Click it and Unblock the Notifications
Don't Miss!
-
ദിവസങ്ങള് ഉല്പ്പാദനക്ഷമവും വിജയകരവുമാക്കാന് വേണം മികച്ച പ്രഭാത ശീലങ്ങള് -
IPL 2024: സഞ്ജുവും റിഷഭുമല്ല, ഇന്ത്യക്ക് കാര്ത്തിക് മതി; എന്തൊരാടി- പ്രായം തളര്ത്താത്ത ഹീറോ -
രാഹുല് ഗാന്ധിക്കെതിരെ സംസാരിക്കുമ്പോഴുള്ള തീവ്രത മോദിക്കെതിരെയില്ല, മുഖ്യമന്ത്രിക്കെതിരെ ഷാഫി പറമ്പില് -
ഓടിക്കൊണ്ടിരിക്കുന്ന കാറിൻ്റെ റൂഫിലിരുന്ന് യാത്ര, പൊലീസിൻ്റെ വക കിടിലൻ പണി -
ബാംഗ്ലൂർ യാത്ര: ചൂടിൽ നിന്ന് രക്ഷപെടാം, വയനാടിന് പോകാൻ പറ്റിയ സമയം.. കാരണം ഇതാണ് -
വൺപ്ലസ് 11 ന് വീണ്ടും വില കുറഞ്ഞു; നിങ്ങളിത് വാങ്ങുമോ? ഡിസ്കൗണ്ട് കാശുകൊണ്ട് മറ്റൊരു ഫോൺകൂടി വാങ്ങാം! -
500 രൂപയിലും നിക്ഷേപം ആരംഭിക്കാം, പണം സമ്പാദിക്കാൻ നല്ലത് പോസ്റ്റ് ഓഫീസ് സ്കീം, ഇന്ന് തന്നെ ആരംഭിക്കൂ
നടി പ്രണിത സുഭാഷ് അമ്മയായി; ആരാധകരോട് സന്തോഷവാര്‍ത്ത പങ്കുവെച്ച് താരം, ഒപ്പം മകളുടെ ചിത്രങ്ങളും
മോഡലിങ് രംഗത്ത് നിന്നും സിനിമയിലേക്കെത്തി പിന്നീട് തെന്നിന്ത്യയാകെ നിറഞ്ഞുനിന്ന അഭിനേത്രിയാണ് പ്രണിത സുഭാഷ്. തെലുങ്ക്, തമിഴ്, കന്നഡ തുടങ്ങി നിരവധി ഭാഷകളില്‍ സജീവമായിരുന്ന പ്രണിത ഹിന്ദിയില്‍ ഹംഗാമ എന്ന ചിത്രത്തിലൂടെ ബോളിവുഡിലേക്കും ചേക്കേറി. വിവാഹത്തോടെയാണ് താരം അഭിനയരംഗത്ത് നിന്നും ഒരിടവേളയെടുത്തത്.
സിനിമാമേഖലയിലെ വിജയകരമായ കരിയറില്‍ മാത്രമല്ല വ്യക്തിജീവിതത്തിലും പ്രണിത തികച്ചും സംതൃപ്തയാണ്. കഴിഞ്ഞ ഏപ്രിലിലാണ് താന്‍ ഒരു കുഞ്ഞിന്റെ അമ്മയാകാന്‍ പോകുന്നുവെന്ന സത്യം പ്രണിത സുഭാഷ് തന്റെ ആരാധകരെ അറിയിച്ചത്. ഇപ്പോഴിതാ മകള്‍ ജനിച്ചുവെന്ന സന്തോഷവാര്‍ത്ത കൂടി പങ്കുവെക്കുകയാണ് താരം. ആശുപത്രിയില്‍ നിന്ന് കുഞ്ഞിനൊപ്പമുള്ള നിരവധി ചിത്രങ്ങളും പ്രണിത തന്റെ തന്റെ സോഷ്യല്‍ മീഡിയ പേജുകളില്‍ പങ്കുവെച്ചിട്ടുണ്ട്.
ചിത്രങ്ങള്‍ക്കൊപ്പം പ്രണിത കുറിച്ചിരിക്കുന്നത് ഇങ്ങനെയാണ്.' ഞങ്ങളുടെ പെണ്‍കുഞ്ഞിന്റെ ജനനദിനം മുതല്‍ വളരെ അതിശയകരമായി തോന്നുന്നു. ഒരു ഗൈനക്കോളജിസ്റ്റായ അമ്മയെ ലഭിച്ചത് ഞാന്‍ ശരിക്കും ഭാഗ്യവതിയാണ്. പക്ഷേ, അവരെ സംബന്ധിച്ചിടത്തോളം ഈ നിമിഷങ്ങള്‍ വളരെ കാഠിന്യമേറിയതും വൈകാരികമായി ഏറ്റവും ബുദ്ധിമുട്ടേറിയ സമയവുമായിരുന്നു.
