കല്യാണക്കാര്യം പറഞ്ഞ് ഇനി ആരും ഇങ്ങോട്ട് വരണ്ട, അക്കാര്യത്തിൽ ഒരു തീരുമാനം ആയെന്ന് സനുഷ

പ്രായപൂർത്തിയായ ഏതൊരു വ്യക്തിയും നേരിടുന്ന ഒരു ചോദ്യമാണ് പ്രായമായില്ലേ, വിവാഹം കഴിക്കുന്നില്ലേ എന്നൊക്കെ. സിനിമാ താരങ്ങളുടെ വിവാഹ വിശേഷങ്ങൾ അറിയാൻ ആരാധകർക്കും കൂടുതൽ താത്പര്യമാണ്. പക്ഷെ സനുഷ പങ്കുവെച്ചിരിക്കുന്ന ഈ വീഡിയോ ഒരു മുൻകൂർ ജാമ്യം ആണെന്നാണ് ആരാധകർ പറയുന്നത്.

'ലോല ലോല' എന്ന പശ്ചാത്തല സംഗീതത്തോട് കൂടിയാണ് റീൽസ് സനുഷ പങ്കുവെച്ചിരിക്കുന്നത്. രസകരമായ കമന്റുകളാണ് റീൽസിന് ലഭിക്കുന്നത്. ഇൻസ്റ്റഗ്രാമിന്റെ ഈ തീരുമാനം കേട്ട് സനുഷയുടെ 'ലോല ഹൃദയം' തകർന്നെന്നും ചെറുക്കൻ രക്ഷപെട്ടു എന്നു തുടങ്ങി നിരവധി കമന്റുകൾ ഇതിനോടകം തന്നെ താരത്തിന് ലഭിച്ചു. ചിലർ വളരെ ഗൗരവമായി സനുഷയെ ഉപദേശിക്കുന്നും ഉണ്ട്, 'കല്യാണം കഴിക്കരുത് കേട്ടോ, ഇതുപോലെ എന്നും സന്തോഷത്തോടെ, സ്വാതന്ത്രിയത്തോടെ ഇരിക്കുന്നത് തന്നെയാണ് നല്ലത്' എന്നാണ് ചില കമന്റുകൾ.

രസകരമായ കമൻ്റുകൾക്ക് സനുഷ മറുപടിയും നൽകുന്നുണ്ട്. 'ചെറുക്കൻ രക്ഷപ്പെട്ടു എന്ന കമൻ്റിന്', 'ഇടിയ്ക്കുന്ന ഇമോജി' ഇട്ട് മറുപടി നൽകി. ഈ പറഞ്ഞത് നമുക്ക് അങ്ങ് തിരുത്തിയാലോ എന്ന കമന്റിന്, 'ഓ വേണ്ടാന്നേ' എന്നാണ് സനുഷ മറുപടിനൽകിയത്. 'നാല് തവണ നോക്കിയിട്ടും ഇങ്ങനെ തന്നെയാണ് വന്നത്, അത് കൂടെ ഇടാനുള്ള സാഹചര്യം ഇല്ലാത്തത് കൊണ്ടാണ് ഇവിടെ പോസ്റ്റ് ചെയ്യാത്തത്', സനുഷ മറുപടി നൽകി.

'ദാദാ സാഹിബ്' എന്ന സിനിമയിലൂടെയാണ് സനൂഷ ബാലതാരമായി എത്തുന്നത്. പിന്നീട് നിരവധി സിനിമകളിൽ അഭിനയിച്ചു. മികച്ച ബാലതാരത്തിനുള്ള സംസ്ഥാന ചലച്ചിത്ര പുരസ്‌കാരവും സനുഷ നേടിയിട്ടുണ്ട്. ദിലീപ് ചിത്രം 'മിസ്റ്റർ മരുമകനി'ലൂടെയാണ് നായികയായി എത്തുന്നത്. 'സക്കറിയയുടെ ഗർഭിണികൾ' എന്ന ചിത്രത്തിലൂടെ ജൂറിയുടെ പ്രത്യേക പരാമർശവും നേടി.

തെലുങ്കിൽ പുറത്തിറങ്ങിയ നാനി നായകനായ 'ജേഴ്‌സി'യിലാണ് സനുഷ അവസാനമായി അഭിനയിച്ചത്. ചിത്രം വൻ വിജയമായിരുന്നു. തമിഴ്, കന്നഡ ഭാഷകളിലും സജീവമാണ് സനുഷ. 'മരതകം' ആണ് ഇപ്പോൾ അണിയറയിലൊരുങ്ങുന്നത്. 'ഒരു മുറൈ പന്ത് പാർത്തായ' ആണ് അവസാനം പുറത്തിറങ്ങിയ മലയാളം സിനിമ. 'മരതക'ത്തിലൂടെ മലയാളത്തിലേക്കുള്ള തിരിച്ച് വരവിന് ഒരുങ്ങുകയാണ് താരം.