ഡാഡി കൂളിന് പിറന്നാൾ ആശംസയുമായി മക്കൾ, ചേച്ചിമാർ ചിത്രം പങ്കുവെച്ചപ്പോൾ ഞെട്ടിച്ചത് ഹൻസൂ....

അച്ഛനുമായുള്ള ചിത്രം പങ്കുവെച്ചു കൊണ്ടാണ് പെൺമക്കൾ പിറന്നാൾ ആശംസ നേർന്നിരിക്കുന്നത്. സഹോദരിമാർക്കൊപ്പമുളള ചിത്രം പങ്കുവെച്ചു കൊണ്ടാണ് അഹാന പിറന്നാൾ ആശംസ നേർന്നത്. പിറന്നാൾ ആശംസകൾ അച്ഛാ... എന്നാണ് ചിത്രത്തിനൊപ്പം നടി പിറന്നാൾ കുറിച്ചത്. അഹാനയുടെ ഇൻസ്റ്റഗ്രാം പോസ്റ്റിലെ നിറ സാന്നിധ്യമാണ് കൃഷ്ണ കുമാർ.

ഒരു രസകരമായ ചിത്ര പങ്കുവെച്ച് കൊണ്ടാണ് ദിയ പിറന്നാൾ ആശംസ നേർന്നിരിക്കുന്നത്. കുട്ടിക്കാലത്തെ കുസൃതി കുട്ടിയായ തന്റെയും അച്ഛന്റെയും കൂടി ഫോട്ടോയാണ് ദിയ പോസ്റ്റ് ചെയ്തത്. മനോഹരമായി ചിരിക്കുന്ന ചിത്രമായിരുന്നു ഇത്. പിറന്നാൾ ആശംസകൾ പിതാശ്രീ എന്നാണ് കുറിച്ചിരിക്കുന്നത്. കൃഷ്ണ കുമാറിന്റെ കുടുംബത്തിലെ രസികത്തിയാണ് ദിയ. സോഷ്യൽ മീഡിയയിലെ താരമാണ്. ദിയയുടേയും കൃഷ്ണ കുമാറിന്റേയും ടിക് ടോക്ക് വീഡിയോ സോഷ്യൽ മീഡിയയിൽ വൈറലാണ്. അച്ഛനും മകളും തമ്മിലുള്ള രസകരമായ വീഡിയോ ട്രെൻറിങ്ങിൽ ഇടം പിടിക്കാറുണ്ട്.

കുട്ടിക്കാലത്തെ അച്ഛന്റെ തോളിലിരിക്കുന്ന ചിത്രമാണ് പിറന്നാൾ ആശംസയ്ക്കൊപ്പം ഇഷാനി പങ്കുവെച്ചത്. അച്ഛനേയും സഹോദരി അഹാനയേയും പോലെ സിനിമയിൽ ചുവട് വയ്ക്കാൻ തയ്യാറെടുക്കുകയാണ് ഇഷാനി. മമ്മൂട്ടി ചിത്രമായ വണ്ണിലൂടെയാണ് ഇഷാനി വെള്ളിത്തിരയിൽ അരങ്ങേറ്റം കുറിക്കുന്നത്. കൃഷ്ണ കുമാറും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. അച്ഛനും മകളും ഒന്നിച്ചെത്തുന്ന ചിത്രമാണിത്.

അച്ഛനോടൊപ്പമുള്ള ഒരു വർക്കൗട്ട് വീഡിയോയാണ് ഹാൻസു പിറന്നാൾ ആശംസയ്ക്കൊപ്പം പങ്കുവെച്ചിരിക്കുന്നത്. അച്ഛന്റെ കൈകളിൽ തൂങ്ങി, ആ കാലുകളിൽ ബാലൻസ് ചെയ്‌ത്‌ കൊണ്ടുള്ള ഒരു വർക്ക്ഔട്ട് വീഡിയോയാണിത്. ലോകത്തിലെ ഏറ്റവും മനോഹരമായ അച്ഛന് പിറന്നാൾ ആശംസകൾ എന്ന കുറിച്ചു കൊണ്ടാണ് ഹാൻസു വീഡിയോ പോസ്റ്റ് ചെയ്തിരിക്കുന്നത്. ഇവർക്ക് വേണ്ടി ക്യാമറ പിടിച്ചിരിക്കുന്നത് സഹോദരി ദിയയാണ്. അഹാനയുടെ സൂപ്പർ ഹിറ്റ് ചിത്രമായ ലൂക്കയിൽ നടിയുടെ കുട്ടിക്കാലം അവതരിപ്പിച്ചത് ഹൻസിക ആയിരുന്നു.