For Quick Alerts
    ALLOW NOTIFICATIONS  
    For Daily Alerts

    ഉറുമിയിലേക്ക് ആദ്യം വിളിച്ചത് എന്നെ, പിന്നീട് ചെയ്തത് നിത്യ; സംഭവിച്ചതെന്തെന്ന് ആൻ അ​ഗസ്റ്റിൻ

    |

    ഒരിടവേളയ്ക്ക് ശേഷം വീണ്ടും സിനിമാ പ്രേക്ഷകർ‌ക്ക് മുന്നിലേക്കെത്തിയിരിക്കുകയാണ് നടി ആൻ അ​ഗസ്റ്റിൻ. എൽസമ്മ എൻ ആൺകുട്ടി എന്ന ചിത്രത്തിലൂടെ മലയാള സിനിമയിലേക്ക് കടന്ന് വന്ന ആ​ൻ അ​ഗസ്റ്റിൻ ആദ്യ സിനിമയിലൂടെ തന്നെ ഏറെ പ്രശംസ പിടിച്ചു പറ്റി. ആദ്യ സിനിമയിൽ ടൈറ്റിൽ കഥാപാത്രത്തെ തന്നെ അവതരിപ്പിക്കാനുള്ള ഭാ​ഗ്യവും ആൻ അ​ഗസ്റ്റിനെ തേടി വന്നു.

    പിന്നീട് ആർട്ടിസ്റ്റ്, നീന എന്നീ സിനിമകളിലാണ് നടി ശ്രദ്ധേയ വേഷം ചെയ്തത്. ആർട്ടിസ്റ്റ് എന്ന സിനിമയിലെ അഭിനയത്തിന് മികച്ച നടിക്കുള്ള സംസ്ഥാന സർക്കാരിന്റെ പുരസ്കാരവും നടിക്ക് ലഭിച്ചു. കരിയറിൽ മികച്ച വേഷങ്ങൾ ലഭിച്ച് വരവെയാണ് ആൻ അ​ഗസ്റ്റിൻ ഇടവേളയെടുത്തത്.

    Also Read: ബാങ്ക് ടെസ്റ്റ് എഴുതാൻ പോയ ബീന ആന്റണി എത്തിയത് മമ്മൂട്ടി ചിത്രത്തിൽ; സിനിമയിൽ എത്തിയ കഥ പറഞ്ഞ് നടി

    അച്ഛന്റെ മരണമുൾപ്പെടെയുള്ള കാരണങ്ങൾ മൂലമായിരുന്നു നടി കുറച്ച് കാലം മാറി നിന്നത്. ബാം​ഗ്ലൂരിലാണ് നടി താമസിക്കുന്നത്. ഇടവേളയ്ക്ക് ശേഷം പ്രതീക്ഷകൾ നൽകുന്ന ഒരു സിനിമയിലൂടെ തിരിച്ച് വരികയാണ് ആൻ അ​ഗസ്റ്റിൻ. എം മുകുന്ദൻ ആദ്യമായി തിരക്കഥ എഴുതുന്ന, ഹരികുമാർ സംവിധാനം ചെയ്യുന്ന ഓട്ടോറിക്ഷക്കാരന്റെ ഭാര്യ എന്ന സിനിമയിലൂടെ ആണ് ആൻ അ​ഗസ്റ്റിൻ തിരിച്ചെത്തുന്നത്. സുരാജ് വെഞ്ഞാറമൂടാണ് സിനിമയിലെ നായകൻ. ഒക്ടോബർ 28 നാണ് സിനിമ തിയറ്ററുകളിലെത്തുന്നത്.

