നിന്നെ വിവാഹം കഴിക്കാൻ ആഗ്രഹമുണ്ട്; രണ്ടാം വിവാഹത്തെ കുറിച്ച് ചോദിച്ചവരാണ് രസകരമായ മറുപടി പറഞ്ഞ് അർച്ചന കവി

പലപ്പോഴായി പ്രമുഖരടക്കം ഇന്‍സ്റ്റാഗ്രാമിലൂടെ ആരാധകരുമായി സംവദിക്കാറുണ്ട്. അങ്ങനെയാണ് അര്‍ച്ചന കവിയും ഇന്ന് തന്റെ വിശേഷങ്ങള്‍ ചോദിക്കാനുള്ള അവസരം നല്‍കി എത്തിയത്. എനിക്ക് നിന്നെ വിവാഹം കഴിക്കണം എന്ന് ആഗ്രഹമുണ്ട് എന്നായിരുന്നനു ഒരാള്‍ അര്‍ച്ചനയോട് പറഞ്ഞത്. 'എനിക്ക് എന്നെ തന്നെ വിവാഹം കഴിക്കാന്‍ ആണ് ആഗ്രഹം' എന്നായിരുന്നു അര്‍ച്ചന നല്‍കിയ മറുപടി. ഇനിയൊരു വിവാഹം കഴിക്കാന്‍ താല്‍പര്യമുണ്ടോ എന്നുള്ള ചോദ്യങ്ങള്‍ക്കെല്ലാമുള്ള ഉത്തരമായിരുന്നു നടി ഇതിലൂടെ നല്‍കിയത്. വിവാഹമോചിതയായി എന്നറിഞ്ഞത് മുതല്‍ അര്‍ച്ചന കവിയുടെ രണ്ടാം വിവാഹമുണ്ടാവുമോ എന്നറിയാനുള്ള ആകാംഷയിലായിരുന്നു ആരാധകര്‍.

അടുത്ത ചോദ്യം സിനിമയില്‍ നിന്നും ഇടവേള എടുത്തിരിക്കുന്നത് മനഃപൂര്‍വ്വം ആയിരുന്നോ എന്നാണ് മറ്റൊരാള്‍ ചോദിച്ചത്. 'അങ്ങനെയല്ല. സിനിമ എന്നില്‍ നിന്നും ബ്രേക്ക് എടുത്തിരിക്കുകയാണ്. അതുകൊണ്ടാണ് സിനിമയില്‍ കാണാത്തത് എന്നാണ് അര്‍ച്ചനയുടെ മറുപടി. ഇനി സിനിമയിലേക്ക് സജീവമായി നില്‍ക്കുന്ന അര്‍ച്ചനയെ കാണാനാണ് ഞങ്ങള്‍ക്കും ഇഷ്ടമെന്നാണ് ആരാധകര്‍ പറയുന്നത്. 2016 ല്‍ പുറത്തിറങ്ങിയ ദൂരം എന്ന സിനിമയിലാണ് അര്‍ച്ചന അവസാനമായി അഭിനയിച്ചത്. 2015 ല്‍ വിവാഹിതയായതോടെ അഭിനയത്തില്‍ നിന്നും വിട്ട് നില്‍ക്കുകയായിരുന്നു. സ്റ്റാന്‍ഡപ് കൊമേഡിയനായ അബീഷ് മാത്യുവിനെ ആയിരുന്നു അര്‍ച്ചന വിവാഹം കഴിച്ചത്. 2016 ല്‍ വിവാഹിതരായ ഇരുവരും നാല് വര്‍ഷത്തെ ദാമ്പത്യ ജീവിതത്തിന് ശേഷം 2021 ല്‍ വേര്‍പിരിയാന്‍ തീരുമാനിച്ചു.

Recommended Video

Manju Warrier, Prithviraj, Tovino And Others Support The Public Post Of Survivor

പരസ്പര സമ്മതത്തോടെയാണ് വേര്‍പിരിയാം എന്ന തീരുമാനത്തിലേക്ക് എത്തിയതെന്നാണ് അര്‍ച്ചന പിന്നീട് അഭിമുഖങ്ങളിലൂടെയായി പറഞ്ഞത്. ഇതിനിടയില്‍ വിഷാദത്തിലേക്ക് കൂടി താന്‍ പോയതിനെ കുറിച്ചും നടി മനസ് തുറന്നു. ഭര്‍ത്താവുമായി പിരിഞ്ഞതൊന്നുമല്ല അതിന് കാരണമെന്നും നടി വ്യക്തമാക്കി. ഇപ്പോഴും അബീഷിന്റെ കുടുംബവുമായി നല്ല സൗഹൃദം കാത്തു സൂക്ഷിക്കുന്നുണ്ടെന്നാണ് അര്‍ച്ചന പറഞ്ഞത്.