ഡയലോഗ് ഒക്കെ പറഞ്ഞു കേൾപ്പിച്ചു,ധനുഷ് ചിത്രത്തിൽ എടുത്തില്ല, ആ ഓഡിഷനെ കുറിച്ച് ഐശ്വര്യ ലക്ഷ്മി

മൂന്ന് വർഷം മുമ്പായിരുന്നു ധനുഷ് സാറിനെ ആദ്യമായി കാണുന്നത്. അദ്ദേഹം സംവിധാനം ചെയ്യുന്ന ചിത്രത്തിന്റെ ഓഡിഷന് വേണ്ടിയായിരുന്നു എത്തിയത്. ചിത്രത്തിൽ ഒരു തമിഴ് ബ്രാഹ്മിൺ പെൺകുട്ടിയെയായിരുന്നു അവതരിപ്പിക്കേണ്ടിയിരുന്നത്. കുറച്ച് തമിഴ് ഡയലോഗ്സ് ഒക്കെ പറഞ്ഞുകേൾപ്പിക്കുകയും ചെയ്തു. എന്നാൽ അന്ന് ആ സിനിമയിൽ എന്നെ അദ്ദേഹം എടുത്തില്ല- ഐശ്വര്യ ലക്ഷ്മി പറയുന്നു.

പിന്നീട് ജഗമേ തന്തിരം എന്ന സിനിമയിൽ അഭിനയിക്കുന്നതിനിടെ ഇക്കാര്യം തമാശ രീതിയില്‍ അദ്ദേഹത്തോട് പറയുകയുണ്ടായി. എന്നാൽ അന്ന് എനിക്കു പറഞ്ഞു തന്ന ഡയലോഗ്സ് പോലും അദ്ദേഹത്തിന് ഓർമയുണ്ടായിരുന്നു. ഒരുപാടൊന്നും സെറ്റിൽ സംസാരിച്ചിരുന്നില്ല. പുറത്തൊരു രാജ്യത്തായിരുന്നു സിനിമയുടെചിത്രീകരണം. എനിക്ക് ഒരു സഹോദരനെപ്പോലെയായിരുന്നു അദ്ദേഹം സെറ്റിൽ.

തെന്നിന്ത്യൻ സിനിമാ ലോകം ഏറെ ആകാംക്ഷയോടെ കാത്തിരിക്കുന്ന ചിത്രമാണ് മണിരത്നം സംവിധാനം ചെയ്യുന്ന മൾട്ടിസ്റ്റാർ ചിത്രമായ പൊന്നിയൻ സെൽവം. ചിത്രത്തിൽ ഐശ്വര്യ ലക്ഷ്മിയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഓഡിഷനിലൂടെയാണ് നടി ചിത്രത്തിൽ എത്തിയത്. ചിത്രത്തിലെ ആദ്യ ഷോട്ടിനെ കുറിച്ചും ഓഡിഷനെ കുറിച്ചും നടി അഭിമുഖത്തിൽ പറയുന്നുണ്ട്. ആദ്യമായി ആ സിനിമയിലെ ഒരു കഥാപാത്രത്തിന്റെ ലുക്ക് ടെസ്റ്റ് ചെയ്യുന്നത് എന്നെ വച്ചാണ്. അതായിരുന്നു ആ സിനിമയുടെ ആദ്യ ഓഡിഷനും. അതുപോലെ തന്നെ സിനിമയുടെ ആദ്യ ഷോട്ട് എന്റെ കഥാപാത്രത്തിന്റേതായിരുന്നു.മണിരത്നം സാറിന്റെ സിനിമയില്‍ ഭാഗമാകുക എന്നത് തന്നെ ഭാഗ്യമാണ്. ആദ്യ ഷോട്ട് നന്നായി ചെയ്യാൻ ഒരുപാട് കഷ്ടപ്പെട്ടു. ഇതൊരു അവാർഡ് ലഭിക്കുന്നതുപോലെയായിരുന്നു- ഐശ്വര്യ ലക്ഷ്മി പറയുന്നു.

പൃഥ്വിയെ രാജപ്പന്‍ എന്ന് വിളിച്ചതില്‍ ക്ഷമാപണവുമായി ഐശ്വര്യ ലക്ഷ്മി

തമിഴിലൽ മാത്രമല്ല, മലയാളത്തിലും നടിയുടേതായ ചിത്രങ്ങൾ അണിയറയിൽ ഒരുങ്ങുന്നുണ്ട്. മായാനദിക്ക് ശേഷം ഐശ്വര്യലക്ഷ്മി ടൊവിനോ തോമസ് ഒന്നിക്കുന്ന ചിത്രമാണ് കാണെക്കാണെ. 'ഉയരെ'ക്കു ശേഷം മനു അശോകനും ബോബി സഞ്ജയ് ടീമും വീണ്ടും ഒന്നിക്കുന്ന ചിത്രമാണിത്.

സുരാജ് വെഞ്ഞാറമൂട്, ശ്രുതി രാമചന്ദ്രൻ,പ്രേം പ്രകാശ്, റോണി ഡേവിഡ് രാജ് എന്നിവരും കാണെക്കാണെയിൽ പ്രധാന വേഷത്തിലെത്തുന്നുണ്ട്. ചിത്രീകരണം ആരംഭിച്ചിട്ടുണ്ട്