ഭാര്യയും ഭര്‍ത്താവും സുഹൃത്തുക്കളെ പോലെ ആയിരിക്കണം; വിവാഹസങ്കല്‍പ്പങ്ങളെ കുറിച്ച് തുറന്ന് പറഞ്ഞ് നടി അനുശ്രീ

''വിവാഹത്തെ പറ്റി അങ്ങനെ ചിന്തിച്ചിട്ടൊന്നുമില്ല. എന്ന് കരുതി വിവാഹം കഴിക്കില്ല എന്നൊന്നും ഉദ്ദേശിച്ചിട്ടില്ല. കുറച്ച് നാള്‍ കൂടി എനിക്ക് ഇങ്ങനെ നടക്കണമെന്നാണ് ആഗ്രഹം. വിവാഹം ഒരു റെസ്‌പോണ്‍സിബിലിറ്റിയാണ്. കല്യാണം കഴിഞ്ഞ് ഹസ്ബന്റുണ്ട്, അങ്ങനെ ഒപു ഈസി കാര്യമായിട്ട് കാണുന്ന ഒരാളല്ല ഞാന്‍. കല്യാണം കഴിച്ചാല്‍ ഒരു പ്രണയവിവാഹമായിരിക്കുമെന്ന് എനിക്കാഗ്രഹമുണ്ട്. അറേഞ്ച്ഡ് മ്യാരേജ് ജീവിതത്തിലേക്ക് കൊണ്ട് വരാന്‍ താല്‍പര്യമില്ലെന്നാണ് നടി പറയുന്നത്. ഒപ്പം പ്രതിശ്രുത വരന് വേണ്ട ക്വാളിറ്റി എന്തായിരിക്കണമെന്ന് കൂടി അനുശ്രീ സൂചിപ്പിച്ചിരുന്നു.

നമ്മളെ നല്ലത് പോലെ നോക്കുന്ന ആളായിരിക്കണം. നമ്മുടെ പ്രൊഫഷന്‍ എന്താണെന്ന് മനസിലാക്കുന്ന ആളായിരിക്കണം. നമ്മളെ റെസ്‌പെക്ട് ചെയ്യുന്ന ഒരാളായിരിക്കണം. ഒരിക്കലും ഞാന്‍ ഭര്‍ത്താവ് നീ ഭാര്യ എന്നുള്ള രീതിയില്‍ കാണാതെ രണ്ട് സുഹൃത്തുക്കളായിട്ട് എന്തും പറയാന്‍ പറ്റുന്ന, അടിച്ച് പൊളിച്ച് നടക്കാന്‍ പറ്റുന്ന കൂട്ടുകാര്‍ ആയിരിക്കണം ഹസ്ബന്റും വൈഫും. വിവാഹം കഴിഞ്ഞതിന് ശേഷം ഒരിക്കലും പ്രൊഫഷന്‍ നിര്‍ത്താന്‍ എനിക്ക് താല്‍പര്യമില്ലെന്നും അനുശ്രീ വ്യക്തമാക്കുന്നു.

Recommended Video

ദുരനുഭവങ്ങളെക്കുറിച്ച് അനുശ്രീ | filmibeat Malayalam

ജീവിതത്തില്‍ അനുശ്രീ ബോള്‍ഡ് ആണോ അതോ അഭിനയിച്ച് തുടങ്ങിയതോടെ അങ്ങനെ ആയി പോയതാണോ എന്നായിരുന്നു മറ്റൊരു ചോദ്യം. 'സിനിമയില്‍ അഭിനയിച്ച് ബോള്‍ഡായി പോയോ എന്നെനിക്ക് അറിയില്ല. പക്ഷേ ഇത്രയും വര്‍ഷത്തെ എക്‌സ്പീരിയന്‍സ് കൊണ്ടും ഓരോരുത്തരും നമ്മളെ എങ്ങനെ കാണുന്നു, നമ്മളോട് എങ്ങനെ സഹകരിക്കുന്നു എന്നതില്‍ നിന്ന് ഞാന്‍ കുറച്ച് കൂടി ബോള്‍ഡ് ആയിട്ടുണ്ടാവാം. നമ്മള്‍ ഒരു പ്രൊഫഷന്‍ സ്വീകരിച്ച് നില്‍ക്കുമ്പോള്‍ നമ്മള്‍ മനസിലാക്കേണ്ടതും പെരുമാറേണ്ട ഒരുപാട് കാര്യങ്ങളുണ്ട്. അത് ഞാനെന്ന ഒരു വ്യക്തി തനിയെ ചെയ്യുമ്പോള്‍ ഞാന്‍ നോക്കേണ്ട കാര്യങ്ങള്‍ ഞാന്‍ നോക്കണം. അതിന് ഞാന്‍ ബോള്‍ഡായേ പറ്റൂള്ളു. അങ്ങനെ എനിക്കാവശ്യമുള്ള സമയത്ത് ബോള്‍ഡാവുക തന്നെ ചെയ്യുമെന്നാണ്'' അനുശ്രീ വ്യക്തമാക്കുന്നത്.