Don't Miss!
- Automobiles കുറഞ്ഞ നിരക്കിൽ വിമാനയാത്ര നടത്തണോ, എയർ അറേബ്യയുടെ 'സൂപ്പർ സീറ്റ് സെയിൽ'നെ കുറിച്ച് അറിഞ്ഞു വച്ചോ
- Sports IPL 2024: ടെക്നോളജി സഹായിക്കാനുള്ളത്; കോലിയുടെ പുറത്താകലില് തുറന്നടിച്ച് ഡിവില്യേഴ്സ്
- Finance നഷ്ടത്തിന് ടാറ്റാ, മുന്നേറ്റത്തിന് തയ്യാറെടുത്ത് ടാറ്റാ ഗ്രൂപ്പ് ഓഹരി, ടാർഗെറ്റ് വില ഉയർത്തി ജെഫറീസ്
- Lifestyle പേര് മാറ്റിയാല് ഭാഗ്യം വരും, ജന്മസംഖ്യയാണ് ജീവിതം തീരുമാനിക്കുന്നത്; ചില ന്യൂമറോളജി കെട്ടുകഥകള്
- News ഇനി ഭവന വായ്പയ്ക്ക് ബാങ്കുകൾ കയറി ഇറങ്ങേണ്ട; കെഎസ്എഫ്ഇ നിങ്ങളെ സഹായിക്കും, പലിശ ഇത്ര മാത്രം
- Technology ഒരു വർഷം പഴയതാണെന്നുകരുതി പുലി പുലിയല്ലാതാകുമോ! ഈ കിടിലൻ വൺപ്ലസ് ഫോണിന് 6000 രൂപ ഡിസ്കൗണ്ട്
- Travel വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും
'പൈസ കണ്ടിട്ടോ ഇന്റലിജൻസ് കണ്ടിട്ടോ അത് ചെയ്യാൻ നിൽക്കരുത്'; വിവാഹിതരാകാൻ പോകുന്നവരോട് പേളിക്ക് പറയാനുള്ളത്!
മിനി സ്ക്രീൻ താരം, നടി, യുട്യൂബർ, അവതാരിക തുടങ്ങി വിവിധ മേഖലകളിൽ ശോഭിച്ച് നിൽക്കുകയും സോഷ്യൽമീഡിയ ഇൻഫ്ല്യൂവൻസർ എന്ന രീതിയിൽ ഏറ്റവും കൂടുതൽ ആരാധകരുള്ളതുമായ താരമാണ് പേളി മാണി.
പേളിയെ അറിയാത്തവർ കേരളത്തിൽ ചുരുക്കമായിരിക്കും. അവതാരികയായിട്ടാണ് പേളിയുടെ തുടക്കം. ഡാൻസ് റിയാലിറ്റി ഷോയായ ഡിഫോർ ഡാൻസിന്റെ അവതാരകയായിരുന്നു ഏറെക്കാലം പേളി മാണി.
ആ സമയത്ത് ഡി ഫോർ ഡാൻസിന്റെ പ്രധാന ആകർഷണവും പേളിയുടെ അവതരണവും ഇടയ്ക്കുള്ള കൗണ്ടറുകളുമെല്ലാം തന്നെയായിരുന്നു. റിയാലിറ്റി ഷോയുടെ മാത്രമല്ല കുക്കിങ് ഷോയുടേയും അവതാരികയായിരുന്നു പേളി. ഇതിനെല്ലാം ശേഷമാണ് ബിഗ് ബോസ് മലയാളത്തിന്റെ ആദ്യത്തെ സീസണിൽ പേളി മത്സരാർഥിയായി എത്തിയത്.
ഇതുവരെ നാല് ബിഗ് ബോസ് സീസണുകൾ കഴിഞ്ഞുവെങ്കിലും ഒന്നാം സീസണിനോട് കിടപിടിക്കാൻ ഇതുവരെ വന്നിട്ടുള്ള മറ്റൊരു സീസണിനും സാധിച്ചിട്ടില്ലെന്നാണ് ബിഗ് ബോസിന്റെ സ്ഥിരം പ്രേക്ഷകർ പറയുന്നത്.
ആ സീസണിൽ മത്സരാർഥിയായി വന്ന നടൻ ശ്രീനിഷിനെ പേളി പിന്നീട് വിവാഹം ചെയ്തു. ഇരുവരും ബിഗ് ബോസ് ഹൗസിനുള്ളിൽ വെച്ച് തന്നെയാണ് പ്രണയത്തിലായത്.
ഇരുവരുടേയും പ്രണയം ചെറിയ രീതിയിൽ പരസ്യമായപ്പോൾ പ്രേക്ഷകരും മറ്റ് സഹമത്സരാർഥികളുമടക്കം ഇത് ബിഗ് ബോസ് വിജയിക്കാനുള്ള പേളിയുടേയും ശ്രീനിഷിന്റേയും പ്രേമ നാടകമാണെന്ന് കുറ്റപ്പെടുത്തി. വീട്ടിനുള്ളിൽ നിന്ന തന്നെ പലപ്പോഴും ഇരുവരും പരിഹസിക്കപ്പെട്ടിട്ടുണ്ട്.