എന്റെ ഒപ്പമുണ്ടായിരുന്ന എല്ലാ ഡോക്ടര്‍മാരെയും ഞാന്‍ നന്ദിയോടെ സ്മരിക്കുന്നു. അവരെന്റെ പ്രസവം സുഗമമാണെന്ന് ഉറപ്പാക്കി. പ്രസവം കഴിയുന്നത്ര വേദനാരഹിതമാക്കിത്തന്ന അനസ്‌തേഷ്യ ടീമിനോടും നന്ദി പറയാന്‍ ആഗ്രഹിക്കുന്നു. മകളുടെ ജനനകഥ നിങ്ങള്‍ക്കായി പങ്കുവെക്കാന്‍ ഞാന്‍ അക്ഷമയോടെ കാത്തിരിക്കുകയാണ്.'
നിരവധി ആരാധകരാണ് പ്രണിതയുടെ സോഷ്യല്‍ മീഡിയ അക്കൗണ്ടുകളില്‍ താരത്തിന് ആശംസകള്‍ അര്‍പ്പിക്കുന്നത്. കഴിഞ്ഞ ദിവസങ്ങളില്‍ പ്രണിത തന്റെ മെറ്റേണിറ്റി ഫോട്ടോഷൂട്ടിന്റെയും സീമന്തം ചടങ്ങുകളുടെയും ചിത്രങ്ങള്‍ സോഷ്യല്‍ മീഡിയയില്‍ പങ്കുവെച്ചിരുന്നു. തന്റെ ജീവിതത്തിലെ ഏറ്റവും മനോഹരമായ കാലമെന്നാണ് പ്രണിത ഗര്‍ഭകാലത്തെ വിശേഷിപ്പിച്ചത്.
താന്‍ ഗര്‍ഭിണിയാണെന്ന് ആദ്യമായി അറിഞ്ഞപ്പോള്‍ ആ അനുഭവത്തെക്കുറിച്ച് പ്രണിത പറയുന്നതിങ്ങനെ; 'പരിശോധനാഫലം പോസിറ്റീവാണെന്ന് അറിഞ്ഞപ്പോള്‍ ഞാന്‍ ആകെ തളര്‍ന്നു പോയി. ഒരു കുഞ്ഞിനെക്കുറിച്ച് ചിന്തിച്ചിട്ടുപോലുമില്ലാത്ത സമയമായിരുന്നു അത്. എങ്ങനെയെങ്കിലും ഒരു അമ്മയാകാനോ കുഞ്ഞ് ജനിക്കാനോ നാം ആഗ്രഹിക്കാറില്ല.
ഗര്‍ഭധാരണത്തെക്കുറിച്ചും എന്റെ വയര്‍ വലുതാകുന്നതിനെക്കുറിച്ചുമായിരുന്നു എന്റെ ആദ്യ ചിന്ത. ഒരു നടി എന്ന നിലയില്‍ എപ്പോഴും നമ്മുടെ ആകാരഭംഗി നിലനിര്‍ത്തേണ്ടതിനെക്കുറിച്ച് ബോധ്യമുണ്ടാകുമല്ലോ. എനിക്ക് സംഭവിച്ചത് അതായിരുന്നു. എല്ലാ ശ്രദ്ധയും നമ്മളില്‍ തന്നെയുള്ളതിനാല്‍ മറ്റുള്ളവര്‍ എങ്ങനെ നോക്കും എന്നതിനെക്കുറിച്ച് എപ്പോഴും ആശങ്കയായിരുന്നു.
എന്നാല്‍ നിങ്ങള്‍ ഗര്‍ഭിണിയാകുമ്പോള്‍ പതുക്കെ ചിന്തിക്കാന്‍ തുടങ്ങും, നമ്മുടെ ഉള്ളില്‍ മറ്റൊരു മനുഷ്യജീവന്‍ വളരുന്നുണ്ടല്ലോ എന്ന്. ആ വസ്തുത നമ്മെ കീഴടക്കും.' പ്രണിത തുറന്നുപറയുന്നു.
Recommended Video
2021 മെയ് 30-നായിരുന്നു ബിസിനസുകാരനായ നിതിന്‍ രാജുവും പ്രണിത സുഭാഷും തമ്മിലുള്ള വിവാഹം. അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തില്‍ വളരെ സ്വകാര്യമായിട്ടായിരുന്നു വിവാഹചടങ്ങുകള്‍. വിവാഹത്തിനുശേഷമാണ് ഇക്കാര്യം നടി തന്റെ സോഷ്യല്‍ മീഡിയ പേജിലൂടെ ആരാധകരെ അറിയിച്ചത്.
2010-ല്‍ പോക്രി എന്ന കന്നഡ ചിത്രത്തിലൂടെയായിരുന്നു പ്രണിതയുടെ സിനിമാ അരങ്ങേറ്റം. അതേ വര്‍ഷം തന്നെ തെലുങ്കിലേക്കും 2011ല്‍ തമിഴിലും നടി സിനിമകള്‍ ചെയ്യാന്‍ തുടങ്ങി. പിന്നീട് തെന്നിന്ത്യയിലെ വിവിധ ഭാഷകളില്‍ നായികാപ്രാധാന്യമുള്ള വേഷങ്ങളില്‍ തിളങ്ങി. കഴിഞ്ഞ വര്‍ഷം റിലീസിനെത്തിയ ഹംഗാമ 2 എന്ന സിനിമയിലൂടെ ഹിന്ദിയിലേക്കും ചുവടുവെച്ചു. രാമണ അവതാര എന്ന കന്നഡ സിനിമയാണ് പ്രണിതയുടേതായി ഇനി പുറത്തിറങ്ങാനുള്ളത്.
