ഈ സ്നേഹത്തിന് ഞാൻ അർഹയാണോ എന്ന് അറിയില്ല; സായ് പല്ലവിയുടെ ഹൃദയ സ്പർശിയായ വാക്കുകൾ

ട്വിറ്ററിലൂടെയാണ് സായ് പല്ലവി ആരാധകർക്ക് നന്ദി അറിയിച്ചിരിക്കുന്നത്. എനിക്ക് ആശംസകള്‍ അറിയിച്ചവര്‍ക്കെല്ലാം നന്ദി. ഒരു ആവശ്യം വന്നപ്പോൾ കൂടെ നിന്നവരോട് കടപ്പെട്ടിരിക്കുന്നു.. ചിത്രങ്ങളെല്ലാം കണ്ട് എന്റെ കണ്ണ് നിറഞ്ഞുപോയി. ദൈവം നിങ്ങളെ എല്ലാവരെയും അനുഗ്രഹിക്കട്ടെ. ഇനിയും കൂടുതല്‍ സഹായങ്ങള്‍ ചെയ്യാന്‍ നിങ്ങളെ കൊണ്ട് സാധിക്കട്ടെ സായ് പല്ലവി ട്വിറ്ററിൽ കുറിച്ചു,

വീട്ടിൽ സായ് പല്ലവിയ്ക്കായി സർപ്രൈസ് പിറന്നാൾ ആഘോഷം ഒരുക്കിയിരുന്നു. ആ സർപ്രൈസിന് ഹൃദയ സ്പർശിയായ വാക്കുകളിലൂടെയാണ് സായ് നന്ദി പറഞ്ഞത്. എങ്ങനെ തുടങ്ങണം എന്ത് എഴുതണം എന്ന് അറിയില്ല. ഇതൊരു വൈകാരിക മുഹൂർത്തമാണ്. ഇത്തവണത്തെ പിറന്നാൾ ആഘോഷിക്കാൻ പറ്റിയ മാനസികാവസ്ഥയിലായിരുന്നില്ല. നമ്മുടെ ചുറ്റും നടക്കുന്നത് അത്തരത്തിലുളള സംഭവങ്ങളാണ്. എന്നാൽ നിങ്ങൾ നൽകുന്ന സ്നേഹം എന്നിൽ നവോന്മേഷം പകരുന്നു. ഈ സ്‌നേഹം താന്‍ അര്‍ഹിക്കുന്നുണ്ടോയെന്ന് അറിയില്ല. എന്നാലും തീവ്രമായി ആഗ്രഹിക്കാന്‍ നിങ്ങള്‍ എന്നെ പ്രേരിപ്പിച്ചു. ഇത് തിരിച്ചു തരാന്‍ എന്നെ കൊണ്ട് കഴിയുന്നത് ചെയ്യും. എല്ലാവർക്കും ധാരാളം സന്തോഷവും മികച്ച ആരോഗ്യവും നേരുന്നു, സായ് പല്ലവി കുറിച്ചു. വീട്ടിൽ ഒരുക്കിയ പിറന്നാൾ ആഘോഷത്തിന്റെ ചിത്രം പങ്കുവെച്ചു കൊണ്ടായിരുന്നു താരത്തിന്റെ ഹൃദയ സ്പർശിയായ കുറിപ്പ്.

സായ് പല്ലവിയ്ക്ക് പിറന്നാൾ ആശംസ നേർന്ന് നടൻ നിവിൻ പോളിയും റാണയും എത്തിയിരുന്നു. സായ് പല്ലവിയുടെ ഏറ്റവും പുതിയ ചിത്രമാണ് വിരാടപർവ്വം. ചിത്രത്തിലെ സായ് യുടെ ക്യാരക്ടർ പോസ്റ്റർ പങ്കുവെച്ചു കൊണ്ടായിരുന്നു നടന്റെ ആശംസ.പേനയുടെ ശക്തിയും ശ്രദ്ധേയമായ കഥകളും എല്ലായ്പ്പോഴും നിങ്ങളോടൊപ്പം സഞ്ചരിക്കട്ടെ ... നിങ്ങൾക്ക് മികച്ചയൊരു പിറന്നാൾ ആശംസിക്കുന്നു എന്ന് ക്യാരക്ടർ പോസ്റ്ററിനൊപ്പം കുറിച്ചു.ചിത്രത്തിൽ സെമ്പരത്തി എന്ന കഥാപാത്രത്തെയാണ് സായ് അവതരിപ്പിക്കുന്നത്. സായ് പല്ലവിയുടെ പിറന്നാൾ സ്പെഷ്യലായിട്ടാണ് അണിയ പ്രവർത്തകർ ക്യാരക്ടർ പോസ്റ്റർ പുറത്തു വിട്ടിരിക്കുന്നത്. വിപ്ലവം സ്നേഹത്തിന്റെ ഒരു പ്രവൃത്തിയാണ് എന്ന കുറിച്ചു കൊണ്ടായിരുന്നു ക്യാരക്ടർ പോസ്റ്റർ പുറത്തു വിട്ടത്.

ഒരു പൊളിറ്റിക്കൽ ത്രില്ലർ ലവ് സ്റ്റോറിയാണ് വിരാടപർവ്വം. ചിത്രത്തിൽ ഒരു എക്സട്ര ഓഡിനറി കഥാപാത്രത്തെയാണ് സായ് പല്ലവി അവതരിപ്പിക്കുന്നത്. സ്ത്രീകൾ ജീവിതത്തിലെ വിവിധ ഘട്ടങ്ങളിൽ നേരിടുന്ന പ്രശ്നങ്ങൾ അഭിമുഖീകരിക്കുന്ന ഒരു കഥാപാത്രത്തെയാണ് സായ് പല്ലവി അവതരിപ്പിക്കുന്നത്. ക്രൂരനായ ഒരു രാഷ്ട്രീയ നേതാവിന്റേയും ഒരു വിദ്യാർഥി നേതാവിന്റേയും ഗെറ്റപ്പിൽ റാണ എത്തുന്നുണ്ട്. താബു, പ്രിയാമണിയും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.

യഥാർഥ സംഭവത്തിൽ നിന്ന് പ്രചോദനം ഉൾക്കൊണ്ടാണ് സിനിമ ഒരുങ്ങുന്നത്. ഇത് നേരത്തെ തന്നെ അണിയറ പ്രവർത്തകർ വ്യക്തമാക്കിയിരുന്നു. തെലങ്കാനയിലെ കരിംനഗർ, വാറങ്ക് എന്നീ ജില്ലകളിലായിരുന്നു ചിത്രത്തിന്റെ ഷൂട്ടിങ്ങ്. തെലുങ്കിൽ പുറത്തു വരുന്ന ചിത്രം മറ്റ് ഭാഷകളിലും മൊഴിമാറ്റി റിലീസ് ചെയ്യുന്നുണ്ട്. ചിത്രവുമായി ബന്ധപ്പെട്ട അടുത്ത വൃത്തങ്ങളാണ് ഇക്കാര്യം വെളിപ്പെടുത്തിയത്. സുരേഷ് ബാബു ദഗ്ഗുബാട്ടി, സുധാകർ ചെറുകുറി, എന്നിവർ ചേർന്നാണ് സിനിമ നിർമ്മിക്കുന്നത്. വേണു ഉദുഗാലയാണ് ചിത്രം സംവിധാനം ചെയ്യുന്നുത്.