twitter
    For Quick Alerts
    ALLOW NOTIFICATIONS  
    For Daily Alerts

    ഈ ഫോട്ടോ കണ്ടിട്ടാണ് മാധവിക്കുട്ടി അഭിനയിക്കാൻ വിളിച്ചത്, ചിത്രം പങ്കുവെച്ച് നടി

    |

    മലയാളി പ്രേക്ഷകരുടെ പ്രിയങ്കരിയായ നടിയാണ് ഊർമിള ഉണ്ണി. 1988 ൽ മാറാട്ടം എന്ന ചിത്രത്തിലൂടെയാണ് നടി സിനിമയിൽ എത്തിയത്. പിന്നീട് സർഗം, കഥാപുരുഷൻ, മഴ, ഇരട്ടക്കുട്ടികളുടെ അച്ഛൻ എന്നിങ്ങനെ നിരവധി ചിത്രങ്ങളുടെ ഭാഗമായിരുന്നു. ഇന്നും സിനിമയിൽ സജീവമാണ്. അഭിനേത്രി എന്നതിൽ ഉപരി മികച്ച നർത്തകി കൂടിയാണ്.

    urmila unni

    ഇപ്പോൾ സോഷ്യൽ മീഡിയയിൽ വൈറലാകുന്നത് നടിയുടെ പുതിയ ഫേസ്ബുക്ക് പോസ്റ്റാണ്. ഒരു പഴയ ചിത്രമാണ് താരം പങ്കുവെച്ചിരിക്കുന്നത്. ഇത് പ്രേക്ഷകരുടെ ഇടയിൽ വൈറലായിട്ടുണ്ട്. പണ്ട് മാധവിക്കുട്ടി ഈ ഫോട്ടോ കണ്ടിട്ടാണ് അവരുടെ ഒരു കഥ അഭിനയിക്കാൻ വിളിച്ചത്... നടന്നില്ല എന്നായിരുന്നു ഊർമിള ഉണ്ണിയുടെ കുറിപ്പ്. നടിയുടെ പോസ്റ്റും ചിത്രവും പ്രേക്ഷകരുടെ ഇടയിൽ ചർച്ചയായിട്ടുണ്ട്. മികച്ച കമന്റുകളാണ് ചിത്രത്തിന് ലഭിക്കുന്നത് . മാധവിക്കുട്ടിയായി അഭിനയിച്ചിരുന്നുവെങ്കിൽ ക്ലിക്ക് ചെയ്തേനെ പ്രത്യേകിച്ച് ആ കണ്ണുകൾ, എന്തൊരു ഭംഗിയാണ് തുടങ്ങിയ നല്ല കമന്റുകളാണ് ചിത്രത്തിന് ലഭിക്കുന്നത്.

    സോഷ്യൽ മീഡിയയിൽ സജീവമാണ് ഊർമിള ഉണ്ണി. ദിവസങ്ങൾക്ക് മുൻപ് നൃത്തം ചെയ്യുന്നതിന്റെ പഴയ ഒരു വീഡിയോ നടി ഫേസ്ബുക്കിൽ പങ്കുവെച്ചിരുന്നു. 2020 ൽ ഫേസ് ബുക്കിൽ പങ്കുവെച്ച വീഡിയോ ആയിരുന്നു ഇത്. '' കുറേ കാലത്തിനു ശേഷം വെറുതെ ഒന്ന് കളിച്ചു നോക്കിയതാ ... സജിത് പള്ളിപ്പുറത്തിന്റെ ഈ പാട്ടു കേട്ടാൽ ആരും മോഹിനിയാട്ടമാടിപ്പോകും! PK മുരളീകൃഷ്ണന്റെ വരികൾക്ക് നന്ദി .എന്റെ ഉണ്ണിയേട്ടന്റെ ക്യാമറ വർക്കിനും! എന്ന് കുറിച്ച് കൊണ്ടായിരുന്നു താരം വീഡിയോ പങ്കുവെച്ചത്. 1962 ജൂൺ 14ന് തിരുവല്ലയിലെ നെടുമ്പുറം കൊട്ടാരത്തിൽ ജനിച്ച ഊർമിള ഉണ്ണി. മോഹിനിയാട്ടം, ഭരതനാട്യം, കഥകളി, വീണ എന്നീവ അഭ്യസിച്ചിട്ടുണ്ട്.

    ഏപ്രിലായിരുന്നു ഊർമിള ഉണ്ണിയുടെ മകൾ ഉത്തര ഉണ്ണിയുടേയും നരേഷ് നാരായണന്റേയിം വിവാഹം. 2020 ൽ നടത്താനിരുന്ന വിവാഹം കൊവിഡ് ലോക്ക് ഡൗൺ പ്രതിസന്ധിയെ തുടർന്ന് മാറ്റി വയ്ക്കുകയായിരുന്നു. ഏപ്രിൽ 8 ന് നടന് വിവാഹത്തിൽ അടുത്ത ബന്ധുക്കൾ മാത്രമായിരുന്നു പങ്കെടുത്തത്. ക്ഷേത്രത്തിൽ വെച്ചായിരുന്നു താലികെട്ട്. പിന്നീട് സുഹൃത്തുക്കൾക്കും മറ്റും വേണ്ട റിസപ്ഷൻ സംഘടിപ്പിച്ചിരുന്നു, കൊവിഡ് മാനദണ്ഡങ്ങൾ പാലിച്ചാണ് വിവാഹം നടത്തിയത്.

    Recommended Video

    Uthara Unni Exclusive Interview | Filmibeat Malayalam

    ഊർമിള ഉണ്ണിയുടെ ഫേസ്ബുക്ക് പോസ്റ്റ്

    Read more about: urmila unni
    English summary
    Actress Urmila Unni Shares her Old Pic went Viral
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X