അമ്പിളി ദേവി വീണ്ടും അമ്മയാവുന്നു! അമ്മ വയറില്‍ മുഖം ചേര്‍ത്ത് മകന്‍! ചിത്രങ്ങള്‍ വൈറല്‍! കാണൂ!

അമ്പിളി ദേവി അമ്മയാവുന്നു

താന്‍ വീണ്ടും അമ്മയാവുന്നുവെന്ന സന്തോഷവാര്‍ത്ത പങ്കുവെച്ചത് അമ്പിളി ദേവി തന്നെയായിരുന്നു. സോഷ്യല്‍ മീഡിയയില്‍ ഏറെ സജീവമായ അമ്പിളിയും ആദിത്യനും ചിത്രങ്ങളും വിശേഷങ്ങളുമെല്ലാം പങ്കുവെച്ച് രംഗത്തെത്താറുമുണ്ട്. മകന്‍ കളരിയില്‍ ചേര്‍ന്ന വിശേഷം പങ്കുവെച്ചായിരുന്നു നേരത്തെ താരമെത്തിയത്. 15 വര്‍ഷം മുന്‍പ് അമ്പിളിക്കൊപ്പം നില്‍ക്കുന്ന ചിത്രവുമായാണ് അടുത്തിടെ ആദിത്യനെത്തിയത്. ക്ഷണനേരം കൊണ്ടാണ് ഇവരുടെ പോസ്റ്റുകള്‍ വൈറലായി മാറുന്നത്.

സന്തോഷം പങ്കുവെച്ച് താരം

ഫേസ്ബുക്ക് പോസ്റ്റിലൂടെയാണ് താരം ഈ സന്തോഷം പങ്കുവെച്ചത്. കേരളസാരിയില്‍ അതീവ സുന്ദരിയായി നില്‍ക്കുന്ന ചിത്രവും താരം പോസ്റ്റ് ചെയ്തിട്ടുണ്ട്. അമ്മവയറില്‍ മുഖം ചേര്‍ത്തുന്ന നില്‍ക്കുന്ന മകനേയും ചിത്രങ്ങളില്‍ കാണാം. അമര്‍നാഥിന് കൂട്ടായി കുഞ്ഞുവാവ എത്തുകയാണെന്നും അതിനുള്ള കാത്തിരിപ്പിലാണ് തങ്ങളെന്നും അമ്പിളി ദേവി കുറിച്ചിട്ടുണ്ട്.

പ്രാര്‍ത്ഥിക്കണം

തന്റെ വയറ്റില്‍ ഉണ്ണിയുണ്ടെന്നും ദൈവം തന്ന സമ്മാനമാണഅ അതെന്നും, തനിക്കും അമ്മയ്ക്കും അച്ഛനും കുഞ്ഞുവാവയ്ക്കുമൊക്കെ വേണ്ടി നിങ്ങളും പ്രാര്‍ത്ഥിക്കണമെന്നും അമ്പിളി ദേവി കുറിച്ചിട്ടുണ്ട്. വിഷു ആശംസ അറിയിച്ച പോസ്റ്റിനൊപ്പമായാണ് ഈ വിശേഷത്തെക്കുറിച്ചും താരം പങ്കുവെച്ചത്. നിരവധി പേരാണ് താരകുടുംബത്തിന് ആശം നേര്‍ന്ന് എത്തിയിട്ടുള്ളത്. ജനുവരിയിലായിരുന്നു അമ്പിളി ദേവിയും ആദിത്യനും വിവാഹിതരായത്.

മകന്റെ സന്തോഷം

ആദ്യഭര്‍ത്താവില്‍ നിന്നും വിവാഹമോചനം നേടിതിന് ശേഷം മകന് വേണ്ടിയാണ് ഇനിയുള്ള ജീവിതമെന്ന് അമ്പിളി ദേവി പറഞ്ഞിരുന്നു. തന്നെ മാത്രമല്ല മകനേയും നന്നായി പരിഗണിക്കുന്ന ആളാണ് ആദിത്യനെന്നും മകനും സന്തോഷത്തിലാണെന്നും പിന്നീട് താരം പറഞ്ഞിരുന്നു. ഇവരുടെ ചിത്രങ്ങളിലെല്ലാം മകനുമുണ്ടാവാറുണ്ട്. അടുത്തിടെ ഒരു ചാനല്‍ പരിപാടിക്കായി അമ്പിളി ദേവിയും ആദിത്യനും ഒരുമിച്ചെത്തിയിരുന്നു. ആദിത്യന്‍ പാട്ട് പാടിയപ്പോള്‍ നൃത്തത്തിലൂടെയാണ് അമ്പിളി ദേവി ഞെട്ടിച്ചത്.

സീതയിലും ഗര്‍ഭിണി

മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട പരമ്പരകളിലൊന്നായ സീതയില്‍ ഇരുവരും ഭാര്യഭര്‍ത്താക്കന്‍മാരായാണ് എത്തുന്നത്. പരമ്പര വിജയകരമായി മുന്നേറുന്നതിനിടയിലാണ് ഇരുവരും യഥാര്‍ത്ഥ ജീവിതത്തിലും ഒരുമിക്കാനായി തീരുമാനിച്ചത്. വിവാഹത്തിന് ശേഷവും പരമ്പരയുമായി മുന്നേറുകയാണ് ഇരുവരും. സീതയിലും അമ്പിളി ദേവിയുടെ കഥാപാത്രം ഗര്‍ഭിണിയാണ്. കുഞ്ഞതിഥിയെ കാത്തിരിക്കുന്ന ഭാര്യഭര്‍ത്താക്കന്‍മാരായി അഭിനയിച്ചുകൊണ്ടിരിക്കുകയാണ് ഇരുവരും.

പോസ്റ്റ് കാണാം

അമ്പിളി ദേവിയുടെ ഫേസ്ബുക്ക് പോസ്റ്റ് കാണാം.