പേളി ശ്രീനിയെ സ്വന്തമാക്കി! അടുത്ത കല്യാണപ്പെണ്ണ് അഹാനയോ? പൂച്ചെണ്ടിന് പിന്നിലെ രഹസ്യം പരസ്യമായി!

പേളിഷ് വിവാഹം കഴിഞ്ഞു

നീണ്ട നാളത്തെ കാത്തിരിപ്പിനൊടുവില്‍ പേളിയും ശ്രിനിഷും ഒരുമിച്ചിരിക്കുകയാണ് ഇപ്പോള്‍. ഇവരുടെ വിവാഹത്തെക്കുറിച്ച് അറിഞ്ഞപ്പോള്‍ മുതല്‍ ആരാധകരും കാത്തിരിപ്പിലായിരുന്നു. പേളിഷ് ഫാന്‍സ് പ്രവര്‍ത്തകരും ഇതാഘോഷമാക്കി മാറ്റിയിരുന്നു. ക്ഷണനേരം കൊണ്ടായിരുന്നു ചിത്രങ്ങളും വീഡിയോയുമൊക്കെ വൈറലായി മാറിയത്. ബ്രൈഡല്‍ ഷവറിലും ഹല്‍ദി ആഘോഷത്തിലുമൊക്കെ പേളി തിളങ്ങിയിരുന്നു. വിവാഹ വിരുന്നില്‍ ശ്രീനിക്കൊപ്പം ചുവട് വെച്ചും പേളിയെത്തിയിരുന്നു. കുടുംബാംഗങ്ങളും നൃത്തം ചെയ്തിരുന്നു.

വധുവായി തിളങ്ങി

പേളിയുടെ വരവ് എങ്ങനെയായിരിക്കുമെന്നായിരുന്നു ആരാധകരുടെ ചര്‍ച്ച. വളരെ വ്യത്യസ്തമായ ഗൗണായിരുന്നു പേളി തിരഞ്ഞെടുത്തത്. പള്ളിയിലെ ചടങ്ങുകളിലായാലും വിരുന്നിലെ അപ്പിയറന്‍സിലായാലും വളരെ വ്യത്യസ്തയായാണ് താരമെത്തിയത്. വിവാഹ ദിനത്തില്‍ ഏത് വസ്ത്രം തിരഞ്ഞെടുക്കണമെന്നതിനെക്കുറിച്ച് താന്‍ നേരത്തെ തന്നെ ചിന്തിച്ചിരുന്നുവെന്ന് പേളി പറഞ്ഞിരുന്നു. പേളിക്കും ശ്രീനിക്കും ആശംസ നേര്‍ന്നെത്തിയവര്‍ ഗെറ്റപ്പിനെയും പ്രശംസിച്ചിരുന്നു.

ചെറുപ്പം മുതലേയുള്ള ആഗ്രഹം

ഐവറി കളറില്‍ പേസ്റ്റല്‍ പിങ്ക് ബ്ലൂ പൂക്കള്‍ പതിപ്പിച്ച ഗൗണായിരുന്നു പേളി അണിഞ്ഞിരുന്നത്. വിക്ടോറിയന്‍ കാലഘട്ടത്തെ അനുസ്മരിപ്പിക്കുന്ന തരത്തിലുള്ള ഡിസൈനുകളും ഗൗണിലുണ്ടായിരുന്നു. കുട്ടിയായിരുന്നപ്പോള്‍ മുതല്‍ത്തന്നെ വിക്ടോറിയന്‍ വിവാഹ വേഷങ്ങള്‍ ഇഷ്ടമാണെന്നും അത്തരത്തിലൊന്ന് ചെയ്ത് തരാനാവുമോയെന്നാണ് താന്‍ ചോദിച്ചതെന്നും പേളി പറയുന്നു. ഇതേക്കുറിച്ച് പറഞ്ഞുവെന്നല്ലാതെ പിന്നീട് താന്‍ ഒന്നിലും ഇടപെട്ടിട്ടില്ലെന്നും പേളി പറഞ്ഞിരുന്നു.

