എലീന പടിക്കലിന്‍റെ ഫ്രീക്കത്തി അമ്മയ്ക്ക് പിറന്നാള്‍! ആശംസയുമായി അഭിരാമിയും ഫുക്രുവും! ചിത്രം വൈറല്‍

അമ്മയെക്കുറിച്ച്

ബിഗ് ബോസിലെത്തിയപ്പോള്‍ താന്‍ ഏറ്റവും കൂടുതല്‍ മിസ്സ് ചെയ്യുന്നത് അമ്മയെ ആണെന്ന് എലീന പറഞ്ഞിരുന്നു. എല്ലാ കാര്യങ്ങളിലും അമ്മയോട് അഭിപ്രായം ചോദിക്കാറുണ്ട്, ബാംഗ്ലൂരിലൊക്കെ നിന്നിരുന്നുവെങ്കിലും അമ്മയുമായി എല്ലാം ചോദിച്ചും പറഞ്ഞുമാണ് താന്‍ ജീവിച്ചതെന്നും അങ്ങനെയല്ലാതെ നില്‍ക്കാന്‍ പറ്റുമോയെന്നറിയില്ലെന്നുമായിരുന്നു താരം പറഞ്ഞത്. ഇടയ്ക്ക് അമ്മയുടെ ശബ്ദം കേട്ടപ്പോള്‍ വികാരധീനയാവുന്ന എലീനയെയുമായിരുന്നു കണ്ടത്. മകള്‍ ജയിച്ച് വരാനായി കാത്തിരിക്കുകയാണ് താനെന്ന് ബിന്ദു പടിക്കല്‍ പറഞ്ഞിരുന്നു.

അമ്മയ്ക്ക് പിറന്നാള്‍

അമ്മയ്ക്ക് പിറന്നാളാശംസ നേര്‍ന്ന് എത്തിയിരിക്കുകയാണ് എലീന ഇപ്പോള്‍. അമ്മ, എന്റെ മാത്രം സ്വന്തം, അമ്മീ എന്നു ഞാൻ സ്നേഹത്തോടെ വിളിക്കുന്ന എന്റെ അമ്മ . എന്റെ ലൈഫിൽ എന്റെ ഏറ്റവും വലിയ കരുത്തു. ശരി ഏതു തെറ്റ് ഏതു എന്ന് പഠിപ്പിച്ചു തന്ന വ്യക്തി. അമ്മ എന്നതിലുപരി ഒരു നല്ല അധ്യാപിക, വഴികാട്ടി, നല്ല സുഹൃത്ത്‌. അങ്ങനെ എല്ലാം എല്ലാം. ചെറിയ ചെറിയ തെറ്റുകൾ ചെയ്യുമ്പോൾ ശാസി ക്കുകയും, പിണങ്ങുകയും, എന്റെ വിജയങ്ങളിൽ ഏറ്റവും സന്തോഷിക്കുകയും ചെയ്യുന്ന എന്റെ അമ്മി ക്ക് ഒരായിരം ജന്മദിനാശംസകൾ എന്നായിരുന്നു താരത്തിന്‍റെ കുറിപ്പ്.

ഫുക്രുവും അഭിരാമിയും

എലീനയുടെ അടുത്ത സുഹൃത്തായ ഫുക്രുവും അമ്മയ്ക്ക് പിറന്നാളാശംസ നേര്‍ന്ന് എത്തിയിരുന്നു. ഹാപ്പി ബര്‍ത്ത് ഡേ അമ്മീയെന്ന് പറഞ്ഞായിരുന്നു ഫുക്രു എത്തിയത്. ബര്‍ത്ത് ഡേ വിഷസ് ഡിയര്‍ ആന്‍റീയെന്ന് പറഞ്ഞായിരുന്നു അഭിരാമി എത്തിയത്. ഇവരെക്കൂടാതെ നിരവധി പേരാണ് അമ്മയ്ക്ക് പിറന്നാളാശംസ അറിയിച്ച് എത്തിയത്. കമന്‍റുകള്‍ക്ക് മറുപടിയുമായി എലീനയും എത്തിയിരുന്നു.

ഫ്രീക്കത്തിയായുള്ള ചിത്രം

തന്‍റെ പോസ്റ്റ് വല്ലാതെ ഫോര്‍മലായിപ്പോയെന്നായിരുന്നു എലീന പറഞ്ഞത്. ഹാപ്പി ബര്‍ത്ത് ഡേ അമ്മീ എന്ന് പറഞ്ഞതിന് ശേഷമായാണ് ഫ്രീക്കത്തി എന്ന ഹാഷ് ടാഗുമായി എത്തിയത്. മൈ ഫ്രീക്കത്തി അമ്മയെന്നും എലീന കുറിച്ചിരുന്നു. പിന്നല്ല ഇത് എന്നാ പിള്ളേര് കളിയാണോ, മൈ സൂപ്പര്‍വുമണ്‍, എന്നും എനിക്കൊപ്പം എല്ലാത്തിനും ബെസ്റ്റായി നില്‍ക്കുന്ന അമ്മിക്ക് ആശംസയെന്നുള്ള പോസ്റ്റിലാണ് ബൈക്കില്‍ ഫ്രീക്കത്തി ലുക്കിലുള്ള അമ്മയുടെ ഫോട്ടോ പോസ്റ്റ് ചെയ്തത്. നിമിഷനേരം കൊണ്ടാണ് ഈ ചിത്രം വൈറലായി മാറിയത്.

ആര്യയുടെ കമന്റ്

പിന്നല്ല എന്ന കമന്റുമായാണ് ആര്യ എത്തിയത്. എലീനയെക്കുറിച്ച് ആര്യ എന്തൊക്കെ കുറ്റം പറഞ്ഞിരുന്നതാണെന്നായിരുന്നു ആരാധകര്‍ ചൂണ്ടിക്കാണിച്ചത്. എലീന ഹൈപ്പര്‍ ആക്ടീവാണെന്ന് പറഞ്ഞായിരുന്നു ആര്യയുടെ വിമര്‍ശനം. എലീന ചേച്ചിയുടെ അമ്മയല്ലേ എന്തായാലും പൊളിക്കുമെന്നും ആരാധകര്‍ കമന്റ് ചെയ്തിട്ടുണ്ട്.