സ്വയം അംഗീകരിക്കുക, തമാശകളെ ചേർത്ത് പിടിക്കുക... സ്ത്രീകളോട് പൂർണിമയ്ക്ക് ചിലത് പറയാനുണ്ട്

അമ്മ, ഭാര്യ, പ്രെഫഷണൽ, സുഹൃത്ത്, സഹോദരി എന്നീ വേഷങ്ങളെല്ലാം പെർഫക്ട് ആകാൻ നിരന്തരം ആവശ്യപ്പെടുന്നത് വളരെ സമ്മർദം തരുന്ന ഒന്നാണ്. മറ്റുളളവർ എന്ത് ചിന്തിക്കും എന്നോർത്ത് ഓരോ ദിവസത്തിലും എത്ര തവണ നമ്മൾ ആഗ്രഹിക്കുന്ന കാര്യങ്ങൾ പറയാതെ മൂടി വയ്ക്കും. സമൂഹ‌/ കുടുംബ സമ്മർദങ്ങൾ അല്ലെങ്കിൽ വ്യക്തിപരമായ ഉത്കണ്ഠകൾ കാരണം മറ്റെന്തെങ്കിലു ചെയ്യുന്നതായി സ്വയം കണ്ടെത്തുന്നതിന് മാത്രം, ഒരു നേട്ടം മനസ്സിൽ വച്ചു കൊണ്ട് ഞങ്ങൾ എത്ര തവണ രാവിലെ ഉണരാറുണ്ട്.

നമ്മുടെ ആഗ്രഹത്തിന് നാം വസ്ത്രം ധരിക്കാറുണ്ടോ? നമുക്ക് ഇഷ്ടപ്പെടുന്ന രീതിയിൽ സംഗീതമെങ്കിലും കേൾക്കാറുണ്ടോ? നമ്മുടെ ദൈനംദിന ജീവിതത്തിലെ വേഷപ്പകർച്ചക്കൾക്കിടയിൽ നാം നമ്മളെ തന്നെ നഷ്ടപ്പെടുത്തുന്നു. വൈകാരികമായ പൊട്ടിത്തെറികൾക്കിടയിൽ നമ്മുടെ ഹൃദയം എത്രത്തോളം ശൂന്യമാണെന്ന് നാം തിരിച്ചറിയുന്നില്ല- പൂർണിമ കുറിച്ചു.

ആദ്യം നാം നമ്മളെ തന്ന സ്നേഹിക്കാനും പഠിക്കാനും കഴിഞ്ഞില്ലെങ്കിൽ പിന്നെ ജീവിതത്തിൽ എന്ത് വിജയം നേടിയാലും അതൊന്നും യഥാർഥ സന്തോഷമാകില്ല. ദൈനംദിന ജീവിതത്തിൽ അവരവരോട് തന്നെ ദയ കാണിക്കുന്നത് നിങ്ങൾക്ക് സ്വയം ചെയ്യാൻ കഴിയുന്ന മികച്ച കാര്യങ്ങളിൽ ഒന്നാണ്. ജീവിതഭാരം കുറ‍ഞ്ഞതായിത്തീരുകയും നിങ്ങളുടെ ബന്ധങ്ങൾ മെച്ചപ്പെടുകയും ചെയ്യും. നിങ്ങൾക്ക് കൂടുതൽ സന്തോഷവും പൂർണതയും അനുഭവപ്പെടും.

സ്വയം അഭിമുഖീകരിക്കുകയും അംഗീകരിക്കുകയും നിങ്ങളോട് തന്നെ ക്ഷമിക്കുകയും ചെയ്യുക. നിങ്ങളുടെ എല്ലാ തമാശകളേയും ഭ്രാന്തുകളേയും ചേർത്ത് പിടിക്കുക. മറ്റുളളവർ എന്താണ് ചിന്തിക്കുന്നതെന്ന് പരിഗണിക്കാതെ, നിങ്ങൾ നിങ്ങളുടെ കഥ നിങ്ങൾക്ക് ഇഷ്ടമുള്ള രീതിയിൽ പറഞ്ഞു തുടങ്ങുക- പൂർണിമ പറഞ്ഞു.