'ജീവിതത്തിലെ ദുർബലമായതും അതേസമയം ഏറ്റവും മനോ​ഹരമായ സമയവും അതായിരുന്നു, ശ്രീനിക്കും അതുതന്നെ'; പേളി

കൂടാതെ പേളിയും ശ്രീനിഷും സോഷ്യൽമീഡിയ വഴി പങ്കുവെക്കുന്ന വിശേഷങ്ങളെല്ലാം തന്നെ അതിവേ​ഗത്തിൽ വൈറലാകാറുമുണ്ട്. പേളി അവതാരികയായ സെലിബ്രിറ്റി ഇന്റർവ്യൂസിന്റെ പ്രോ​ഗ്രാം പ്രൊഡ്യൂസർ ശ്രീനിഷാണ്. ശ്രീനിഷിന്റെ കോർഡിനേഷനാണ് തന്റെ ഷോയുടെ വിജയത്തിന് കാരണമെന്ന് പേളി തന്നെ പലപ്പോഴായി പറഞ്ഞിട്ടുണ്ട്.

ഇരുവരുടേയും മകൾ നിലയും ഇപ്പോൾ ഒരു കുഞ്ഞ് സെലിബ്രിറ്റിയാണ്. ഇപ്പോഴിത ഒരു ആശുപത്രിയുമായി ബന്ധപ്പെട്ട പരിപാടിയിൽ സംസാരിക്കവെ തന്റെ ​ഗർഭകാലത്തെ കുറിച്ചും പ്രസവത്തെ കുറിച്ചുമെല്ലാം പേളി സംസാരിച്ച വീഡിയോയാണ് ഇപ്പോൾ ശ്രദ്ധ നേടുന്നത്.

Also Read: മകളെ നഷ്ടപ്പെട്ട വേദനയിലാണ് സുരേഷ് ഗോപി ആ സിനിമ ചെയ്തത്; ആകെ തകർന്ന അവസ്ഥ; നിർമാതാവ്

'നിങ്ങൾ ഈ തുടങ്ങിവെച്ചിരിക്കുന്ന സംരംഭത്തിൽ‌ ഏറ്റവും കൂടുതൽ കേൾക്കാൻ പോകുന്ന ഒച്ച കുട്ടികളുടേതാണ്. എന്റെ കൊച്ചാണ് അവിടെ കിടന്ന് കരയുന്നത്. കൊച്ചുങ്ങൾ കരയുന്നത് ആദ്യം കേൾക്കാൻ സുഖമാണ്‌... ഇപ്പോഴും സുഖമൊക്കെയുണ്ട്.'

'എന്റെ ജീവിതത്തിലെ ഏറ്റവും മനോഹരമായ ദിവസത്തെ കുറിച്ചോ നിമിഷത്തെ കുറിച്ചോ സംസാരിക്കാൻ പറഞ്ഞാൽ ഞാൻ പറയാൻ പോകുന്നത് നിലയുടെ മുഖം ആദ്യമായി കണ്ട ആ നിമിഷത്തെ കുറിച്ചായിരിക്കും. അത് എന്റെ ജീവിതത്തിലെ ഏറ്റവും ദുർബലമായ നിമിഷവും അതേസമയം ഏറ്റവും മനോ​ഹരമായ സമയവുമായിരുന്നു. ഒട്ടനവധി വികാരങ്ങൾ ഒരേ സമയം എനിക്ക് ആ നിമിഷം അനുഭവപ്പെട്ടു.'

'അത് വിവരിക്കാൻ പോലും എനിക്ക് സാധിക്കില്ല. അത് അനുഭവം എന്നെപ്പോലെയുണ്ടായിട്ടുള്ളവർക്ക് അത് മനസിലാകും. എനിക്ക് മത്രമല്ല എന്റെ ഭർത്താവിനും അന്ന് അതേ അനുഭവമാണ് ഉണ്ടായത്. എത്രയൊക്കെ മാറ്റങ്ങൾ സംഭവിച്ചുവെന്ന് പറഞ്ഞാലും വളരെ ദിവ്യമായ പരിശുദ്ധമായ ഒന്നാണ് ​ഗർഭധാരണവും പ്രസവവും.'

'ആദ്യമായി അമ്മയായ വ്യക്തിയാണ് ഞാൻ എന്നതുകൊണ്ട് തന്നെ എപ്പോഴും ഞാൻ എന്റെ ​ഗൈനക്കോളജിസ്റ്റുമായി സംസാരിക്കുകയും അറിവുകൾ നേടിയെടുക്കുകയും ചെയ്യാറുണ്ട്. ഇത് കാലങ്ങളോളം നീളുന്ന പ്രോസസാണല്ലോ...' മൈത്ര ആശുപത്രിയുടെ പരിപാടിയിൽ വിശിഷ്ടാതിഥിയായി പങ്കെടുത്ത് സംസാരിക്കവെ പേളി പറഞ്ഞു.

വീഡിയോ വൈറലായതോടെ നിരവധി പേരാണ് കമന്റുമായി എത്തിയത്. 'ഞാൻ വോട്ട് കൊടുത്ത് സ്നേഹിച്ച എന്റെ പേളി‌, എൻ്റെ വോട്ടിന് ഒരു വിലയുണ്ടെന്ന് തെളിയിച്ച വ്യക്തി' തുടങ്ങി നിരവധി കമന്റുകളാണ് വരുന്നത്.

പേളിയുടേയും കുടുംബത്തിന്റേയും വിശേഷങ്ങൾ പ്രേക്ഷകർ ഇരുകൈയ്യും നീട്ടിയാണ് സ്വീകരിക്കാറുള്ളത്. വലിമൈയാണ് പേളി അഭിനയിച്ച് ഏറ്റവും അവസാനം തിയേറ്ററുകളിലെത്തിയ സിനിമ. ചിത്രത്തിൽ അജിത്തായിരുന്നു നായകൻ.