അമ്പിളി ദേവിയും ആദിത്യനും ചേര്‍ന്ന് മകന് പേരിട്ടു! അര്‍ജുന്‍റെ നൂലുകെട്ട് കഴിഞ്ഞു!ചിത്രങ്ങള്‍ വൈറല്‍

നൂലുകെട്ടും പേരിടലും

20.11.2019 നായിരുന്നു ‍ഞങ്ങള്‍ക്ക് ആണ്‍കുഞ്ഞ് ജനിച്ചത്. ഇന്നു മോന്റെ നൂലുകെട്ടും പേരിടലുമായിരുന്നു. ഞങ്ങൾക്ക് പ്രിയപ്പെട്ടവർ എല്ലാവരും ചടങ്ങിൽ പങ്കെടുത്തു. ഞങ്ങളുടെ കുഞ്ഞിനെ അനുഗ്രഹിച്ചു എല്ലാവർക്കും നന്ദി.
ഞങ്ങളുടെ കുഞ്ഞിന് എന്റെ ആഗ്രഹത്തിലും എല്ലാവരുടെയും അനുഗ്രഹത്താലും ഒരു പേര് ഇട്ടു "അർജുൻ". പ്രാർത്ഥിക്കണം എല്ലാവരും പ്രാര്‍ഥിച്ചവർക്കും ഒപ്പം നിന്നവർക്കും നന്ദി നന്ദി നന്ദി എന്ന കുറിപ്പിനൊപ്പമായാണ് ആദിത്യന്‍ ചിത്രങ്ങള്‍ പോസ്റ്റ് ചെയ്തത്.

പ്രിയപ്പെട്ടവരുടെ സാന്നിധ്യം

പ്രിയപ്പെട്ടവരെക്കുറിച്ച് എന്നും വാചാലനാവാറുണ്ട് ആദിത്യന്‍. ഒപ്പം നില്‍ക്കുന്നവരെ എല്ലാ ചടങ്ങുകളിലേക്കും വിളിക്കാറുണ്ട്. ഇത്തവണയും അങ്ങനെ തന്നെയായിരുന്നു. പേരിടലും നൂലുകെട്ടിനുമൊക്കെയായി പ്രിയപ്പെട്ടവരെല്ലാം എത്തിയിരുന്നു. അഭിനേത്രിയായ സേതുലക്ഷ്മിക്കും കന്യഭാരതിക്കുമൊപ്പമുള്ള ചിത്രങ്ങളും ആദിത്യന്‍ പങ്കുവെച്ചിട്ടുണ്ട്. ഇതിനകം തന്നെ പോസ്റ്റും ചിത്രങ്ങളും വൈറലായി മാറിക്കഴിഞ്ഞിട്ടുണ്ട്.

മുഖം കാണുന്ന ചിത്രങ്ങള്‍

കുഞ്ഞതിഥിയെക്കുറിച്ച് വാചാലനാവാറുണ്ടെങ്കിലും മുഖം കാണുന്ന തരത്തിലുള്ള ചിത്രങ്ങള്‍ ആദിത്യന്‍ പോസ്റ്റ് ചെയ്യാറുണ്ടായിരുന്നില്ല. അപ്പൂസിനും ചക്കരാസിനുമൊപ്പമുള്ള ചിത്രങ്ങളുമായെത്തിയപ്പോഴും ആരാധകര്‍ പരാതി പറഞ്ഞത് ഇതേക്കുറിച്ചായിരുന്നു. തന്‍രെ സീരിയല്‍ മകനെ കാണിക്കുന്നതിന്‍റെ ചിത്രവും ആദിത്യന്‍ പോസ്റ്റ് ചെയ്തിരുന്നു. കൊച്ചുകുട്ടികളെ ടെലിവിഷന്‍ കാണിക്കാന്‍ പാടില്ലെന്നും കണ്ണിന് പ്രശ്നമായേക്കാമെന്നുമായിരുന്നു ആരാധകര്‍ പറഞ്ഞത്. ആദ്യമായി ചെയ്തതാണെന്നും ഇനി ചെയ്യില്ലെന്നുമായിരുന്നു ആദിത്യന്‍ പറഞ്ഞത്.

ആരാധകര്‍ക്ക് സന്തോഷം

കാത്തിരിപ്പിനൊടുവില്‍ കുഞ്ഞതിഥിയുടെ ചിത്രം കാണാനായതിന്‍റെ സന്തോഷത്തിലാണ് ആരാധകര്‍. പോരാട്ട വീര്യവുമായി... അർജുൻ... ജയിക്കാൻ ജനിച്ചവൻ ജയൻ. പോരാടി ജയിക്കുന്നവൻ.... അർജുൻ ജയൻ പേരിനെ അഭിന്ദിച്ചുള്ള കമന്‍റുകളും പോസ്റ്റിന് കീഴിലുണ്ട്. ആദിത്യന്‍റെ ഫോട്ടോ കോപ്പിയാണ് മകനെന്നായിരുന്നു ഒരാളുടെ കമന്‍റ്. അമ്പിളിയെ തിരക്കിയായിരുന്നു മറ്റ് ചിലരെത്തിയത്. എന്നും ഈ സന്തോഷം നിങ്ങള്‍ക്കുണ്ടാവട്ടെയന്നും ആരാധകര്‍ പറയുന്നുണ്ട്.

പുതിയ പരമ്പരയില്‍

നാളുകള്‍ക്ക് ശേഷം മഴവില്‍ മനോരമയിലെ ഒരു സീരിയലില്‍ അഭിനയിക്കുന്ന സന്തോഷം പങ്കുവെച്ചും ആദിത്യനെത്തിയിരുന്നു. എല്ലാവരും ഒപ്പം നില്‍ക്കണമെന്നും നിങ്ങളുടെ പിന്തുണയാണ് തന്നെ നയിക്കുന്നതെന്നും താരം പറഞ്ഞിരുന്നു. ഇതിനിടയിലാണ് ബിഗ് ബോസ് 2 ല്‍ താരവും പങ്കെടുത്തേക്കുമെന്ന തരത്തിലുള്ള അഭ്യൂഹങ്ങള്‍ പ്രചരിച്ചത്. അങ്ങനെയൊരു കാര്യത്തെക്കുറിച്ച് താനറിഞ്ഞിട്ടില്ലെന്നും ബിഗ് ബോസിലേക്ക് താനില്ലെന്നും ആദിത്യന്‍ വ്യക്തമാക്കിയിരുന്നു.

അന്നേ ഇഷ്ടമായിരുന്നു

അമ്പിളി ദേവിയെ തനിക്ക് നേരത്തെ തന്നെ ഇഷ്ടമായിരുന്നുവെന്ന് ആദിത്യന്‍ പറഞ്ഞിരുന്നു. വര്‍ഷങ്ങള്‍ക്കിപ്പുറം ഒരു നിയോഗം പോലെയാണ് അമ്പിളി തന്‍രെ ജീവിതത്തിലേക്കെത്തിയതെന്നും താരം പറഞ്ഞിരുന്നു. വടക്കുന്നാഥനില്‍ വെച്ചായിരുന്നു തുടക്കമെന്നും ക്ഷേത്രസന്ദര്‍ശനത്തിനിടയിലെ ചിത്രങ്ങളും മുന്‍പ് ആദിത്യന്‍ പങ്കുവെച്ചിരുന്നു.