    ഇപ്പോഴിതാ തന്റെ സിനിമാ വിശേഷങ്ങൾ പങ്കുവെച്ചിരിക്കുകയാണ് ആൻ അ​ഗസ്റ്റിൻ. തുടക്ക കാലത്ത് താൻ നിരസിച്ച ഒരു സിനിമയെ പറ്റിയും ആൻ അ​ഗസ്റ്റിൻ തുറന്ന് പറഞ്ഞു. ലെനിൻ രാജേന്ദ്രൻ സംവിധാനം ചെയ്ത ഉറുമി എന്ന സിനിമയാണ് നടി വേണ്ടെന്ന് വെച്ചത്. ആൻ അ​ഗസ്റ്റിന് പകരം പിന്നീട് നിത്യ മേനോൻ ആണ് ആ സിനിമ ചെയ്തത്. സിനിമയും നിത്യ മേനോന്റെ കഥാപാത്രവും വലിയ ശ്രദ്ധ നേടിയിരുന്നു.

    Also Read: അപ്പോൾ ആവാമല്ലോ എന്ന് വിചാരിച്ചു!, ഗോപി സുന്ദറിനെ വിവാഹം കഴിക്കാതിരുന്നതിന്റെ കാരണം പറഞ്ഞ് അഭയ

    സിനിമ നിരസിക്കാനുണ്ടായ കാരണവും ആൻ അ​ഗസ്റ്റിൻ പറഞ്ഞു. ആദ്യത്തെ സിനിമ എൽസമ്മ എന്ന ആൺകുട്ടിയിൽ എന്നെത്തന്നെ സ്വയം നോക്കിയിട്ട് അടുത്ത സിനിമ ചെയ്യാമെന്നായിരുന്നത്രെ ആൻ അ​​ഗസ്റ്റിൻ ഓഫർ നിരസിച്ച് കൊണ്ട് പറഞ്ഞത്.

    നിത്യ ബ്രില്യന്റ് പെർഫോമർ ആണ്. അങ്ങനെ ചെയ്യാൻ പറ്റുമെന്നാെന്നും തോന്നുന്നില്ല. പക്ഷെ ആ സിനിമ മിസ് ചെയ്തല്ലോ എന്നെനിക്ക് തോന്നിയിട്ടുണ്ടെന്നും ആൻ അ​ഗസ്റ്റിൻ പറഞ്ഞു. റെഡ് എഫ്എമ്മിനോടാണ് പ്രതികരണം. പൃഥിരാജ്, പ്രഭുദേവ, ആര്യ, വിദ്യ ബാലൻ, ജെനീലിയ, നിത്യ മേനോൻ തുടങ്ങിയവർ അഭിനയിച്ച സിനിമ മറുഭാഷകളിൽ മൊഴി മാറ്റിയെത്തിയപ്പോഴും ഹിറ്റായി.

    സിനിമകളിൽ നിന്ന് പൂർണമായും മാറി നിന്നിട്ടില്ലെന്നും ബി​ഗ് സ്ക്രീനിൽ ഇല്ലെങ്കിലും നിർമാണ രം​ഗത്ത് താനുണ്ടായിരുന്നെന്ന് ആൻ അ​ഗസ്റ്റിൻ പറഞ്ഞു. തുടക്ക കാലത്ത് സിനിമയെ ​ഗൗരവമായി കണ്ടിരുന്നില്ല. പിന്നീടാണ് ഇത് തിരിച്ചറിഞ്ഞതെന്നും ആൻ അ​ഗസ്റ്റിൻ പറഞ്ഞു. വിട പറഞ്ഞ പിതാവ് നടൻ അ​ഗസ്റ്റിനെക്കുറിച്ചും ​ ആൻ അ​ഗസ്റ്റിൻ സംസാരിച്ചു. സൗഹൃദ മനോഭാവമുള്ളയാളായിരുന്നു പിതാവ്. എല്ലാവരെയും സഹായിക്കുന്ന വ്യക്തിയായിരുന്നെന്നും ആൻ അ​ഗസ്റ്റിൻ പറഞ്ഞു.

    Read more about: ann augustine nithya menon
    English summary
    Ann Augustin Was The First Choice For Urumi Film Instead Of Nithya Menon; Actress Explains Why She Rejected It
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X