'ശരീരം വിറ്റത് അമ്മയുടേയും സഹോദ​രങ്ങളുടേയും പട്ടിണി മാറ്റാൻ, വിവാഹജീവിതമായിരുന്നു എന്നും സ്വപ്നം'; ഷക്കീല!

വീട്ടുകാർക്ക് താൻ പണം കായ്ക്കുന്ന മരം അല്ലെങ്കിൽ എപ്പോൾ കുത്തിയാലും പണം ലഭിക്കുന്ന ഒരു മെഷീൻ മാത്രമായിരുന്നുവെന്ന് ഷക്കീല തന്നെ പറയുന്നു. 'ആരും എന്നെ ഒരു മനുഷ്യജീവിയായി പരിഗണിച്ചിരുന്നില്ല. സത്യസന്ധമായി പറഞ്ഞാൽ തിരക്കുള്ള സമയത്തുപോലും അഭിനയിക്കുക എന്നതിൽ കവിഞ്ഞ് താൻ പ്രതിഫലത്തെക്കുറിച്ച് പോലും ചിന്തിച്ചില്ല. കിട്ടിയ ചെക്കുകളെല്ലാം അമ്മയെ ഏൽപ്പിച്ചു. അമ്മ പണം ചേച്ചിയെയും അവർ പണമെല്ലാം സ്വന്തം അക്കൗണ്ടിലേയ്ക്കാണ് നിക്ഷേപിച്ചത്. ചേച്ചി ഇപ്പോൾ കോടീശ്വരിയാണ്. ഞാൻ അന്നന്നത്തെ അപ്പത്തിനുവേണ്ടി അധ്വാനിക്കുന്നു. കുടുംബത്തിലുള്ളവർക്കെല്ലാം ഞാൻ അഭിനയിച്ചുണ്ടാക്കിയ കാശ് മാത്രം മതിയായിരുന്നു. അതേ സമയം എന്റെ സാന്നിധ്യം അരോചകവും. ഇരുപത് പേരെയെങ്കിലും താൻ പ്രണയിച്ചു. വിവാഹം എന്ന ലക്ഷ്യത്തോടെയായിരുന്നു ഞാൻ ആ ബന്ധങ്ങൾ കണ്ടത്.'

'പക്ഷേ വിധി എല്ലാം മാറ്റി മറിച്ചു. പ്രണയ ബന്ധങ്ങളെല്ലാം പരാജയമായി തീർന്നു. സ്കൂളിൽ പഠിക്കുന്ന സമയത്ത് പോലും അധ്യാപകർ ഭാവിയിൽ എന്താവണമെന്ന് ചോദിച്ചാൽ പോലും ഞാൻ പറഞ്ഞിരുന്നത് ഹൗസ് വൈഫ് എന്നായിരുന്നു‌. ഡോക്ടർ‌, എഞ്ചിനീയർ എന്ന് പോലും പറയാനുള്ള കഴിവ് അന്നെനിക്ക് ഉണ്ടായിരുന്നില്ല. മലയാളം സിനിമകളിൽ അഭിനയിക്കാൻ ക്ഷണിക്കാൻ വരുന്നവർ ഒന്നും എന്നോട് വ്യക്തമായി കാര്യങ്ങൾ പറഞ്ഞിരുന്നില്ല. ഞാൻ‌ കുളി സീനിൽ അഭിനയിക്കുമ്പോൾ ടവൽ കൊണ്ട് കുറച്ച് ഭാ​ഗം മറച്ചിരുന്നു. പക്ഷെ ഞാൻ അഭിനയിച്ച് പോയ ശേഷം എന്റെ ദേഹത്തിന് ഡ്യൂപ്പിനെ വെച്ച് ന​ഗ്നത ഷൂട്ട് ചെയ്ത് പ്രദർശിപ്പിക്കുകയും ചെയ്തിരുന്നു. അതെല്ലാം ഞാൻ അറിഞ്ഞശേഷമാണ് മലയാള സിനിമകളിൽ ഇനി അഭിനയിക്കില്ലെന്ന് തീരുമാനിച്ചത്.'

'ഞാൻ പുസ്തകം എഴുതിയ ശേഷമാണ് ഷക്കീല എന്ന പേരിൽ ബയോപിക്ക് എടുക്കുന്നുവെന്ന് പറഞ്ഞ് ആളുകൾ സമീപിച്ചതും ബുക്ക് വാങ്ങിപോയതും. അവർ സിനിമയിൽ എന്റെ ജീവിതം കാണിച്ചതായി എനിക്ക് തോന്നിയില്ല. അതിനാൽ തന്നെ ആ ബോളിവു‍ഡ് സിനിമ എന്റെ ബോയിപിക്കാണ് എന്ന് സമ്മതിക്കാൻ എനിക്ക് ബുദ്ധിമുട്ടാണ്' ഷക്കീല പറയുന്നു. റിച്ച ഛദ്ദയായിരുന്നു ചിത്രത്തിൽ ഷക്കീലയായി അഭിനയിച്ചത്.