വീട്ടിലെ മൂത്തപെണ്‍കുട്ടി ആയത് കൊണ്ട് നേരത്തെ കല്യാണം കഴിപ്പിച്ചു; വിവാഹിതയായിട്ട് 23 വര്‍ഷമെന്ന് നടി സ്മിനു

കെട്ട്യോളാണ് എന്റെ മാലാഖയിലെ അനു ചേച്ചിയെ പോലെയും ഓപ്പറേഷന്‍ ജാവയിലെ തഗ്ഗ് പറയുന്ന അമ്മയെ പോലെയും വാതോരാതെ സംസാരിച്ച് നാട്ടിന്‍ പുറത്ത് താമസിക്കുന്ന കോട്ടയകാരിയാണ് ഞാന്‍. മമ്മൂക്കയെയും ലാലേട്ടനെയും ഒന്ന് ദൂരെ നിന്ന് കാണണമെന്ന് മാത്രമേ ആഗ്രഹിച്ചിട്ടുള്ളൂ. വലിയ താരങ്ങള്‍ക്കൊപ്പം പ്രശസ്തരായ സംവിധായകരുടെ സിനിമയില്‍ അഭിനയിക്കാന്‍ കഴിഞ്ഞു. നല്ല ആളുകളെ പരിചയപ്പെടാനും സാധിച്ചു. എല്ലാവരുടെയും പ്രോത്സാഹനം ഉണ്ട്.

ഇപ്പോള്‍ അന്നേച്ചി, ചേച്ചി, ചേച്ചി അമ്മ എന്നൊക്കെയാണ് സ്നേഹവും ബഹുമാനവും കരുതലും നിറഞ്ഞ വിളികള്‍ തനിക്ക് ലഭിക്കാറുള്ളത്. ചങ്ങനാശ്ശേരി അടുത്ത് തൃക്കൊടിത്താനം പീടികപ്പടി എന്ന നാട്ടില്‍ ഒന്നുമല്ലാതായി പോകേണ്ട എന്നെ ഇപ്പോള്‍ കുറെ ആളുകള്‍ അറിയുന്നതില്‍ വലിയ സന്തോഷമുണ്ട് പ്രേക്ഷകര്‍ എന്നെ വീട്ടിലെ അംഗത്തെ പോലെ സ്വീകരിച്ചതിന്റെ ധൈര്യവും ഉണ്ടെന്ന് നടി പറയുന്നു. അതേ സമയം സ്‌കൂളില്‍ പഠിക്കുമ്പോള്‍ സംസ്ഥാന ജൂനിയര്‍ ഹാന്‍ഡ്ബോള്‍ ടീമംഗമായിരുന്നു എന്നാണ് സ്മിനു പറയുന്നത്.

എന്നാല്‍ വീട്ടിലെ മൂത്ത പെണ്‍കുട്ടി ആയതിനാല്‍ വിവാഹം നേരത്തെ കഴിഞ്ഞു തന്നെ വിവാഹം കഴിഞ്ഞിട്ട് ഇപ്പോള്‍ 23 വര്‍ഷമായി. അന്നൊക്കെ പെണ്‍കുട്ടികളുടെ വിവാഹം നേരത്തെ നടത്തുന്നതാണ് പതിവ്. ഭര്‍ത്താവ് സിജോ ബിസിനസ് ചെയ്യുകയാണ്. സ്പോര്‍ട്സ് ഉപേക്ഷിച്ചതില്‍ എനിക്ക് ഒരുപാട് സങ്കടം തോന്നിയിരുന്നു. അടുക്കളയില്‍ മാത്രം ഒതുങ്ങി നില്‍ക്കേണ്ട സമയം ഒക്കെ കഴിഞ്ഞു. ഞാന്‍ എന്തെങ്കിലും ആയിത്തീരണമെന്ന് ആഗ്രഹിച്ചത് പപ്പയെ ആയിരുന്നു പക്ഷേ അത് കാണാന്‍ മാത്രം ഇപ്പോള്‍ ഇല്ലെന്നും സ്മിനു സൂചിപ്പിച്ചു.