For Quick Alerts
    ALLOW NOTIFICATIONS  
    For Daily Alerts

    ബ്രഹ്മാണ്ഡമായി വിസ്മയിപ്പിച്ചത് ബാഹുബലി തന്നെ! അവഞ്ചേഴ്‌സിന് പോലും തോല്‍പ്പിക്കാനായില്ല!

    |
    ഇന്ത്യയിൽ ബാഹുബലി തന്നെ വമ്പൻ

    മലയാളത്തില്‍ നൂറ് കോടി നേടി ലൂസിഫര്‍ തരംഗമാവുമ്പോള്‍ ലോകമെമ്പാടും ബിഗ് ബജറ്റ് ചിത്രങ്ങളുടെ ഘോഷയാത്രയാണ്. കഴിഞ്ഞ ദിവസം റിലീസിനെത്തിയ ഹോളിവുഡ് ചിത്രം അവഞ്ചേഴ്സ് എന്‍ഡ് ഗെയിം ആണ് ബോക്‌സോഫീസില്‍ ഞെട്ടിക്കുന്ന കളക്ഷനുമായി എത്തിയിരിക്കുന്നത്. ഇതുവരെയുള്ള വമ്പന്‍ കളക്ഷനുകളെ എല്ലാം ആദ്യം ദിനം തന്നെ അവഞ്ചേഴ്സ് എന്‍ഡ് ഗെയിം മറികടന്നെന്നാണ് റിപ്പോര്‍ട്ടുകള്‍.

    ഇന്ത്യയിലും ചിത്രത്തിന് വലിയ കളക്ഷനാണ് ലഭിച്ചിരിക്കുന്നതെങ്കിലും ഇവിടെ നിന്ന് മാത്രം റെക്കോര്‍ഡ് തകര്‍ക്കാന്‍ സിനിമയ്ക്ക് കഴിയാതെ പോയിരിക്കുകയാണ്. ഇന്ത്യന്‍ ബോക്‌സോഫീസില്‍ വിസ്മയമായിരുന്ന ബാഹുബലിയുടെ റെക്കോര്‍ഡ് തകര്‍ക്കാനാണ് അവഞ്ചേഴ്സ് എന്‍ഡ് ഗെയിമിന് കഴിയാതെ പോയത്. ഇതോടെ റിലീസ് ദിവസം ഇന്ത്യയില്‍ നിന്നും ഏറ്റവും വലിയ തുക നേടിയ ചിത്രമെന്ന ബഹുമതി ബാഹുബലിയ്ക്ക് തന്നെ സ്വന്തമായി. ഇതേ പട്ടികയില്‍ വേറയെും സിനിമകളുണ്ട്.

    ബാഹുബലി

    ബാഹുബലി

    തെലുങ്കില്‍ നിര്‍മ്മിച്ച ഹിറ്റ് സിനിമയായിരുന്നു ബാഹുബലി. രണ്ട് ഭാഗങ്ങളിലായി നിര്‍മ്മിച്ച ബാഹുബലിയുടെ കണ്‍ക്ല്യൂഷനാണ് ലോകമെമ്പാടും വിജയകൊടി പാറിച്ചത്. റിലീസിനെത്തിയ ആദ്യദിനം ഇന്ത്യന്‍ ബോക്‌സോഫീസില്‍ നിന്നും 132.81 കോടിയായിരുന്നു ബാഹുബലി നേടിയത്. ഇന്ത്യയിലെ സകലകാല റെക്കോര്‍ഡായിരുന്നിത്. ആദ്യദിനം മാത്രമല്ല ഇന്ത്യയില്‍ നിന്നും ആയിരം കോടി ക്ലബ്ബിലെത്തിയ ആദ്യ സിനിമയെന്ന നേട്ടവും ബാഹുബലി നേടി. രാജമൗലിയുടെ സംവിധാനത്തിലെത്തിയ ചിത്രത്തില്‍ പ്രഭാസും അനുഷ്‌ക ഷെട്ടിയുമായിരുന്നു നായിക നായകന്മാര്‍.

