പ്രതീഷിനോട് ചേര്‍ന്നുനിന്ന് സ്വാതി നിത്യാനന്ദ്! വിവാഹത്തിന് മുന്‍പ് ഞങ്ങള്‍ ഇങ്ങനെ!ചിത്രം വൈറല്‍!

വിവാഹത്തിന് മുന്‍പ്

പ്രതീഷിനോട് ചേര്‍ന്നുനിന്നുള്ള ചിത്രവുമായാണ് സ്വാതി നിത്യാനന്ദ് എത്തിയത്. കഴിഞ്ഞ ദിവസം പോസ്റ്റ് ചെയ്ത ചിത്രം ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്. നിരവധി പേരാണ് ചിത്രത്തിന് കീഴില്‍ കമന്റുകള്‍ പോസ്റ്റ് ചെയ്തിട്ടുള്ളത്. വിവാഹത്തിന് മുന്‍പുള്ള ചിത്രമെന്ന ക്യാപ്ഷനോടെയായിരുന്നു ഫോട്ടോ പോസ്റ്റ് ചെയ്തത്. മറ്റുള്ളവര്‍ പറയുന്ന കാര്യങ്ങളെക്കുറിച്ചോര്‍ത്ത് വേദനിക്കാതെ മുന്നേറൂയെന്നായിരുന്നു ഒരാള്‍ പറഞ്ഞത്. ക്യൂട്ട് കപ്പിള്‍സാണ് നിങ്ങളെന്നുള്ള കമന്റും ചിത്രത്തിന് കീഴിലുണ്ട്.

സന്തോഷവതിയാണ്

പ്രതീഷിനെ വിവാഹം ചെയ്യാനുള്ള തന്റെ തീരുമാനം തെറ്റിയിട്ടില്ലെന്നും വിവാഹ ശേഷവും താന്‍ സന്തോഷവതിയാണെന്നും താരം പറഞ്ഞിരുന്നു. രണ്ടര വര്‍ഷത്തെ പ്രണയത്തിന് ശേഷമായാണ് ഇരുവരും വിവാഹിതരായത്. ഭ്രമണത്തിലെ പോലെയായല്ലോയെന്നും വൈകാതെ തന്നെ വിവാഹമോചനം ഉണ്ടാവുമല്ലോയെന്നുമൊക്കെയായിരുന്നു വിമര്‍ശകര്‍ താരത്തോട് ചോദിച്ചത്. ഇത്തരത്തിലുള്ള കമന്റുകള്‍ വേദനിപ്പിച്ചുവെന്നും താനും ഭര്‍ത്താവും സന്തോഷത്തോടെ കഴിയുന്നതില്‍ ആര്‍ക്കാണ് പ്രശ്‌നമെന്നും താരം ചോദിച്ചിരുന്നു.

അഭിനയവും പഠനവും

വര്‍ഷങ്ങളായി ഈ മേഖലയില്‍ സജീവമാണ് ഭര്‍ത്താവ്. വിവാഹ ശേഷവും താന്‍ അഭിനയം തുടരുമെന്നും സിനിമയില്‍ നിന്നും മികച്ച അവസരം ലഭിച്ചാല്‍ സ്വീകരിക്കുമെന്നും താരം പറഞ്ഞിരുന്നു. അഭിനയത്തോടൊപ്പം തന്നെ പഠനവും കൊണ്ടുപോവും. അഭിനയത്തിന് പുറമെ നൃത്തത്തിലും സജീവമാണ് സ്വാതി. ഇടയ്ക്ക് അരുണ്‍ രാഘവിനൊപ്പമുള്ള നൃത്തവുമായും താരമെത്തിയിരുന്നു. അവാര്‍ഡ് നൈറ്റിലെ നൃത്തപരിപാടിയുടെ വീഡിയോ സോഷ്യല്‍ മീഡിയയിലൂടെ വൈറലായി മാറിയിരുന്നു.

ഭര്‍ത്താവിനെക്കുറിച്ച്

പ്രതീഷ് ഡ്രഗ് അഡിക്റ്റാണെന്നും നേരത്തെ വിവാഹിതനാണെന്നും 2 കുട്ടികളുമുണ്ടെന്ന തരത്തിലുമൊക്കെയായിരുന്നു റിപ്പോര്‍ട്ടുകള്‍. സഹോദരിയുടെ കുഞ്ഞിനൊപ്പമുള്ള ചിത്രം അദ്ദേഹം സോഷ്യല്‍ മീഡിയയിലൂടെ പങ്കുവെച്ചിരുന്നു. അതേക്കുറിച്ചായിരുന്നു ചിലര്‍ വിമര്‍ശിച്ചത്. ചിരിക്കാത്തയാളാണല്ലോയെന്നായിരുന്നു മറ്റൊരു കമന്റ്. ക്യാമറയ്ക്ക് മുന്നില്‍ നിന്ന് അഭിനയിക്കുന്ന തന്നെപ്പോലെ തന്നെ അദ്ദേഹവും ചിരിക്കണമെന്ന് പറഞ്ഞാല്‍ അത് സാധ്യമാവുമോയെന്നായിരുന്നു സ്വാതി വിമര്‍ശകരോട് ചോദിച്ചത്.

പുതിയ പരമ്പര

വൈകാതെ തന്നെ പുതിയ പരമ്പരയുമായി താനെത്തുന്നുണ്ടെന്നും സ്വാതി പറഞ്ഞിരുന്നു. മഴവില്‍ മനോരമയില്‍ സംപ്രേഷണം ചെയ്യുന്ന പരമ്പരയിലാണ് ഇനി അഭിനയിക്കുന്നത്. പൈലറ്റ് ഷൂട്ട് നേരത്തെ കഴിഞ്ഞതാണെന്നും ലോക് ഡൗണായതോടെ ചിത്രീകരണം നീളുകയായിരുന്നുവെന്നും താരം പറഞ്ഞിരുന്നു. ജോലിയുമായി ബന്ധപ്പെട്ട കാര്യങ്ങള്‍ കൊച്ചിയിലും തിരുവനന്തപുരത്തുമായതിനാല്‍ ഈ രണ്ട് സ്ഥലങ്ങളില്‍ എവിടെയെങ്കിലുമായിരിക്കും തങ്ങള്‍ സെറ്റിലാവുന്നതെന്നും താരം പറഞ്ഞിരുന്നു.