നിവിന്‍ പോളിയുമായി പിണങ്ങിയോ? അജു വര്‍ഗീസ് നല്‍കിയ മറുപടി ഇങ്ങനെ! കാണൂ

അടുത്തിടെ നടന്നൊരു അഭിമുഖത്തില്‍ നിവിനുമായി പിണക്കത്തിലാണോ എന്ന ചോദ്യത്തിന് അജു നല്‍കിയ മറുപടി ശ്രദ്ധേയമായിരുന്നു. നിവിനുമായി അജു പിണക്കത്തിലാണെന്ന ഗോസിപ്പുകള്‍ക്കാണ് നടന്‍ മറുപടി നല്‍കിയത്. പിണക്കൊന്നുമില്ല, ലവ് ആക്ഷന്‍ ഡ്രാമ എന്ന ചിത്രത്തില്‍ നിവിന്‍ എത്താന്‍ വൈകിയപ്പോള്‍ അത് ശരിയല്ലെന്ന് വിളിച്ചുപറഞ്ഞു. നിര്‍മ്മാതാവ് എന്ന നിലയില്‍ എന്റെ ഭാഗത്ത് പക്വത കുറവുണ്ടായിരുന്നുവെന്ന് പിന്നീട് മനസിലായി.

അപ്പോള്‍ കായംകുളം കൊച്ചുണ്ണിയുടെ സെറ്റിലായിരുന്നു അവന്‍. ആ കോലത്തില്‍ നിവിന്‍ ലവ് ആക്ഷന്‍ ഡ്രാമയില്‍ അഭിനയിക്കാന്‍ വന്നിട്ടും ഒരു പ്രയോജനവുമുണ്ടായിരുന്നില്ല. മുടിയൊക്കെ മുറിച്ച് കളഞ്ഞ് ഇരുണ്ട നിറമുളള കൊച്ചുണ്ണിയുടെ ഗെറ്റപ്പ് കണ്ടപ്പോഴെ നിവിനില്‍

നിന്നും ദിനേശനെ കിട്ടാന്‍ കാത്തിരിക്കേണ്ടി വരുമെന്നുറപ്പായിരുന്നു. അന്നും ഇന്നും എന്നും ഞങ്ങള്‍ നല്ല സുഹൃത്തുക്കളാണ്. അജു വര്‍ഗീസ് പറഞ്ഞു.

അഭിനേതാവില്‍ നിന്നും അജു വര്‍ഗീസ് ആദ്യമായി നിര്‍മ്മാതാവിന്റെ കുപ്പായവും അണിഞ്ഞ ചിത്രമായിരുന്നു ലവ് ആക്ഷന്‍ ഡ്രാമ. ധ്യാന്‍ ശ്രീനിവാസന്‍ ചിത്രത്തില്‍ നിര്‍മ്മാണത്തിനൊപ്പം പ്രധാന കഥാപാത്രമായും എത്തി അജു. ദിനേശന്‍ എന്ന കഥാപാത്രമായി നിവിന്‍ പോളി എത്തിയ ചിത്രത്തില്‍ സാഗറായിട്ടാണ് അജു എത്തിയത്. ലവ് ആക്ഷന്‍ ഡ്രാമയ്ക്ക് ശേഷം ഹെലന്‍ എന്ന ചിത്രമായിരുന്നു അജുവിന്റെതായി ഒടുവില്‍ പുറത്തിറങ്ങിയത്.

ഫീല്‍ഡ് ഔട്ട് ആകാനുളള അടുത്തയാള്‍ റെഡിയെന്ന് കമന്റ്! ഒമര്‍ ലുലുവിന്റെ മാസ് മറുപടി ഇങ്ങനെ

ഹെല്ലനില്‍ വില്ലന്‍ വേഷത്തിലൂടെ മികച്ച പ്രകടനം നടത്തിയിരുന്നു താരം. ഹെലന് പിന്നാലെയാണ് കമല എന്ന ചിത്രവും നടന്റെതായി അണിയറയില്‍ ഒരുങ്ങിക്കൊണ്ടിരിക്കുന്നത്. രഞ്ജിത്ത് ശങ്കര്‍ സംവിധാനം ചെയ്ത ചിത്രം നവംബര്‍ അവസാന വാരമാണ് തിയ്യേറ്ററുകളിലേക്ക് എത്തുന്നത്. കമലയിലൂടെ ആദ്യമായി നായകനായും അരങ്ങേറ്റം കുറിക്കാനൊരുങ്ങുകയാണ് അജു. ചിത്രത്തിന്റെതായി നേരത്തെ പുറത്തിറങ്ങിയ ട്രെയിലറുകളും പാട്ടുകളും ശ്രദ്ധിക്കപ്പെട്ടിരുന്നു.

സച്ചിന്‍ വാതുവെയ്പ്പില്‍ പെട്ടിരുന്നെങ്കില്‍ അന്ന് ഞാന്‍ കളി കാണല്‍ നിര്‍ത്തുമായിരുന്നു: പൃഥ്വിരാജ്