പതിനെട്ടാം പടിയിൽ എത്തിയതോടെ വിധിയിൽ വിശ്വാസം കൂടി!! മമ്മൂട്ടി ചിത്രത്തെ കുറിച്ച് അഹാന

ക്യാമ്പലേയ്ക്കുള്ള ക്ഷണം

ഒരു വിവാഹ ചടങ്ങിൽ എത്തിയപ്പോഴാണ് സംവിധായകൻ ശങ്കർ രാമകൃഷ്ണനെ കാണാൻ ഇടയായത്. അദ്ദേഹം പതിനെട്ടാം പടിയുടെ ക്യാംപ് നടക്കുന്ന കാര്യം തന്നോട് പറഞ്ഞത്. അതിൽ പങ്കെടുക്കണമെന്ന് പറഞ്ഞ് അദ്ദേഹം ക്ഷണിക്കുകയായിരുന്നു. എന്നാൽ ആദ്യം തനിയ്ക്ക് നല്ല ചമ്മലുണ്ടായിരുന്നു. അവിടെയുളള പുതുമുഖങ്ങളും താനും തമ്മിൽ എന്ത് ബന്ധമാണുള്ളത്. ഈ ഒന്നര സിനിമ വെച്ച് ഇവിടെ എന്ത് ചെയ്യാനാണ്. എന്നുള്ള നിരവധി ചിന്തകളായിരുന്നു ഉള്ളിൽ. വിളിച്ചതല്ലേ എന്ന് കരുതിയായിരുന്നു ക്യാംപിൽ എത്തിയത്. ക്യാംപിൽ എത്തിയിട്ടു പോലും സിനിമയിൽ ഒരു അവസരം ലഭിക്കുമെന്ന് വിചാരിച്ചിരുന്നില്ല.

സിനിമയിൽ ചാൻസ് ലഭിച്ചത്

ചിത്രത്തിന്റെ ഷൂട്ടിങ് കഴിഞ്ഞ് ഒരാഴ്ച കഴിഞ്ഞപ്പോഴായിരുന്നു ശങ്കർ സാറിന്റെ ഫോൺ വരുന്നത്. ചിത്രത്തിൽ ഒരു റോളുണ്ടെന്നും ആനി എന്നുള്ള അതിഥി കഥാപാത്രമാണെന്നും അദ്ദേഹം പറഞ്ഞു. അതിഥി വേഷങ്ങളൊക്കെ ചെയ്യുന്നത് വലിയ താരങ്ങളല്ല, പുതുമുഖമായ താൻ ചെയ്താൽ എങ്ങനെയിരിക്കും എന്നുള്ള ആശങ്ക മനസ്സിൽ ഉണ്ടായിരുന്നു, ഇത് സംവിധായകനുമായി പങ്കുവെയ്ക്കുകയും ചെയ്തിരുന്നു. എന്നാൽ പിന്നീട് അദ്ദേഹം കഥാപാത്രത്തെ കുറിച്ച് കൂടുതൽ വിശദീകരിച്ചു, അത്രയ്ക്ക് നല്ല കഥാപാത്രമായതിനാൽ വേണ്ടന്ന് വയ്ക്കാൻ തോന്നിയില്ല. കൂടാതെ ഒരു വലിയൊരു ടീമാണ് പതിനെട്ടാം പടിയിലുളളത്.

മമ്മൂട്ടിയ്ക്കൊപ്പം

സിനിയിൽ കമിറ്റ് ചെയ്യുന്ന സമയത്ത് പോലും ചിത്രത്തിൽ മമ്മൂട്ടി സാർ ഉള്ള കാര്യം അറിഞ്ഞിരുന്നില്ല. ഷൂട്ട് തുടങ്ങിയതിനു ശേഷമാണ് അദ്ദേഹം അതിഥി വേഷത്തിൽ ചിത്രത്തിൽ എത്തുന്നു എന്നുളള കാര്യം അറിഞ്ഞത്. തങ്ങൾ തമ്മിൽ കോമ്പിനേഷൻ സീനുകൾ ഒന്നു തന്നെയില്ല.എന്നാൽ ലൊക്കേഷനിൽ അദ്ദേഹത്തെ അടിപൊളി ഗെറ്റപ്പിൽ കാണുകയും സംസാരിക്കുകയുമൊക്കെ ചെയ്തിരുന്നു. വിധിയിൽ വിശ്വാസം കൂട്ടിയ സംഭവമായിരുന്നു പതിനെട്ടാം പഠി എന്ന ചിത്രം.. ചിത്രത്തിലെ ആനി തനിയ്ക്ക് പ്രിയപ്പെട്ടതും സ്പെഷ്യലുമാണ്.

സിനിമ പ്രവേശനം

നിയോഗം പോലെയായിരുന്നു രാജീവ് രവിയുടെ ചിത്രത്തിൽ എത്തുന്നത്. ഏതോ മാസികയിലെ ചിത്രം കണ്ടിട്ടാണ രാജീവ് രവി സാർ തന്നെ സിനിമയിലേയ്ക്ക് ക്ഷണിച്ചത്. ഞാൻ സ്റ്റീവ് ലോപ്പസിനു മുൻപ് അഭിനയവുമായി ബന്ധപ്പെട്ട യാതൊന്നും ചെയ്തിട്ടില്ലായിരുന്നു. എന്നാൽ അതിനു ശേഷമായിരുന്നു സിനിമയെ ഇഷ്ടപ്പെട്ട് തുടങ്ങിയത്. പിന്നീട് മറ്റുള്ളവരെ പോലെ ഓഡിഷനുകൾക്കു പോകാനും അവസരങ്ങൾ അന്വേഷിക്കാനും തുടങ്ങി.