ആഗ്രഹിച്ചത് മറ്റൊന്നായിരുന്നു, പക്ഷേ അവൾക്ക് ദൈവം വിധിച്ചത് ഇങ്ങനെയൊരു ജീവിതം, ശരണ്യയുടെ അമ്മ

ശരണ്യയുടെ യൂട്യൂബ് വീഡിയോകളിൽ അമ്മ സജീവ സാന്നിധ്യമാണ്. അമ്മയുടെ ശബ്ദം മാത്രമാണ് വീഡിയോയിൽ കേൾക്കാൻ കഴിയുന്നത്. എന്നാൽ അമ്മയെ ക്യാമറയ്ക്ക് മുന്നിൽ കൊണ്ട് വരണമെന്ന് ആവശ്യപ്പെട്ട് പ്രേക്ഷകർ രംഗത്തെത്തുകയായിരുന്നു. വീഡിയോയ്ക്ക് താഴെ ഇക്കാര്യം ആവശ്യപ്പെട്ട് കൊണ്ട് പ്രേക്ഷകർ രംഗത്തെത്തുകയായിരുന്നു. ഇതിനെ തുടർന്നാണ് പുതിയ വീഡിയോയിൽ ശരണ്യ അമ്മയെ പരിചയപ്പെടുത്തിയിരിക്കുന്നത്. അമ്മയുടെ വീഡിയോ വൈറലായിട്ടുണ്ട്.

അമ്മ നാണക്കാരിയായത് കൊണ്ടാണ് വീഡിയോയിൽ മുഖം കാണിക്കാത്തതെന്നാണ് ശരണ്യ പറയുന്നത്. കഴിഞ്ഞ കുറച്ചു ദിവസങ്ങളായി ക്യാമറയ്ക്ക് മുന്നിൽ വരാൻ അമ്മയെ നിർബന്ധിക്കുന്നുണ്ട്. എന്നാൽ ശീലമില്ലാത്തത് കൊണ്ട് അമ്മയ്ക്ക് വരൻ മടിയാണെന്നു ശരണ്യ പറയുന്നു. ഉത്സവത്തിന് പോകാൻ തയ്യാറെടുക്കുന്ന ശരണ്യയും അമ്മയുമാണ് വീഡിയോയിൽ. പൊട്ട് തൊട്ട് ഒരുങ്ങുന്ന നടിയുടെ വീഡിയോ സോഷ്യൽ മീഡിയയിൽ വൈറലാകുകയാണ്.

മകൾ ശരണ്യയെ കുറിച്ചുള്ള പ്രതീക്ഷകളും അമ്മ വീഡിയോയിൽ പങ്കുവെച്ചിരുന്നു. മകൾ ഒരു കലാകാരിയാകുമെന്ന് കരുതിയില്ല എന്നാണ് അമ്മ പറയുന്നത്. മകൾ നന്നായി പഠിക്കുമായിരുന്നു. ഒരു ഒരു സർക്കാർ ഉദ്യോഗസ്ഥയായി, കല്യാണം കഴിച്ച് രണ്ടു മൂന്ന് കുട്ടികളൊക്കെയായി സന്തോഷത്തോടെ ജീവിക്കണമെന്നാണ് ആഗ്രഹിച്ചത്. പക്ഷേ അവൾക്ക് ദൈവം വിധിച്ചത് ഇങ്ങനെയൊരു ജീവിതമായിരുന്നു. കലാകാരിയാകുമെന്ന് ഒരിക്കലും വിചാരിച്ചില്ല. കുടുംബത്തിന് യാതൊരുവിധ കലാ പാരമ്പര്യവും ഉണ്ടായിരുന്നില്ല. എന്നാൽ ഇങ്ങനെ ഒരു അസുഖം വന്നപ്പോൾ പിന്തുണ ലഭിക്കാനുള്ള ഒരു കാരണം കലാകാരി ആയതാണെന്നും അമ്മ വീഡിയോയിൽ പറഞ്ഞു.

അഭിനയത്തിലേയ്ക്ക് തിരിച്ച് വരണമെന്നാണ് ശരണ്യയുടെ ആഗ്രഹം മുമ്പൊരിക്കൽ ആ പ്രതീക്ഷയും പങ്കുവെച്ചിരുന്നു.
സിറ്റി ലൈറ്റ്സ് എന്ന പേരിൽ ഒരു യൂട്യൂബ് ചാനലും താരം ആരംഭിച്ചിട്ടുണ്ട്. ഇത് തന്റെ രണ്ടാം ജന്മമായിട്ടാണ് നടി കരുതുന്നത്. ചികിത്സയ്ക്കിടയിലും നടി അഭിനയിച്ചിരുന്നു. വളരെ വൈകിയാണ് നടിയുടെ അസുഖത്തെ കുറിച്ച് പ്രേക്ഷകർ അറിയുന്നത്. . ഇപ്പോഴിതാ അവശതകളെ അവഗണിച്ച് പുതിയ ജീവിതത്തിലേക്ക് വരികയാണ് താരം.