മമ്മൂട്ടിയെ കല്ലെറിഞ്ഞിട്ട് പോയ പയ്യന്‍; മറവത്തൂര്‍ കനവിലെ ആ പയ്യനാണ് ഈ നടിയുടെ ഭര്‍ത്താവ്, വീഡിയോ വൈറല്‍

1994 ലാണ് മറവത്തൂര്‍ കനവ് റിലീസ് ചെയ്യുന്നത്. അസിസ്റ്റന്റ് ഡയറക്ടറില്‍ നിന്നും സംവിധായകനായ ലാല്‍ ജോസിന്റെ കന്നിച്ചിത്രമായിരുന്നിത്. ചിത്രത്തില്‍ ബിജു മേനോന്റെ മകന്റെ വേഷത്തിലാണ് വിഷ്ണു അഭിനയിച്ചത്. മമ്മൂട്ടിയും ബിജു മേനോനും സഹോദരങ്ങളായിട്ടാണ് അഭിനയിച്ചത്.

ബിജു മേനോന്റെ മൈക്കിള്‍ എന്ന കഥാപാത്രത്തെ മമ്മൂട്ടിയുടെ ചാണ്ടി എന്ന കഥാപാത്രം കൊന്നതായി എല്ലാവരും തെറ്റിദ്ധരിക്കുന്നുണ്ട്. അങ്ങനെ കരുതിയ വിഷ്ണുവിന്റെ കഥാപാത്രം മമ്മൂട്ടിയെ കല്ല് വെച്ച് എറിയുകയും അടിക്കുകയുമൊക്കെയാണ് ചിത്രത്തിലെ പ്രധാനപ്പെട്ട രംഗം.

അന്ന് പ്രേക്ഷക ശ്രദ്ധ കാര്യമായി നേടിയിട്ടില്ലെങ്കിലും വിഷ്ണുവിനെ കുറിച്ചുള്ള വിശേഷമാണ് ഇപ്പോള്‍ പ്രചരിക്കുന്നത്. സീ കേരളം ചാനലിലെ ഡാന്‍സ് കേരള ഡാന്‍സ് എന്ന റിയാലിറ്റി ഷോ യില്‍ ലാല്‍ ജോസ് അതിഥിയായി എത്തിയിരുന്നു. ഇതിന്റെ അവതാരകരായ ആര്‍ജെ അരുണും ശില്‍പ ബാലയും ചേര്‍ന്നാണ് വിഷ്ണുവിനെ കുറിച്ച് പറയുന്നത്.

സാറിന്റെ ആദ്യ സിനിമയിയില്‍ അഭിനയിച്ച പുതുമുഖത്തിന്റെ ഭാര്യയാണിതെന്ന് പറഞ്ഞ് അരുണ്‍ ശില്‍പയെ പരിചയപ്പെടുത്തി കൊടുത്തു. നടിയും അവതാരകയുമായ ശില്‍പ ബാലയെയാണ് വിഷ്ണു വിവാഹം കഴിച്ചത്.

ഏതാണ് ആ പുതുമുഖമെന്ന് ചിന്തിച്ച ഉടന്‍ ലാല്‍ ജോസ് വിഷ്ണുവിന്റെ പേര് പറഞ്ഞു. വിഷ്ണുവിനെയാണോ നീ കല്യാണം കഴിച്ചിരിക്കുന്നതെന്ന് ലാല്‍ ജോസ് ശില്‍പയോട് ചോദിച്ചു. അതെനിക്ക് അറിയില്ലായിരുന്നു. ആദ്യത്തെ സിനിമയും അതിലെ കഥാപാത്രങ്ങളും എല്ലാവര്‍ക്കും പ്രിയപ്പെട്ടതാണ്. വിഷ്ണു മെഡിസിന് ചേര്‍ന്നതൊക്കെ ഞാന്‍ അറിഞ്ഞിരുന്നു. പക്ഷേ കല്യാണം കഴിച്ചത് ആരെയാണെന്ന് അറിയില്ലായിരുന്നു. വിഷ്ണു നന്നായി ഡാന്‍സ് ചെയ്യും. ഇപ്പോഴും ആ ഡാന്‍സൊക്കെ ഉണ്ടോ എന്നൊക്കെ ലാല്‍ ജോസ് ശില്‍പയോട് ചോദിച്ചു.

ഇതിനിടെ ഡാന്‍സ് പഠിപ്പിക്കാന്‍ പോയപ്പോഴാണ് കല്യാണം കഴിച്ചതെന്ന് അവതാരകന്‍ തമാശരൂപേണ പറഞ്ഞിരുന്നു. എന്നാല്‍ ഡാന്‍സ് പഠിപ്പിക്കാന്‍ പോയപ്പോള്‍ കെട്ടിയതല്ലെന്ന് പറഞ്ഞ് ശില്‍പയും എത്തി.

വിഷ്ണുവിനെ ടാഗ് ചെയ്ത് കൊണ്ട് 'നിങ്ങള്‍ക്കൊരു സര്‍പ്രൈസ'് എന്ന് ഭര്‍ത്താവിനോട് പറഞ്ഞ് കൊണ്ടാണ് ശില്‍പ ബാല ഈ വീഡിയോ സോഷ്യല്‍ മീഡിയ പേജിലൂടെ പുറത്ത് വിട്ടിരിക്കുന്നത്. അന്നത്തെ മാസ്റ്റര്‍ വിഷ്ണു ഇന്ന് ഡോക്ടര്‍ വിഷ്ണു ഗോപാലാണ്. കണ്ണൂര്‍ ആസ്റ്റര്‍ മിംസില്‍ ഓങ്കോളജിസ്റ്റായി സേവനം ചെയ്യുകയാണ്.