അമ്പിളിക്കും കുഞ്ഞിനുമരികിലേക്കെത്തിയെന്ന് ആദിത്യന്‍! ചക്കരാസിനൊപ്പമുള്ള പുതിയ ചിത്രം വൈറലാവുന്നു!

ചക്കരാസിനൊപ്പം

അനിയനെ ചേര്‍ത്തുപിടിച്ച് കിടക്കുന്ന അപ്പൂസിന്റെ ചിത്രങ്ങളായിരുന്നു ആദിത്യന്‍ പോസ്റ്റ് ചെയ്തത്. കുഞ്ഞനിയന്‍ വന്ന സന്തോഷത്തിലാണ് അപ്പൂസെന്ന് നേരത്തെ അമ്പിളിയും ആദിത്യനും പറഞ്ഞിരുന്നു. സൂക്ഷ്മതയോടെ അനിയനെ ചേര്‍ത്തുപിടിച്ച് കിടക്കുകയാണ് അപ്പൂസ്. ചക്കരാസ് എന്ന ക്യാപഷ്‌നോടെയായിരുന്നു ആദിത്യന്‍ പുതിയ ചിത്രം പോസ്റ്റ് ചെയ്തത്. കുഞ്ഞിന് മുടിയുണ്ടല്ലോയെന്നും ഇതാണോ മൊട്ടയെന്നുമായിരുന്നു ഒരാളുടെ ചോദ്യം.

ബിഗ് ബോസ് 2 ലേക്ക്?

ആദിത്യന്‍ ജയന്‍ ബിഗ് ബോസ് 2ലേക്ക് എത്തിയേക്കുമെന്ന തരത്തിലുള്ള റിപ്പോര്‍ട്ടുകളും ഇതിനിടയില്‍ പ്രചരിച്ചിരുന്നു. ഇതേക്കുറിച്ചുള്ള ചോദ്യങ്ങളും താരത്തിന്‍രെ പോസ്റ്റിന് കീഴിലുണ്ടായിരുന്നു. പ്രശ്‌നങ്ങളുണ്ടാവാന്‍ സാധ്യതയുണ്ടെന്നും തോറ്റുകൊടുക്കാതെ മുന്നേറണമെന്നുമായിരുന്നു ഒരാള്‍ പറഞ്ഞത്. താന്‍ ബിഗ് ബോസില്‍ മത്സരിക്കുന്നുണ്ടെന്ന് ആരാണ് പറഞ്ഞതെന്നും അങ്ങനെയൊരു കാര്യത്തെക്കുറിച്ച് താനറിഞ്ഞിട്ടില്ലെന്നുമായിരുന്നു താരത്തിന്‍രെ മറുപടി.

വീണ്ടും സ്‌ക്രീനില്‍

ഇടവേളയ്ക്ക് ശേഷം വീണ്ടും സീരിയലില്‍ സജീവമായിരിക്കുകയാണ് ആദിത്യന്‍. വീട്ടിലെ സ്വീകരണമുറിയിലെ സ്‌ക്രീനില്‍ തന്നെ കാണുന്ന മൊട്ടക്കുട്ടനെക്കുറിച്ചും ആദിത്യന്‍ വാചാലനായിരുന്നു. മൊട്ടാസ് ഇരുന്ന് കാണുകയാണെന്നും വല്ലതും മനസ്സിലായോ ആവോയെന്നുമായിരുന്നു താരത്തിന്റെ ചോദ്യം. കുട്ടിയെ ടിവി കാണിക്കുന്നത് ശരിയല്ലെന്നായിരുന്നു ഒരാള്‍ പറഞ്ഞത്. തന്റെ പരിപാടിയായത് കൊണ്ട് ഇരുത്തിയതാണെന്നും ഇനി ഇങ്ങനെ ചെയ്യില്ലെന്നുമായിരുന്നു താരത്തിന്റെ മറുപടി.

മുഖം കാണുന്ന ഫോട്ടോ

കുഞ്ഞിന്റെ മുഖം വ്യക്തമാവുന്ന തരത്തിലുള്ള ചിത്രങ്ങള്‍ പുറത്തുവിടാത്തതിനെക്കുറിച്ചുള്ള കമന്റുകളും ആദിത്യന്റെ പോസ്റ്റിലുണ്ട്. കുഞ്ഞിന് പേരിട്ടോയെന്നായിരുന്നു മറ്റ് ചിലരുടെ ചോദ്യം. എല്ലാ വിശേഷങ്ങളും പങ്കുവെച്ചെത്തുന്ന ആദിത്യന്‍ എന്തുകൊണ്ടാണ് മോനെ കാണിക്കാത്തതെന്നുള്ള ചോദ്യങ്ങളും ഇതിനിടയില്‍ ഉയര്‍ന്നുവന്നിട്ടുണ്ട്. അധികം വൈകാതെ തന്നെ കുഞ്ഞതിഥിയെ ശരിക്കും കാണാനാവുമെന്ന പ്രതീക്ഷയിലാണ് ആരാധകര്‍.