അച്ഛന്റെയും അമ്മയുടെയും വിവാഹ വാര്‍ഷികം ആഘോഷിച്ച് അഹാന! വൈറലായി നടിയുടെ പോസ്റ്റ്

ലൂക്കയ്ക്ക് പുറമെ പതിനെട്ടാം പടിയിലും നടി ശ്രദ്ധേയ വേഷത്തില്‍ എത്തിയിരുന്നു. സിനിമാത്തിരക്കുകള്‍ക്കിടെയിലും സമൂഹ മാധ്യമങ്ങളിലും സജീവമായി എത്താറുണ്ട് അഹാന. കുടുംബത്തിനൊപ്പമുളള ചിത്രങ്ങളാണ് നടി ഇന്‍സ്റ്റഗ്രാമില്‍ കൂടുതലായി പങ്കുവെക്കാറുളളത്. പിതാവ് കൃഷ്ണകുമാറിനും അമ്മയ്ക്കും അനിയത്തിമാര്‍ക്കുമൊപ്പമുള നടിയുടെ ചിത്രങ്ങളെല്ലാം തന്നെ സോഷ്യല്‍ മിഡിയയില്‍ തരംഗമാവാറുണ്ട്.

കൂടാതെ കുടുംബം തനിക്ക് നല്‍കാറുളള പിന്തുണയെക്കുറിച്ചും നടി മനസുതുറക്കാറുണ്ട്. അഹാനയ്ക്ക് പിന്നാലെയാണ് അനിയത്തിമാരായ ഹന്‍സികയും ഇഷാനിയും സിനിമയിലേക്ക് എത്തിയത്. ലൂക്കയില്‍ അഹാനയുടെ ചെറുപ്പകാലമാണ് ഹന്‍സിക അവതരിപ്പിച്ചിരുന്നത്. ഇഷാനി മമ്മൂട്ടി ചിത്രമായ വണിലൂടെയാണ് മലയാളത്തില്‍ അരങ്ങേറ്റം കുറിക്കുന്നത്.

മുന്‍പ് ഇഷാനിയുടെ അഭിനയത്തെക്കുറിച്ച് മമ്മൂക്ക പറഞ്ഞത് കേട്ടപ്പോള്‍ കണ്ണ് നിറഞ്ഞുവെന്ന് കൃഷ്ണകുമാര്‍ തുറന്നുപറഞ്ഞിരുന്നു. ഇഷാനിക്കൊപ്പം കൃഷ്ണകുമാറും ചിത്രത്തില്‍ അഭിനയിക്കുന്നുണ്ട്. അതേസമയം സിനിമാത്തിരക്കുകള്‍ക്കിടെ അഹാന കൃഷ്ണയുടെതായി വന്ന പുതിയ ഇന്‍സ്റ്റഗ്രാം പോസ്റ്റ് ശ്രദ്ധേയമായി മാറിയിരുന്നു. അച്ഛന്‍ കൃഷ്ണകുമാറിനും അമ്മ സിന്ധു കൃഷ്ണയ്ക്കും വിവാഹ വാര്‍ഷികാശംസകള്‍ നേര്‍ന്നുകൊണ്ടാണ് നടി എത്തിയിരിക്കുന്നത്.

അച്ഛന്റെയും അമ്മയുടെയും പഴയകാല ചിത്രങ്ങള്‍ പങ്കുവെച്ചുകൊണ്ടുകൂടിയാണ് നടി എത്തിയിരുന്നത്. നടിയുടെ പോസ്റ്റിന് താഴെയായി ആരാധകരും അച്ഛനും അമ്മയ്ക്കും വിവാഹ വാര്‍ഷിക ആശംസകള്‍ അറിയിച്ചുകൊണ്ട് ആരാധകരും എത്തിയിരുന്നു. മലയാളത്തിന് പുറമെ തമിലും അഭിനയിച്ചിട്ടുളള താരമാണ് കൃഷ്ണകുമാര്‍. ബിഗ് സ്‌ക്രീനില്‍ തിളങ്ങിനില്‍ക്കുന്ന സമയത്ത് ടെലിവിഷന്‍ സീരിയലുകളിലും അദ്ദേഹം അഭിനയിച്ചിരുന്നു. സുരേഷ് ഗോപി നായകനായ കശ്മീരം എന്ന ചിത്രത്തിലൂടെയാണ് നടന്‍ മലയാളത്തില്‍ അരങ്ങേറ്റം കുറിച്ചത്. തുടര്‍ന്ന് മലയാളത്തിലും തമിഴിലുമായി അമ്പതിലധികം സിനിമകളിലും നടന്‍ അഭിനയിച്ചു.