ചെറിയ ഇടവേളയ്ക്ക് ശേഷം മിയ വീണ്ടും അഭിനയത്തിലേയ്ക്ക്, ആശംസയുമായി ആരാധകർ

ഇപ്പോഴിത ചെറിയ ഇടവേളയ്ക്ക് ശേഷം നടി വീണ്ടും അഭിനേത്രിയായി ക്യാമറയ്ക്ക് മുന്നിൽ എത്തിയിരിക്കുകയാണ്. നടിയുടെ പുതിയ ചിത്രം സോഷ്യൽ മീഡിയയിൽ വൈറലാണ്. ഭർത്താവ് അശ്വിനോടൊപ്പമുള്ള ചിത്രമാണ് പ്രചരിക്കുന്നത്. എന്നാൽ കുഞ്ഞ് ജനിച്ചതിന് ശേഷം സ്റ്റാർ മാജിക്കിൽ എത്തിയിരുന്നു. കേരളപിറവി എപ്പസോഡിലാണ് നടി എത്തിയത്. ലുക്കയുടെ വിശേഷങ്ങളും കുഞ്ഞ് എത്തിയതിന് ശേഷമുള്ള മിയയുടെ വിശേഷങ്ങളും അന്ന് പങ്കുവെച്ചിരുന്നു.

മകൻ ജനിച്ചതിന് ശേഷം ജീവിത രീതി മാറി പോയി എന്ന് മിയ പറഞ്ഞിരുന്നു. മിയയുടെ വാക്കുകൾ ഇങ്ങനെയായിരുന്നു '' ലൂക്കയുടെ അമ്മ ആയതിന് ശേഷം ആദ്യ മുൻഗണന ലുക്കയ്ക്ക് തന്നെയാണ്. കുഞ്ഞ് വന്നതിന് ശേഷം അവരെ ചുറ്റിപ്പറ്റിയാണ് നമ്മുടെ കാര്യങ്ങൾ. അവർക്കൊപ്പം നമ്മൾ ഇങ്ങനെ ചുറ്റിക്കൊണ്ടിരിക്കുകയാണെന്നാണ് മിയ പറഞ്ഞത്. ഇതിനോടൊപ്പം തന്നെ അമ്മയാവാൻ പോകുന്നത് വിവരം മറച്ച് വയ്ക്കാനുള്ള കാരണം നടി വെളിപ്പെടുത്തിയിരുന്നു. തുടക്കത്തിൽ എല്ലാവരോടും പറയാമെന്നായിരുന്നു വിചാരിച്ചത്. എന്നാൽ അത് നീണ്ടും പോവുകയായിരുന്നു. രണ്ട് മൂന്ന് മാസം കഴിഞ്ഞപ്പോൾ കരുതി ഇനി കുഞ്ഞാവയായിട്ട് പറയാമെന്ന്. അങ്ങനെ നീണ്ടു പോയതാണെന്നാണ് മിയ പറയുന്നത്.

ലുക്ക ജനിച്ച വിവരം പരസ്യമാക്കാതിരുന്നതിന്റെ കാരണം മിയയുടെ സഹോദരിയും പങ്കുവെച്ചിരുന്നു. തന്റെ യുട്യൂബ് ചാനലിലൂടെയായിരുന്നു ഇക്കാര്യം പങ്കുവെച്ചത്. ഗർഭകാലത്ത് മിയയ്ക്ക് ബുദ്ധിമുട്ടുകൾ ഉണ്ടായിരുന്നുവെന്നും അതിനാൽ കുഞ്ഞ് ജനിച്ച ശേഷം മാത്രം എല്ലാവരേയും അറിയിക്കാമെന്ന് തീരുമാനിക്കുകയുമായിരുന്നുവെന്നാണ് ജിനി വീഡിയോയിൽ പറയുന്നത്. ഡെലിവറി ഡേറ്റിന് രണ്ടു മാസം മുൻപേ കുഞ്ഞ് ജനിച്ചു. ഒരു മാസത്തോളം കുഞ്ഞ് ഐസിയുവിൽ ആയിരുന്നു. അതിനുശേഷമാണ് കുഞ്ഞിനെ ഞങ്ങളുടെ കൈകളിലേക്ക് കിട്ടിയതെന്നും ജിനി പറഞ്ഞു. മിയയും കുഞ്ഞും ആശുപത്രിയിൽനിന്നും തിരികെ വീട്ടിലേക്ക് എത്തുന്നതിന്റെ ദൃശ്യങ്ങളും വീഡിയോയിലുണ്ട്. ദിവസങ്ങൾക്ക് മുൻപ് മിയ കുഞ്ഞിന് പാട്ടു പാടി കൊടുക്കുന്ന വീഡിയോ സോഷ്യൽ മീഡിയയിൽ വൈറലായിരുന്നു.

Recommended Video

പ്രണയ വിവാഹമാണോ ? മിയ പറയുന്നു | FilmiBeat Malayalam

കുഞ്ഞ് ജനിച്ച് ഒരു മാസത്തിന് ശേഷമാണ് പുതിയ അതിഥി എത്തിയ വിവരം നടി വെളിപ്പെടുത്തിയ്. ഭർത്താവിനും കുഞ്ഞിനുമൊപ്പമുള്ള ചിത്രം പങ്കുവെച്ച് കൊണ്ടാണ് സന്തോഷ വാർത്ത പങ്കുവെച്ചത്. അമ്മയാവാൻ പോകുന്ന വിവരം മറച്ച് വെച്ചെങ്കിലും പിന്നീടുള്ള ലൂക്കയുടെ വിശേഷങ്ങളെല്ലാം മിയ ആരാധകരെ അറിയിച്ചിരുന്നു. അഭിനയ ലോകത്തേയ്ക്കുള്ള മടങ്ങി വരുന്ന മിയയ്ക്ക് ആശംസയുമായി ആരാധകർ എത്തിയിട്ടുണ്ട്. വൈകാതെ സിനിമകളിലും മിയ സജീവമാകുമെന്നാണ് സൂചന. കോബ്ര, ഇന്ദ്രു നേട്രു നാളൈ 2, സിഐഡി ഷീല തുടങ്ങിയവയാണ് ഇനി മിയയുടേതായി ഇറങ്ങാനിരിക്കുന്ന സിനിമകൾ.