ടീസറെത്തി

വിവാഹം കഴിഞ്ഞതിന് പിന്നാലെ തന്നെ ടീസറും എത്തിയിട്ടുണ്ട്. വിവാഹത്തിന്റെ ഫുള്‍ വീഡിയോ കാണാനായുള്ള കാത്തിരിപ്പിലാണ് തങ്ങളെന്നാണ് ആരാധകര്‍ പറയുന്നത്. പേളിയുടേയും ശ്രീനിയുടേയും ജീവിതത്തിലെ വിശേഷങ്ങള്‍ ആരാധകരും ആഘോഷമാക്കി മാറ്റാറുണ്ട്. ബിഗ് ബോസില്‍ തുടരുമ്പോള്‍ ശക്തമായ പിന്തുണയാണ് ആരാധകര്‍ ഇരുവര്‍ക്കും നല്‍കിയത്. ബിഗ് ബോസില്‍ നിന്നും പുറത്തെത്തിയതിന് പിന്നാലെ ഇരുവര്‍ക്കും ഫാന്‍സ് പ്രവര്‍ത്തകര്‍ സ്വീകരണം നല്‍കിയിരുന്നു. ടീസര്‍ വീഡിയോയ്ക്ക് കീഴിലും നന്ദി അറിയിച്ച് പേളി എത്തിയിരുന്നു.

മമ്മൂട്ടിയും ടൊവിനോയും

പേളിഷ് വിരുന്നില്‍ പങ്കെടുക്കാനായി മമ്മൂട്ടിയും എത്തിയിരുന്നു. മമ്മൂട്ടി വന്നപ്പോള്‍ സന്തോഷം കൊണ്ട് ആര്‍പ്പുവിളിക്കുകയായിരുന്നു പേളി. ഇരുവരും അദ്ദേഹത്തില്‍ നിന്ന് അനുഗ്രഹവും വാങ്ങിയിരുന്നു. പുതിയ സിനിമയായ ബിലാല്‍ ലുക്കിലായിരുന്നു അദ്ദേഹമെത്തിയത്. മമ്മൂട്ടിയുടെ മാസ്സ് എന്‍ട്രിയുടെ വീഡിയോയും സോഷ്യല്‍ മീഡിയയിലൂടെ വൈറലായിരുന്നു. ഇതിലാരാണ് കല്യാണചെറുക്കന്‍ എന്ന് കണ്‍ഫ്യൂഷന്‍ തോന്നുമല്ലോയെന്നായിരുന്നു ട്രോളര്‍മാരുടെ കമന്റ്. യുവതാരനിരയില്‍ ശ്രദ്ധേയനായ ടൊവിനോ തോമസും ചടങ്ങില്‍ പങ്കെടുക്കാനായി എത്തിയിരുന്നു.

അടുത്ത വധു അഹാന?

പേളിയുടെ വിവാഹം ആഘോഷമാക്കി മാറ്റിയവരില്‍ പ്രധാനികളിലൊരാളാണ് അഹാന കൃഷ്ണ. കൃഷ്ണ കുമാറിന്റെ മകളായ അഹാന അഭിനയത്തിലും പാട്ടിലുമെല്ലാം കഴിവ് തെളിയിച്ചിരുന്നു. വിവാഹത്തിന് മുന്നോടിയായി നടത്തിയ ഹല്‍ദി ചടങ്ങിലും അഹാന പങ്കെടുത്തിരുന്നു. ദീപ്തി സതിയും ഇവര്‍ക്കൊപ്പമുണ്ടായിരുന്നു. പേളിയുടെ മെയ്ഡായും ഇവരുണ്ടായിരുന്നു. ഇവരുടെ ചിത്രങ്ങളും വൈറലായിരുന്നു. ഫേസ്ബുക്കിലൂടെ പേളിയും ചിത്രം ഷെയര്‍ ചെയ്തിരുന്നു. അതിനിടയിലാണ് അടുത്ത വധു അഹാനയെന്ന ചര്‍ച്ച തുടങ്ങിയത്.

