കുട്ടികൾ വേണ്ടെന്നത് എന്റെ ഉറച്ച തീരുമാനം ആയിരുന്നു; തുറന്ന് പറഞ്ഞ് ഷക്കീല

നടി ഷക്കീലയുടെ ജീവിതവും ഇത്തരത്തിൽ അതിനാടകീയതകൾ നിറഞ്ഞതായിരുന്നു. ഒരു കാലത്ത് മാദക താരമായി നിറഞ്ഞ് നിന്ന ഷക്കീല മലയാള സിനിമയിൽ അലയൊലികൾ തീർ‌ത്തിരുന്നു. മലയാളത്തിൽ സിനിമകൾ തുടരെ പരാജയപ്പെട്ട് കൊണ്ടിരിക്കുകയും സിനിമാ വ്യവസായം പ്രതിസന്ധിയിൽ ആവുകയും ചെയ്ത് കാലത്താണ് ഷക്കീലയുടെ സിനിമകൾ നിറഞ്ഞ സദസ്സിൽ ഓടിയത്. വാണിജ്യ പ്രതിസന്ധിയിൽ നിന്നും മലയാള സിനിമയെ സഹായിക്കാൻ ഷക്കീലയ്ക്ക് കഴിഞ്ഞു.

ഇള മനസ്സേ കിള്ളാത്. സിസ്റ്റർ മരിയ, ഡ്രെെവിം​ഗ് സ്കൂൾ, കിന്നാരത്തുമ്പികൾ തുടങ്ങിയ സിനിമകളിലൂടെ ഷക്കീല തരം​ഗം സൃഷ്ടിച്ചു. അക്കാലത്ത് ഷക്കീല സിനിമകൾ ഹിറ്റായെങ്കിലും ഷക്കീല പൊതുസമൂഹത്തിന് സ്വീകാര്യ ആയില്ല. ഷക്കീല മോശം സ്ത്രീയാണെന്ന തരത്തിൽ പ്രചരണവും നടന്നു.

നല്ല വേഷം ചെയ്ത സിനിമകൾ പോലും ഡ്യൂപ്പിനെ വെച്ച് മോശം രീതിയിൽ വന്നതോടെ ഷക്കീല മലയാഴ സിനിമയിൽ നിന്നും മാറി നിന്നും. ദീർഘ കാലം സിനിമകളിൽ ഷക്കീല അഭിനയിച്ചില്ല. ഇപ്പോൾ സിനിമകളിലും ടെലിവിഷൻ ഷോകളിലും വീണ്ടും സജീവമാവുകയാണ് ഷക്കീല.

ഇപ്പോഴിതാ തമിഴ് യൂട്യൂബ് ചാനലിന് നൽകിയ അഭിമുഖത്തിൽ ഷക്കീല പറഞ്ഞ വാക്കുകളാണ് ശ്രദ്ധ നേടുന്നത്. തനിക്ക് കുട്ടികൾ വേണ്ടെന്ന ഉറച്ച തീരുമാനം എടുത്തിരുന്നെന്നാണ് ഷക്കീല പറയുന്നത്. ബിഹൈന്റ്വുഡ്സിൽ നടി വനിത വിജയ കുമാറുമറിനെ ഇന്റർവ്യൂ ചെയ്യുന്നതിനിടെ ആണ് ഷക്കീല ഇതേപറ്റി സംസാരിച്ചത്. വനിതയുെട ജീവിതത്തിലെ വിവാഹ മോചനങ്ങളെ പറ്റി സംസാരിക്കുകയായിരുന്നു ഷക്കീല.

ഒരു വിവാഹ ബന്ധം മോശമായ അനുഭവമായതിന് ശേഷവും എന്തിനാണ് പിന്നെയും വിവാഹം കഴിച്ചത് എന്ന് വനിതയോട് ഷക്കീല ചോദിച്ചു. വിവാ​ഹത്തിന്റെ പ്രാധാന്യത്തെ പറ്റി പറഞ്ഞ് മനസ്സിലാക്കാൻ പറ്റില്ലെന്നാണ് വനിത നൽകിയ മറുപടി. ഇത് കേട്ട ഷക്കീല, ശരിയാണ് ഞാൻ ഇതുവരെ വിവാഹം കഴിച്ചിട്ടില്ല, എനിക്ക് ലിവിം​ഗ് റിലേഷൻഷിപ്പും ബോയ്ഫ്രണ്ടും ഒക്കെയായിരുന്നു. അത് അങ്ങനെ തന്നെ പോവുന്നു എന്ന് തമാശയോടെ പറഞ്ഞു.

പക്ഷെ നിങ്ങൾക്ക് കുട്ടികൾക്ക് വേണ്ടായിരുന്നല്ലോ എനിക്ക് കുഞ്ഞുങ്ങൾ വേണമായിരുന്നു അതിനാലാണ് വിവാഹം കഴിച്ചതെന്ന് എന്ന് വനിത പറഞ്ഞു. ശരിയാണ് അതിൽ ഞാൻ വളരെ ക്ലിയർ ആയിരുന്നു എന്ന് ഷക്കീലയും മറുപടി നൽകി. ഇരുവരും തമ്മിലുള്ള അഭിമുഖം ഇതിനകം ശ്രദ്ധയാകർഷിച്ചിട്ടുണ്ട്. അടുത്ത സുഹൃത്തുക്കളുമാണ് വനിത വിജയകുമാറും ഷക്കീലയും.

അടുത്തിടെ ഷക്കീല കേരളത്തിൽ ചർച്ചാ വിഷയം ആയിരുന്നു. കോഴിക്കോട് മാളിൽ നടത്താനിരുന്ന പരിപാടിക്ക് ഷക്കീല വരുന്നത് കാരണം മാളുടമകൾ അനുമതി നിഷേധിച്ചു എന്നതായിരുന്നു ഇതിന് കാരണം. വിഷയത്തിൽ ഷക്കീലയും തന്റെ വിമർശനം വ്യക്തമാക്കിയിരുന്നു.