവിൽ തുറക്കെടോ എന്നുവരെയായി. ചില്ലു തുറന്നിരുന്നെങ്കിലോ? കൈയിട്ട് മമ്മൂക്കയെ പിടിച്ചേനെ. അതൊക്കെ ഒരു അസ്വസ്ഥതയല്ലേ? അതുകൊണ്ടുതന്നെയാണ് അവർ ഇത്തരത്തിൽ പെരുമാറുന്നത്.

സ്നേഹത്തോടെ തന്നെ

ഏതു കൊച്ചുകുട്ടിയുടെ അടുത്തും കൂടാൻ പറ്റിയ സ്വഭാവമാണ് മമ്മൂക്കയുടേത്. ഉള്ളിൽ ഒരുവെറുപ്പും ആരോടുമില്ല. എല്ലാവരോടും സ്‌നേഹത്തോട് തന്നെയാണ് അദ്ദേഹം പെരുമാറുന്നതെന്നും പൗളി പറയുന്നു. പരുക്കനാണെന്ന് തോന്നാറുണ്ടെങ്കിലും യഥാര്‍ത്ഥത്തില്‍ അദ്ദേഹം അങ്ങനെയെല്ലെന്ന് വ്യക്തമാക്കി നിരവധി പേരാണ് എത്തിയത്. നവാഗത സംവിധായകരെ ഇത്രയധികം പിന്തുണക്കുന്ന താരമുണ്ടോയെന്നായിരുന്നു ചിലര്‍ ചോദിച്ചത്.

മെഗാസ്റ്റാറിനെക്കുറിച്ച്

മമ്മൂട്ടിയുമായുള്ള ബന്ധത്തെക്കുറിച്ചും സൗഹൃദത്തെക്കുറിച്ചും പറഞ്ഞും നേരത്തെയും താരങ്ങള്‍ എത്തിയിരുന്നു. അടുത്ത് ഇടപഴകിയാല്‍ തെറ്റിദ്ധാരണകളെല്ലാം മാറുമെന്നും പലരും പറഞ്ഞിരുന്നു. നവാഗതരെന്നോ പരിചയസന്പന്നരാണെന്നോ നോക്കാതെയാണ് അദ്ദേഹം സിനിമകള്‍ സ്വീകരിക്കാറുള്ളത്. പ്രമേയത്തിലെ വ്യത്യസ്തതയാണ് എന്നും അദ്ദേഹത്തെ ആകര്‍ഷിക്കുന്നത്.