പൂച്ചെണ്ട് ലഭിച്ചത്

ആചാരപ്രകാരമുള്ള ചടങ്ങിനിടയില്‍ സുഹൃത്തുക്കള്‍ക്ക് നേരെ പേളി മാണി പൂച്ചെണ്ട് എറിഞ്ഞിരുന്നു. ഇത് ലഭിക്കുന്നയാള്‍ അടുത്ത വധുവാണെന്നാണ് പറച്ചില്‍. പേളി എറിഞ്ഞ പൂച്ചെണ്ട് അഹാനയ്ക്കായിരുന്നു ലഭിച്ചത്. ഇതോടെയാണ് അഹാനയാണ് അടുത്ത വധുവെന്ന ചര്‍ച്ച തുടങ്ങിയത്. ഇത്തരത്തിലുള്ള ചര്‍ച്ചകളെക്കുറിച്ച് അഹാനയും അറിഞ്ഞിരുന്നു. അതിന് പിന്നെലെയായാണ് താരപുത്രി പോസ്റ്റുമായെത്തിയത്. നീ തന്നെയാണ് അടുത്ത വധുവെന്ന കമന്റുമായി പേളിയും എത്തിയിട്ടുണ്ട്.

പുറകിലാണ് നിന്നത്

തന്റെ വിവാഹത്തെക്കുറിച്ചുള്ള ചര്‍ച്ചകള്‍ അരങ്ങുതകര്‍ക്കുന്നതിനിടയിലാണ് അഹാനയുടെ വരവ്. അടുത്തൊന്നും വിവാഹം ചെയ്യാന്‍ ഉദ്ദേശമില്ല. വളരെ പുറകിലായാണ് താന്‍ നിന്നത്. അടുത്തൊന്നും വിവാഹിതയാവാന്‍ ഉദ്ദേശമില്ലാത്തത് കൊണ്ടാണ് അങ്ങനെ ചെയ്തത്. പൂച്ചെണ്ട് ഒപ്പമുള്ളവരില്‍ മറ്റാര്‍ക്കെങ്കിലും ലഭിക്കട്ടെ എന്നായിരുന്നു കരുതിയത്. എന്നാല്‍ പേളി അതെറിഞ്ഞപ്പോള്‍ അത് തന്റെ കൈയ്യില്‍ വന്നെത്തുകയായിരുന്നുവെന്നാണ് അഹാന കുറിച്ചിട്ടുള്ളത്.

അഹാന പറയുന്നത്?

ഈ സംഭവത്തില്‍ നിന്നും മറ്റൊരു കാര്യത്തെക്കുരിച്ച് കൂടി താന്‍ മനസ്സിലാക്കിയെന്നും അഹാന പറയുന്നുണ്ട്. നമ്മള്‍ പുറകെ ചെന്നില്ലെങ്കിലും ചില കാര്യങ്ങള്‍ നമ്മളിലേക്ക് തനിയെ എത്തിച്ചേരുമെന്നാണ് താരപുത്രി പറയുന്നത്. ആ വീഡിയോ കണ്ടപ്പോഴാണ് അത് അഹാനയ്ക്കാണ് ലഭിച്ചതെന്ന് മനസ്സിലായതെന്നും അടുുത്ത് തന്നെ വിവാഹമുണ്ടോ തുടങ്ങിയ ചോദ്യങ്ങളുമായി ആരാധകപും എത്തിയിട്ടുണ്ട്.

പോസ്റ്റ് കാണാം

അഹാന കൃഷ്ണയുടെ പോസ്റ്റ് കാണാം.

പേളിഷ് വെഡ്ഡിങ്ങ് ടീസര്‍

വെഡ്ഡിങ്ങ് ടീസര്‍ കാണാം.