സ്കൂൾ ഫിനിഷ് ചെയ്തിട്ടില്ല, അഹങ്കാരിയാണ്, ഇങ്ങോട്ട് വിളിച്ചാൽ അങ്ങോട്ട് പോകും, ആ വിമർശനത്തെക്കുറിച്ച് ഉർവശി

1980 കളിലാണ് ഉർവശി തന്റെ സിനിമ ജീവിതം ആരംഭിക്കുന്നത്. കെ ഭാഗ്യ രാജ് സംവിധാനം ചെയ്ത മുന്താണി മുടിച്ചാച്ച് ആണ് നടിയുടെ ആദ്യ തമിഴ് ചിത്രം. ഈ ചിത്രത്തിൽ അഭിനയിക്കുമ്പോഴാണ് തന്നെ കുറിച്ച് ആദ്യമായി ഒരു വിമർശനം വരുന്നതെന്നാണ് നടി പറയുന്നത്. ഉർവശിയുടെ വാക്കുകൾ ഇങ്ങനെയാണ്.‘പുതിയതായി ഒരു നായിക വന്നിട്ടുണ്ട്. സ്കൂൾ ഫിനിഷ് ചെയ്തിട്ടില്ല. ഭയങ്കര അഹങ്കാരിയാണ്, സംവിധായകൻ ഇങ്ങോട്ട് വിളിച്ചാൽ അങ്ങോട്ട് പോകും' എന്നൊക്കെയായിരുന്നു അന്ന് കേൾക്കേണ്ടി വന്ന വിമർശനങ്ങൾ- ഉർവശി പറയുന്നു.

Recommended Video

wccയെപ്പറ്റി മനസ്സ് തുറന്ന് നടി ഉര്‍വശി | Filmibeat Malayalam

ചിത്രത്തിലെ ‘പരിമളം' എന്ന കഥാപാത്രം ചെയ്തു കഴിഞ്ഞപ്പോൾ അന്ന് ജനിച്ച നിരവധി കുട്ടികൾക്ക് അങ്ങനെ ഒരു പേര് ഞാൻ ഇട്ടിട്ടുണ്ട് .അന്ന് വിമർശിക്കപ്പെട്ടെങ്കിലും അതൊക്കെ ആ സിനിമയെക്കുറിച്ച് ഓർക്കുമ്പോൾ മറക്കാനാവാത്ത കാര്യങ്ങളാണെന്നും ഉർവശി അഭിമുഖത്തിൽ പറഞ്ഞു. ‘മുന്താനെ മുടിച്ച്' എന്ന ചിത്രം ശ്രദ്ധിക്കപ്പെട്ടതോടെ ഉർവശിയും കോളിവുഡ് കോളങ്ങളിലെ ചർച്ച വിഷയമാകുകയായിരുന്നു. പിന്നീട് നിരവധി മികച്ച ചിത്രങ്ങളുടെ ഭാഗമാകുകയായിരുന്നു നടി.