എപി മുതൽ എപി വരെ! സുധിയിൽ നിന്ന് അൻവറിലേയ്ക്കുള്ള ദൂരം, മനോഹരമായ യാത്രയെ കുറിച്ച് ചാക്കോച്ചൻ

23 വർഷത്തെ സിനിമ യാത്രയെ കുറിച്ച് അതിമനോഹരമായി പങ്കുവെച്ചിരിക്കുകയാണ് ചാക്കോച്ചൻ. സോഷ്യൽ മീഡിയ പേജിലൂടെയായിരുന്നു താരത്തിന്റെ കുറിപ്പ്. അനിയത്തി പ്രാവിലെ സുധിയുടേയു അഞ്ചാം പാതിരയിലെ അൻവർ ഹുസൈനിന്റേയും ചിത്രം പങ്കുവെച്ചു കൊണ്ടായിരുന്നു ഇരുവരും തമ്മിലുളള രഹസ്യ ബന്ധത്തെ കുറിച്ച് താരം വെളിപ്പെടുത്തിയത്. കൂടാതെ ഒപ്പം നിന്നവർക്കും പ്രോത്സാഹിപ്പിച്ചവർക്കുമുള്ള നന്ദിയും ഈ അവസരത്തിൽ രേഖപ്പെടുത്തുന്നുണ്ട്.

ഒരു എപിയിൽ നിന്ന് മറ്റെരു എപിയിലേയ്ക്ക്, എന്താണ് എപി എന്നതും താരം തന്നെ വ്യക്തമാക്കുന്നുണ്ട്. അനിയത്തി പ്രാവ് മുതൽ അഞ്ചാം പാതിര വരെ. സുധി മുതൽ അൻവർ ഹുസൈൻ വരെ. ചോക്ലേറ്റിൽ നിന്ന് ഡാർക്ക് ചോക്ലേറ്റ് വരെ. മികച്ച റൊമാന്റിക് ചിത്രത്തിൽ നിന്ന് മികച്ച ക്രൈം ത്രില്ലർ വരെ. എല്ലാ സ്നേഹത്തിനും അനുഗ്രഹത്തിനും നന്ദി- ചാക്കോച്ചൻ കുറിച്ചു. ചാക്കോച്ചന്റ മനോഹരമായ യാത്രയ്ക്ക് ആശംസ നേർന്ന് താരങ്ങൾ ഉൾപ്പെടെ രംഗത്തെത്തിയിട്ടുണ്ട്.

2020 ൽ പുറത്തിറങ്ങിയ ആദ്യത്തെ കുഞ്ചാക്കോ ബോബൻ ചിത്രമാണ് അഞ്ചാം പാതിര. ഇതുവരെ ചെയ്തതിൽ നിന്ന് വ്യത്യസ്തമായ കഥാപാത്രത്തിലാണ് ചിത്രത്തിൽ താരം പ്രത്യക്ഷപ്പെട്ടിരിക്കുന്നത്. ഇൻവെസ്റ്റിഗേഷൻ ക്രൈം ത്രില്ലർ ഗണത്തിൽ വരുന്ന ചിത്രത്തിന് മികച്ച പ്രേക്ഷക സ്വീകാര്യതയാണ് ലഭിക്കുന്നത്. 2020 ലെ ആദ്യ ചിത്രം തന്നെ സൂപ്പർ ഡ്യൂപ്പർ ഹിറ്റാണ്. അൻവർ ഹുസൈൻ എന്ന ക്രിമിനോളജിസ്റ്റിന്റെ വേഷത്തിലാണ് കുഞ്ചാക്കോ ബോബൻ ചിത്രത്തിൽ എത്തുന്നത്. ചാക്കോച്ചന്റെ കരിയറിൽ വലിയ ബ്രേക്കാണ് അൻവർ ഹുസൈൻ നൽകിയിരിക്കുന്നത്.

2019ലും മികച്ച ചിത്രങ്ങളുടെ ഭാഗമാകാൻ ചാക്കോച്ചന് കഴിഞ്ഞിരുന്നു. കഴിഞ്ഞ കൊല്ലം പുറത്തു വന്ന എല്ലാ ചിത്രങ്ങൾക്കും മികച്ച പ്രേക്ഷകാഭിപ്രായമാണ് ലഭിച്ചിരുന്നത്. 2019 ലെ പോലെ 2020 ലും മികച്ച ചിത്രങ്ങളുമായിട്ടാണ് ചാക്കോച്ചൻ എത്തുന്നത്. മിഥുൻ മാനുവൽ തോമസിന്റെ അഞ്ചാംപതിരയ്ക്ക ശേഷ പുറത്തു വരുന്ന അടുത്ത ചിത്രമാണ് പട. ഹ്യൂമറിന് പ്രധാന്യം നൽകി ഒരുങ്ങുന്ന ജിസ് ജോസ് ചിത്രം, ചാർളിയ്ക്ക് ശേഷം മാർട്ടിൻ പ്രക്കാട്ടിൻ ഒരുക്കുന്ന ചത്രത്തിലും ചാക്കോച്ചൻ പ്രധാന വേഷത്തിലെത്തുണ്ട്.