'സെലേനയും ഇട്ടിയും ഒറ്റ ഫ്രെയിമിൽ'; സ്വാസികയെ ചുംബിച്ച് അലൻസിയർ, ചിത്രം പങ്കുവെച്ച് നടി, കമന്റുകളുമായി ആരാധകർ!

വളരെ കുറച്ച് സിനിമകളിൽ മാത്രമാണ് സ്വാസിക അഭിനയിച്ചിട്ടുള്ളത്. അഭിനയിച്ചിട്ടുള്ളവയിൽ ഏറെയും സഹനടിയായിട്ടാണ് സ്വാസിക എത്തിയത്. വാസന്തിയാണ് സ്വാസിക നായികയായി അഭിനയിച്ച് ഏറ്റവും കൂടുതൽ ശ്രദ്ധിക്കപ്പെട്ട സിനിമ.

ചിത്രത്തിലെ അഭിനയതതിലൂടെ മികച്ച നടിക്കുന്ന സംസ്ഥാന ചലച്ചിത്ര പുരസ്കാരവും സ്വാസികയ്ക്ക് ലഭിച്ചിരുന്നു. സിനിമയിൽ വളരെ കുറച്ച് മാത്രമെ അഭിനയിച്ചിട്ടുള്ളൂവെങ്കിലും മിനി സ്ക്രീനിലെ മിന്നും താരമാണ് സ്വാസിക.

ഇതിനോടകം നിരവധി സീരിയലുകളിൽ നായിക വേഷം ചെയ്ത് സ്വാസിക തിളങ്ങിയിട്ടുണ്ട്. അതിൽ സീത സീരിയലിലെ സ്വാസികയുടെ പ്രകടനമാണ് എപ്പോഴും ശ്രദ്ധിക്കപ്പെട്ടിട്ടുള്ളതും സ്വാസികയെ ആളുകൾ തിരിച്ചറിയുന്നതും സീത സീരിയലിന്റെ പേരിലാണ്.

ഇപ്പോഴിത ചതുരത്തിൽ തന്റെ നായകന്മാരിൽ ഒരാളായി അഭിനയിച്ച അലൻസിയറിനൊപ്പമുള്ള ചിത്രം പങ്കുവെച്ച് എത്തിയിരിക്കുകയാണ് സ്വാസിക വിജയ്. പങ്കുവെച്ച ചിത്രങ്ങളുടെ കൂട്ടത്തിൽ അലൻസിയർ തന്റെ കവിളത്ത് ചുംബനം നൽകുന്ന ചിത്രവും സ്വാസിക പങ്കുവെച്ചിട്ടുണ്ട്.

'സെലേനയുടെ എൽദോച്ചായൻ' എന്നാണ് ഫോട്ടോയ്ക്ക് സ്വാസിക നൽകിയ ക്യാപ്ഷൻ. സ്വാസിക പങ്കുവെച്ച ഫോട്ടോ വളരെ വേ​ഗത്തിൽ ശ്രദ്ധിക്കപ്പെട്ടു. ഫോട്ടോ വൈറലായതോടെ വിമർശിച്ചും ചിലർ സൗ​ഹൃദത്തെ പ്രശംസിച്ചും രം​ഗത്തെത്തി.

ചിലർ സെലേനയെ കാണാൻ ഇട്ടിച്ചായൻ വന്നപ്പോൾ എന്ന തരത്തിലും കമന്റുകൾ പങ്കുവെച്ചിട്ടുണ്ട്. അടുത്തിടെ അലൻസിയർ അഭിനയിച്ച് പ്രേക്ഷകരിലേക്ക് എത്തിയ സിനിമയായിരുന്നു അപ്പൻ. ചിത്രത്തിൽ അലൻസിയർ അവതരിപ്പിച്ച കഥാപാത്രത്തിന്റെ പേരാണ് ഇട്ടി. ‌

സണ്ണി വെയ്ൻ, അനന്യ, ​ഗ്രേസ് ആന്റണി തുടങ്ങി ഒരു കൂട്ടം താരങ്ങളും സിനിമയുടെ ഭാ​ഗമായിരുന്നു. വളരെ മോശം സ്വഭാവത്തിന് ഉടമയായ സ്ത്രീ വിഷയങ്ങളിൽ താൽപര്യമുള്ള വയസായ ഇട്ടിയായി അലൻസിയർ ആരേയും അതിശയിപ്പിക്കുന്ന പ്രകടനമാണ് കാഴ്ചവെച്ചത്.

അലൻസിയർ ഇട്ടിയായി അഭിനയിച്ചില്ലായിരുന്നുവെങ്കിൽ ഇട്ടി എന്ന കഥപാത്രം ഇത്രത്തോളം മനോഹരമാകുമോ എന്നത് പോലും സിനിമ കണ്ടവർ സംശയം പറയുന്നുണ്ട്.

അലൻസിയറിന്റെ കരിയറിൽ പിറന്ന മനോ​ഹ​രമായ കഥാപാത്രങ്ങളിൽ ഒന്ന് കൂടിയാണ് അപ്പനിലെ ഇട്ടിയും ചതുരത്തിലെ എൽദോച്ചായനും. അപ്പൻ സോണി ലിവ് എന്ന ഒടിടി പ്ലാറ്റ്ഫോമിലൂടെയാണ് പ്രേക്ഷകരിലേക്ക് എത്തിയത്. ചതുരം ഇപ്പോഴും നിറഞ്ഞ സദസിൽ പ്രദർശനം തുടരുകയാണ്.

ലിയോണ, ഗീതി സംഗീത, നിശാന്ത് സാഗർ, കിച്ചു ടെല്ലസ് എന്നിവരാണ് ചതുരത്തിൽ മറ്റ് പ്രധാന കഥാപാത്രങ്ങളെ അവതരിപ്പിച്ചത്. ഗ്രീൻവിച്ച് എന്റർടെയ്ൻമെന്റ്സിന്റേയും യെല്ലോ ബേർഡ് പ്രൊഡക്ഷന്റേയും ബാനറിൽ വിനിതാ അജിത്തും ജോർജ് സാന്തിയാഗോയും ചേർന്നാണ് ചിത്രം നിർമിച്ചത്. സിദ്ധാർഥ് ഭരതനും വിനോയി തോമസും ചേർന്നാണ് സിനിമയ്ക്ക് കഥയും തിരക്കഥയും ഒരുക്കിയത്.