    2.O

    2.O

    രജനികാന്തിനെ നായകനാക്കി ശങ്കര്‍ സംവിധാനം ചെയ്ത ബ്രഹ്മാണ്ഡ സിനിമയായിരുന്നു 2.0. രജനികാന്തിനൊപ്പം ബോളിവുഡില്‍ നിന്നും അക്ഷയ് കുമാര്‍, എമി ജാക്സണ്‍ എന്നിവരും മലയാളത്തില്‍ നിന്നും കലാഭവന്‍ ഷാജോണ്‍ തുടങ്ങി വമ്പന്‍ താരങ്ങളായിരുന്നു ചിത്രത്തില്‍ അണിനിരന്നത്. 600 കോടിയ്ക്ക് അടുത്ത് കോടി മുതല്‍ മുടക്കില്‍ നിര്‍മ്മിച്ച സിനിമ ആദ്യദിനം കോടികളായിരുന്നു വാരിക്കൂട്ടിയത്. ഇന്ത്യയില്‍ നിന്നും റിലീസ് ദിവസം 67.79 കോടിയായിരുന്നു ചിത്രത്തിന് ലഭിച്ചത്. ബാഹുബലിയുടെ പകുതി കളക്ഷനേ ലഭിച്ചിരുന്നുള്ളു. കേരളത്തിലടക്കമുള്ള സെന്ററുകളില്‍ സിനിമ ഗംഭീര പ്രകടനമായിരുന്നു നടത്തിയിരുന്നത്. അതിവേഗം നൂറും ഇരുന്നൂറും കോടികള്‍ വാരിക്കൂട്ടിയ സിനിമ കുറഞ്ഞ ദിവസങ്ങള്‍ക്കുള്ളില്‍ മുടക്ക് മുതല്‍ മറികടന്നിരുന്നു.

      അവഞ്ചേഴ്സ് എന്‍ഡ് ഗെയിം

    അവഞ്ചേഴ്സ് എന്‍ഡ് ഗെയിം

    ലോക സിനിമാ പ്രേമികള്‍ കാത്തിരുന്ന സിനിമയായിരുന്നു അവഞ്ചേഴ്സ് എന്‍ഡ് ഗെയിം. മാര്‍വെല്‍ സ്റ്റുഡിയോസ് നിര്‍മ്മിച്ച സിനിമ റിലീസ് ദിവസം റെക്കോര്‍ഡ് കളക്ഷനുമായി മുന്നേറുകയാണ്. എന്നാല്‍ ഇന്ത്യയില്‍ നിന്നും 63 കോടിയോളമായിരുന്നു ആദ്യദിനം സിനിമയ്ക്ക് ലഭിച്ചത്. ബാഹുബലിയുടെ അടക്കമുള്ള റെക്കോര്‍ഡുകള്‍ തകര്‍ക്കാന്‍ കഴിയാതെ പോവുകയായിരുന്നു. റിലീസ് ദിവസം 750 കോടിയോളമായിരുന്നു ആഗോളതലത്തില്‍ ചിത്രം വാരിക്കൂട്ടിയത്.

      തഗ്ഗ്‌സ് ഓഫ് ഹിന്ദേസ്ഥാന്‍

    തഗ്ഗ്‌സ് ഓഫ് ഹിന്ദേസ്ഥാന്‍

    ആമിര്‍ ഖാന്‍, അമിതാഭ് ബച്ചന്‍, കത്രീന കൈഫ് തുടങ്ങിയവര്‍ കേന്ദ്ര കഥാപാത്രങ്ങളെ അവതരിപ്പിച്ച ബിഗ് ബജറ്റ് ചിത്രമായിരുന്നു തഗ്ഗ്‌സ് ഓഫ് ഹിന്ദേസ്ഥാന്‍. വമ്പന്‍ മുതല്‍ മുടക്ക് ആവശ്യമായി വന്ന ചിത്രം തിയറ്ററുകളില്‍ പരാജയപ്പെട്ടിരുന്നു. എന്നാല്‍ റിലീസ് ദിവസം പ്രതീക്ഷിച്ചത് പോലെ വലിയ വിജയം കൊയ്യാന്‍ സിനിമയ്ക്ക് കഴിഞ്ഞിരുന്നു. 59 കോടിയോളമായിരുന്നു ഇതെന്നാണ് റിപ്പോര്‍ട്ട്. പിന്നീടുള്ള ദിവസങ്ങളില്‍ കാര്യമായ പ്രകടനം നടത്താന്‍ കഴിഞ്ഞില്ലെങ്കിലും ആദ്യദിവസം ഏറ്റവും വലിയ വരുമാനം ഉണ്ടാക്കിയ സിനിമയായി തഗ്ഗ്‌സ് ഓഫ് ഹിന്ദേസ്ഥാന്‍
    മാറി.

    English summary
    All time opening days records in India
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X