ജീവിതത്തിലെ ചില കാര്യങ്ങള്‍ കാണാന്‍ കണ്ണട വേണ്ടെന്ന് അമൃത സുരേഷ്! അമ്മയെ സുന്ദരിയാക്കി പാപ്പുവും!

കണ്ണട വേണ്ട

വേറിട്ട മേക്കോവറുകളുമായെത്താറുണ്ട് അഭിരാമിയും അമൃതയും. അഭിക്ക് കൂളിങ് ഗ്ലാസ് വീക്ക്‌നെസ്സാണോയെന്ന് നേരത്തെ ആരാധകരും ചോദിച്ചിരുന്നു. ജീവിതത്തിലെ ചില കാര്യങ്ങള്‍ കാണാന്‍ കണ്ണടയുടെ ആവശ്യമില്ലെന്ന പോസ്റ്റുമായെത്തിയിരിക്കുകയാണ് അമൃത സുരേഷ്. നിരവധി പേരാണ് പോസ്റ്റിന് കീഴില്‍ കമന്റുകളുമായെത്തിയിട്ടുള്ളത്. രണ്ട് മുഖവുമായി നടക്കുന്നവരെ കാണാന്‍ കണ്ണട വേണമെന്നായിരുന്നു ഒരാളുടെ കമന്റ്.

പാപ്പുവിന്റെ ക്ലിക്ക്

ലോക് ഡൗണ്‍ ഫോട്ടോഗ്രാഫിയില്‍ പാപ്പുവിന്റെ ക്ലിക്കാണ് ഇതെന്ന് പറഞ്ഞുള്ള ഫോട്ടോയും അമൃത പോസ്റ്റ് ചെയ്തിരുന്നു. മോളുടെ ക്ലിക്കില്‍ അമ്മ അതീവ സുന്ദരിയാണല്ലോയെന്നായിരുന്നു ആരാധകരുടെ കമന്റ്. മകള്‍ക്ക് വേണ്ടിയാണ് ഇനിയുള്ള ജീവിതമെന്ന് നേരത്തെ അമൃത പറഞ്ഞിരുന്നു. പാപ്പു രണ്ടാമത്തെ മകളാണെന്നും മൂത്ത മകള്‍ അഭിരാമിയാണെന്നും അവര്‍ പറഞ്ഞിരുന്നു. അഭിയമ്മയാണ് അവളുടെ അടുത്ത സുഹൃത്ത്. പാപ്പുവിനെപ്പോലെയാണ് ചില സമയത്ത് അഭിയുടെ സംസാരമെന്നും അമൃത പറഞ്ഞിരുന്നു.

ലോക് ഡൗണിലേക്ക്

ബിഗ് ബോസില്‍ നിന്നും പുറത്തെത്തിയതിന് ശേഷം നിരവധി കാര്യങ്ങള്‍ ചെയ്യാനുണ്ടെന്ന് അമൃത പറഞ്ഞിരുന്നു. മ്യൂസിക് ബാന്‍ഡിന്റെ കാര്യങ്ങള്‍ ചെയ്തുവരുന്നതിനിടയിലായിരുന്നു ബിഗ് ബോസിലേക്ക് എത്തിയത്. പാട്ടുണ്ടെന്നല്ലാതെ മത്സരാര്‍ത്ഥികളാക്കുന്നതിനെക്കുറിച്ച് അവസാനനിമിഷമാണ് അവര്‍ പറഞ്ഞതെന്നും ഇവര്‍ പറഞ്ഞിരുന്നു. നേരത്തെ അറിയാവുന്നവരില്‍ പലരും ഷോയില്‍ ഉണ്ടായിരുന്നു. ബിഗ് ബോസിലെ വഴക്കുകളും വിവാദങ്ങളുമെല്ലാം അവിടെ തീര്‍ന്നുവെന്ന് വിശ്വസിക്കുന്നവരാണ് തങ്ങളെന്നും ഇവര്‍ വ്യക്തമാക്കിയിരുന്നു.

ഗസലുമായും

മനോഹരമായൊരു ഗസലുമായും അമൃത സുരേഷ് എത്തിയിരുന്നു. പങ്കജ് ഉദാസിന്റെ ഗസലുമായെത്തിയ അമൃതയുടെ വീഡിയോ ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്. സെലക്ഷന്‍ പൊളിച്ചുവെന്നായിരുന്നു ആരാധകര്‍ പറഞ്ഞത്. അമൃതയുടെ ശബ്ദത്തിന് ചേര്‍ന്ന ആലാപനമെന്നായിരുന്നു മറ്റൊരാള്‍ പറഞ്ഞത്. ഇന്‍സ്റ്റഗ്രാമില്‍ പോസ്റ്റ് ചെയ്ത വീഡിയോയും ഇതിനകം വൈറലായി മാറിക്കഴിഞ്ഞിട്ടുണ്ട്.