പാര്‍വതിയെ കെട്ടിപിടിച്ചും ഉമ്മ കൊടുത്തും നടിമാര്‍, ആശംസകള്‍ക്കൊപ്പം ചില വെളിപ്പെടുത്തലും

നടി പൂര്‍ണിമയുടെ കുടുംബവുമായി അടുത്ത സൗഹൃദം പുലര്‍ത്തുന്ന ആളാണ് പാര്‍വതി. അതിനാല്‍ പിറന്നാള്‍ ദിനത്തില്‍ പൂര്‍ണിമയും ഇന്ദ്രജിത്തുമെല്ലാം ആശംസകളുമായി എത്തിയിരിക്കുകയാണ്. പാര്‍വതിയുടെ മടിയില്‍ ഇരിക്കുന്നതും കെട്ടിപിടിച്ച് ഉമ്മ കൊടുക്കുന്നതും തിരിച്ച് ഉമ്മ വെക്കുന്ന ചിത്രങ്ങളെല്ലാം പങ്കുവെച്ച് കൊണ്ടാണ് പൂര്‍ണിമ ആശംസ അറിയിച്ചത്.

പാര്‍വതിയുടെ അടുത്ത സുഹൃത്തും നടിയും സംവിധായികയുമായ ഗീതു മോഹന്‍ദാസും ആശംസകള്‍ അറിയിച്ചിരുന്നു. അതീവ സന്തോഷത്തോടെ പൊട്ടിച്ചിരിച്ച് നില്‍ക്കുന്ന പാര്‍വതിയുടെ ഒരു ചിത്രമായിരുന്നു ഗീതു ഇന്‍സ്റ്റാഗ്രാമിലൂടെ പോസ്റ്റ് ചെയ്തത്. റോക്ക്‌സ്റ്റാര്‍ എന്നാണ് ഗീതു പാര്‍വതിയെ വിശേഷിപ്പിച്ചത്. ഇതിന് താഴെ നന്ദി പറഞ്ഞ് നടിയും എത്തി.

ഇന്‍സ്റ്റാഗ്രാമിലൂടെല തന്നെയായിരുന്നു നടി റിമ കല്ലിങ്കലും പാര്‍വതിയ്ക്ക് ജന്മദിനാശംസ നേര്‍ന്നത്. പാര്‍വതിയുടെ പുറത്തേ സ്വഭാവം കാണിച്ച് തരുന്ന നിരവധി ചിത്രങ്ങളായിരുന്നു റിമ പങ്കുവെച്ചത്. നീ എത്ര മനോഹരമായ വ്യക്തിത്വത്തിന് ഉടമയാണെന്ന് കാണിച്ച് തരുന്ന ചിത്രങ്ങളാണ് ആദ്യമേയുള്ളത്. ഇതൊക്കെ ജന്മദിനത്തില്‍ മാത്രമേ പറയുകയുള്ളു. അല്ലാത്തപ്പോള്‍ ഉണ്ടാവുകയില്ല. അവസാന ചിത്രം പറയും നീ എനിക്ക് ആരാണെന്ന് പറയും. നിന്റെ തോളുകളില്‍ കിടന്ന് കൂടുതല്‍ യാത്രകള്‍ക്കും അനുഭവങ്ങള്‍ക്കുമുള്ളതാണ്. എന്നും റിമ പറയുന്നു.