ബറോസിന്റെ ഒരു ദിവസത്തെ ഷൂട്ടിങ് ചെലവ് ലക്ഷങ്ങൾ, വെളിപ്പെടുത്തലുമായി ആന്റണി പെരുമ്പാവൂർ

ത്രീഡിയില്‍ ഒരുക്കുന്നത് കൊണ്ട് തന്നെ സിനിമയ്ക്ക് ധാരാളം മുന്നൊരുക്കങ്ങൾ ആവശ്യമായിരുന്നു. പല ഘട്ടങ്ങളിലായി വിശദമായ ചർച്ചകൾ നടത്തിയിരുന്നു. ഒരു കാര്യം വിചാരിച്ചാല്‍ അത് നടത്തിയെടുക്കുന്ന ആളാണ് ലാൽ സാർ. സാറിന്റെ ആ സ്വഭാവം എനിക്ക് നല്ലതുപോലെ അറിയാം. ഒരു സിനിമ സംവിധാനം ചെയ്യുക എന്ന ആഗ്രഹം അദ്ദേഹത്തിന്റെ ചിന്തയിൽ വന്നിട്ട് കുറെ നാളുകൾ ആയി. എന്നാൽ കഴിഞ്ഞ രണ്ടര വർഷം മുൻപാണ് അദ്ദേഹം ഈ സിനിമയെ കുറിച്ച് ഗൗരവമായി കണ്ടെതെന്നു ആന്റണി പെരുമ്പാവൂർ പറയുന്നു.

അതേസമയം സംവിധാനത്തെ കുറിച്ച് താൻ ഒരിക്കൽ പോലും ചിന്തിച്ചിരുന്നില്ല എന്ന് നടൻ നേരത്തെ ഫിലിം കമ്പാനിയന് നൽകിയ അഭിമുഖത്തിൽ പറഞ്ഞിരുന്നു. എന്നാൽ ജിജോ വന്ന കഥ പറഞ്ഞപ്പോൾ അദ്ദേഹത്തിനോട് ചെയ്യാൻ പോകുകയാണോ എന്ന് തിരക്കിയിരുന്നു. കഥ കേട്ടപ്പോൾ മുതൽ എന്നിലെ കുട്ടി ശല്യം ചെയ്യാൻ തുടങ്ങി. ഒടുവിൽ ജിജോയോട് സംവിധാനത്തെ കുറിച്ച് സൂചിപ്പിക്കുവാന്‍ പ്രേരിപ്പിക്കുകയും ചെയ്തുവെന്ന് മോഹൻലാൽ അഭിമുഖത്തിൽ പറഞ്ഞിരുന്നു. അങ്ങനെയാണ് ബറോസ് എന്ന ചിത്രം സംവിധാനം ചെയ്യാൻ നടൻ തീരുമാനിക്കുന്നത്.

കുട്ടികൾക്കും മുതിർന്നവർക്കും ഒരുപോലെ ഇഷ്ടപ്പെടുന്ന ചിത്രമായിരിക്കും ബറോസ്. ലോകനിലവാരത്തിലുളള ഒരു ത്രീഡി ചിത്രമായിട്ടായിരിക്കും ബറോസ് തീയേറ്ററുകളിൽ എത്തുക. ഗാമയുടെ നിധിയുടെ കാവൽക്കാരനായ ബറോസിന്റേയും കുട്ടിയുടേയും കഥയാണ് ചിത്രം പറയുന്നത്. ഗാമയുടെനിധി സൂക്ഷിക്കുന്ന കാവൽക്കാരനായ ബറോസിന്റെ മുന്നിലേയ്ക്ക് ഗാമയുടെ പിന്തുടർച്ചക്കാരനായ കുട്ടി എത്തുന്നു. കടലിലൂടെ കുട്ടിയുടെ മുന്‍ഗാമികളെ കണ്ടെത്താന്‍ ബറോസ് നടത്തുന്ന യാത്രയാണ് സിനിമയുടെ ഇതിവൃത്തം.

Recommended Video

Mammootty speech About Mohanlal Directing Film

പോർച്ചുഗീസ് പശ്ചാത്തലത്തിലാണ് ചിത്രം ഒരുങ്ങുന്നത്. മലയാളത്തെ കൂടാതെ മറ്റ് ഇന്ത്യൻ ഭാഷകളിലും ചിത്രം മൊഴിമാറ്റി പ്രദർശനത്തിനെത്തുന്നുണ്ട്. മോഹൻലാലാണ് ബറോസ് ആയി ചിത്രത്തിൽ എത്തുന്നത്. പ്രതാപ് പോത്തന്‍, സ്പാനിഷ് നടി പാസ് വേഗ, നടന്‍ റാഫേല്‍ അമാര്‍ഗോ തുടങ്ങിയവരാണ് ചിത്രത്തിലെ മറ്റ് താരങ്ങളാണ്. നടൻ പൃഥ്വിരാജ് സുകുമാരനും ബറോസിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.