നടിമാരിലെ മമ്മൂട്ടി, ആ കമന്റിനെ കുറിച്ച് ശാന്തി കൃഷ്ണ, പു​തി​യ​ ​കാ​ല​ത്ത്​ ​​അങ്ങനെയാകണം

പ്രായമൊക്കെ ഒരു നമ്പർ മാത്രമാണെന്നാണ് ശാന്തി പറയുന്നത്. എല്ലാവരുടേയും സ്നേഹത്തിന്റെ ശക്തികൊണ്ടുള്ള ആ പോസിറ്റീവ് എനർജി എന്നെ സ്വധീനിക്കുന്നത്. കുറെയൊക്കെ അച്ഛൻ അമ്മമാരുടെ ജീനുകളുടെ പ്രത്യേകതയുമുണ്ടാകാം. പിന്നെ എന്റെ മക്കൾ പുതിയ കാലത്തെ കുട്ടികാണ്. അവരോടൊപ്പം പിടിച്ച് നിൽക്കണമെങ്കിൽ ന്യൂജെൻ അമ്മയായെ പറ്റുള്ളൂ.

നടിമാരിലെ മമ്മൂട്ടിഎന്നാണ് ശാന്തി കൃഷ്ണ അറിയപ്പെടുന്നത്. വർഷങ്ങൾക്ക് മുൻപ് കണ്ട അതേ ശാന്തിയെ തന്നെയാണ് ഇന്നും കാണുന്നത്. എന്നാൽ തന്നെ മമ്മൂക്കയുമായി താരതമ്യം ചെയ്യാനേ പറ്റില്ലെന്നാണ് നടി പറയുന്നത്. അദ്ദേഹം എവർഗ്രീൻ ആണ്. ആ കമന്റ് വലിയൊരു ശക്തിയും അഭിനന്ദനവുമാണ്- ശാന്തി കൃഷണ പറഞ്ഞു. സിനിമയിൽ തനിയ്ക്ക് ഒരിക്കൽ പോലും ജനറേഷൻ ഗ്യാപ്പ് അനുഭവപ്പെട്ടിട്ടില്ലെന്ന് ശാന്തി കൃഷ്ണ പറഞ്ഞു. സിനിമയിൽ മാത്രമേ തനിയ്ക്ക് ദുഃഖ പുത്രി ഇമേജുള്ളൂ. ന്യൂജെൻ മക്കളുടെ അമ്മയായത് കൊണ്ട് സിനിമയിലും ആ പ്രായത്തിലുള്ളവരുമായി ജോളിയായി പോകും.

എന്റെ വ്യക്തിത്വത്തിൽ ഒരുപാട് മാറ്റമുണ്ട്. അനുഭവങ്ങളിലൂടെയാണ് നമ്മൾ ശക്തരാകുന്നത്. ഞാൻ എല്ലാ സാഹചര്യത്തിൽ നിന്നും പോസിറ്റീവായി വന്നു കഴിഞ്ഞു. അതുകൊണ്ടാകണം ബോൾഡായി തോന്നുന്നത്. ആ ഇമേജിൽ ഞാൻ ഹാപ്പിയാണ്. സിനിമയിൽ വന്ന കാലത്ത് മലയാളം ഒട്ടും അറിയില്ലായിരുന്നു. ഹിന്ദിയും തമിഴും ഇംഗ്ലീഷും മാത്രമേ സംസാരിക്കാനറിയാവൂ. അതുകൊണ്ട് തന്നെ സെറ്റൽ ആരോടും സംസാരിക്കില്ലായിരുന്നു. ഷോർട്ട് കഴിഞ്ഞാൽ ഒരു ഭാഗത്ത് പോയി പുസ്തകം വായിച്ചിരിക്കും. ഗമയാണ് ആളുകൾ ഒരുപാട് പറഞ്ഞിട്ടുണ്ട്. എന്നാൽ ഇപ്പോൾ അത് മാറി. മലയാളം ശിലമാക്കി. സെറ്റിലൊക്കെ നന്നായി സംസാരിക്കാൻ തുടങ്ങി.

ഒന്നും പ്ലാൻ ചെയ്യാറില്ല. നല്ല കഥാപാത്രങ്ങൾ കിട്ടുമെന്ന് വിചാരിക്കുന്നു. അതിനായി പ്രാർഥിക്കുന്നു, ഇന്നത്തെ ട്രെന്റ് വെച്ച് നോക്കിയാൽ കോമഡിയ്ക്കൊക്കെ പ്രാധാന്യം നൽകുന്ന ചിത്രങ്ങളാണ് അധികവും പുറത്തു വരുന്നത്. ശക്തമായ സ്ത്രീ കഥാപാത്രങ്ങൾ കുറവാണ്. ഒരു അമ്മയായി മാത്രം അഭിനയിക്കൻ താൽപര്യമില്ല. അത് ഒരു ആർട്ടിസ്റ്റ് എന്ന നിലയിൽ തൃപ്തി നൽകില്ല. അമിതാഭ് ബച്ചൻ ചെയ്യുന്നത് പോലെ ശക്തമായ വേഷങ്ങൾ ലഭിച്ചാൽ ഗംഭീരമാകും.