പേളി മത്സരം കഴിഞ്ഞ് ഹൗസിനുള്ളിൽ നിന്ന് പുറത്തിറങ്ങിയാൽ ശ്രീനിഷിനെ ഒഴിവാക്കുമെന്നും ചിലർ ശ്രീനിഷിനോട് തന്നെ പറഞ്ഞിരുന്നു. പക്ഷെ അതിനെല്ലാം വിപരീതമായി പേളി ആദ്യ സീസണിൽ രണ്ടാം സ്ഥാനത്ത് എത്തുകയും പുറത്തിറങ്ങിയ ശേഷം വീട്ടുകാരുടെ സമ്മതത്തോടെ ശ്രീനിഷിനെ വിവാഹം ചെയ്യുകയും ചെയ്തു.
ഇപ്പോൾ ഇരുവർക്ക് ഒന്നര വയസുകാരി നില എന്നൊരു മകളുണ്ട്. പേളിയും ശ്രീനിഷും ചേർന്ന് വെബ്സീരിസുകൾ, അഭിമുഖങ്ങൾ തുടങ്ങി വിവിധ പരിപാടികൾ തങ്ങളുടെ യുട്യൂബ് ചാനൽ വഴി പങ്കുവെക്കാറുണ്ട്.
പേളി-ശ്രീനിഷ് ജോഡിയെ പേളിഷ് എന്നാണ് ആരാധകർ ഓമനിച്ച് വിളിക്കുന്നത്. ഇപ്പോഴിത തന്റെ ഇൻസ്റ്റഗ്രാമിൽ നടത്തിയ ക്യു ആന്റ് എയുടെ ഭാഗമായി പേളി ആരാധകരുടെ ചോദ്യങ്ങൾക്ക് മറുപടി നൽകിയിരിക്കുകയാണ്.
വിവാഹിതരാകാൻ പോകുന്ന യുവതി യുവാക്കൾക്ക് വിവാഹവുമായി ബന്ധപ്പെട്ട് എന്ത് ഉപദേശമാണ് നൽകുക എന്നാണ് ആരാധകരിൽ ഒരാൾ ചോദിച്ചത്. അതിന് പേളി നൽകിയ മറുപടി ഇങ്ങനെയായിരുന്നു. 'എനിക്ക് പറയാനുള്ളത് ഇത്രയേയുള്ളു.'
'ഒരാളുടെ ലുക്ക് കണ്ടിട്ടോ പൈസ കണ്ടിട്ടോ ഇന്റലിജൻസ് കണ്ടിട്ടോ ആളുടെ കുടുംബം നോക്കിയോ വിവാഹം കഴിക്കരുത്. പകരം അയാളേയും അയാൾ എങ്ങനെയാണോ അതേ രീതിയിലും അംഗീകരിച്ച് വിവാഹം കഴിക്കാൻ പറ്റുമെങ്കിൽ കഴിക്കുക.'
'അങ്ങനെ ചെയ്താൽ തന്നെ സന്തോഷകരമായ ജീവിതം ലഭിക്കും. മനുഷ്യനായി ജനിച്ചില്ലായിരുന്നുവെങ്കിൽ ഒരു പൂമ്പാറ്റായായി ജനിക്കാനാണ് ഞാൻ ആഗ്രഹിച്ചത്' പേളി ചോദ്യങ്ങൾക്കുള്ള മറുപടിയായി പറഞ്ഞു.
2019ലായിരുന്നു പേളിയുടേയും ശ്രീനിഷിന്റേയും വിവാഹം നടന്നത്. ഹിന്ദു-ക്രിസ്ത്യൻ മതാചാരപ്രകാരമായിരുന്നു വിവാഹം. വിവാഹശേഷം സീരിയൽ അഭിനയം നിർത്തിയ ശ്രീനിഷ് ഇപ്പോൾ പേളിയോടൊപ്പം യുട്യൂബ് ചാനലുമായി തിരക്കിലാണ്. പേളി-ശ്രീനിഷ് ജോഡിക്ക് മാത്രം വലിയൊരു ഫാൻ ബേസ് കേരളത്തിലുണ്ട്.
'പ്രണയിച്ച് വിവാഹിതരായിട്ട് മൂന്ന് വർഷമായി... പക്ഷെ ഇപ്പോഴും ഞങ്ങളുടെ കണ്ണുകൾ കണ്ടുമുട്ടുമ്പോഴെല്ലാം ഹൃദയമിടിപ്പ് നിന്ന് പോകുന്ന അനുഭൂതി. എന്റെ ജീവിതത്തിൽ വന്ന ഏറ്റവും നല്ല മനുഷ്യൻ... ശ്രീനിഷ് അരവിന്ദ്' എന്നാണ് പേളി കഴിഞ്ഞ ദിവസം സോഷ്യൽമീഡിയയിൽ കപ്പിൾ ചിത്രങ്ങൾ പങ്കുവെച്ച് കുറിച്ചത്.
-
തിരിച്ച് വന്ന് അവളുടെ ജീവിതമെന്താകുമെന്ന ആശങ്കയുണ്ട്; ഞങ്ങൾ തമ്മിലും വഴക്കുണ്ടായിട്ടുണ്ട്; രഞ്ജു രഞ്ജിമാർ
-
ദയവായി എന്നെ തിരിച്ചയക്കൂ, കരഞ്ഞ് കൊണ്ട് ജാന്മണി; ദുഖം താങ്ങാനാകാതെ ജിന്റോ; ജാന്മണി പുറത്ത്
-
'ജയ് ഹോ' ഒറിജിനല് ട്രാക്ക് റഹ്മാന്റേതല്ല; ചെയ്തത് മറ്റൊരു സിനിമയ്ക്ക് വേണ്ടി: രാം ഗോപാല് വര്മ