അങ്ങനെ വിട്ടുകളയാൻ പറ്റുമോ! മറ്റൊരു മികച്ച നേട്ടം, ആ സന്തോഷം പങ്കുവച്ച് അർജുൻ

ചുരുങ്ങിയ വാക്കുകളിലൂടെ പ്രേക്ഷകരെ ചിരിപ്പിക്കുകയും അതുപോലെ റോസ്റ്റ് ചെയ്യുകയും ചെയ്യുന്ന അർജുൻ ലൈവിൽ എത്തിയത് ഏറെ അമ്പരപ്പോടെയാണ്. ലൈവിൽ വന്ന് പരിചയമില്ലെന്നും അതിനാൽ തന്നെ എന്ത് പറയണമെന്ന് അറിയില്ലെന്നും ആമുഖമായി പറയുന്നുണ്ട്. ഭയങ്കര സന്തോഷമുണ്ടെന്നും നിങ്ങൾ കാരണം നമുക്ക് രണ്ട് മില്യൺ സബ്സ്ക്രൈബേഴ്സ് ആയിരിക്കുകയാണെന്നും അർജുൻ പറയുന്നു. 2 ലക്ഷം എന്ന് പറഞ്ഞാൽ അത് അത്രവലിയ കാര്യമല്ല.ഇതൊരു വലിയ കാര്യം തന്നെയാണ്- അർജുൻ വീഡിയോയിൽ പറയുന്നു.

നിങ്ങളെ പോലെ ഞാനും രണ്ട് മില്യൺ ആയോ എന്ന് അറിയാൻ റീഫ്രഷ് ചെയ്തു കൊണ്ടിരുന്നു. പെട്ടെന്ന് 1.99 മില്യൻ മാറി 2 മില്യൻ എന്ന് കണ്ടപ്പോൾ ഏറെ സന്തോഷം തോന്നി. അതുകൊണ്ടാണ് ലൈവിൽ വന്നതെന്നും അർജുൻ പറഞ്ഞു. 20 ലക്ഷം കുടുംബാംഗങ്ങൾക്കും നന്ദിയുണ്ടെന്ന് അർജുൻ പറഞ്ഞു. കൂടാതെ പുതിയ വീഡിയോയുടെ എഡിറ്റിങ്ങ് നടക്കുകയാണെന്നും ഉടൻ തന്നെ പങ്കുവെയ്ക്കുമെന്നും അറിയിച്ചിട്ടുണ്ട്. ലൈവ് വീഡിയോയിൽ തന്നെ 10 ലക്ഷം കാഴ്ചക്കാരെ നേടിയിരുന്നു.

ബിഎ മർട്ടിമീഡിയ മൂന്നാം വർഷ വിദ്യാർഥിയാണ് അർജുൻ. ലോക്ക് ഡൗണിനെ തുടർന്നാണ് റിയാക്ഷൻ വീഡിയോയുമായി എത്തുന്നത്. ടിക് ടേക്ക് വീഡിയോകളെയാണ് റോസ്റ്റിങ്ങിനായി അർജുൻ തിരഞ്ഞെടുത്തത്. സുഹൃത്തുക്കളാണ് ഇതിനായി വിഡിയോകൾ അയച്ചു നൽകിയത്. നിമിഷ നേരം കൊണ്ട് തന്നെ വീഡിയോ സോഷ്യൽ മീഡിയയിൽ തരംഗമാകുകയായിരുന്നു. അതിനൊപ്പം തന്നെ അർജുന്റെ ചില ഡയലോഗുകൾ പ്രേക്ഷകർ ഏറ്റെടുത്ത് ആഘോഷമാക്കുകയായിരുന്നു. വിട്ട് കളയണം, സീരിയസ് ആയി ചെയ്തതാണെങ്കിലും കോമഡി ആയിട്ടുണ്ട്... എന്നിവ സോഷ്യൽ മീഡിയയിൽ ഹിറ്റായിട്ടുണ്ട്.

Recommended Video

അർജുന്റെ ടിക് ടോക് റോസ്റ്റിംഗിനെ പറ്റി ജനങ്ങൾ പറയുന്നു | FilmiBeat Malayalam

വീഡിയോ സോഷ്യൽ മീഡിയയിൽ ആഘോഷിക്കപ്പെടുമ്പോൾ ഒരു വശത്ത് വിമർശനങ്ങൾ ഉയരുകയായിരുന്നു.ദുർബല വിഭാഗങ്ങളെ ആക്ഷേപിക്കുന്നു എന്നതാണ് പ്രധാന വിമർശനം. എന്നാൽ തനിയ്ക്ക് ആരോടും വ്യക്തിപരമായ വിരോധമില്ലെന്നും തെറ്റുകൾ തിരുത്തി മുന്നോട്ടു പോകുമെന്നും അർജുൻ പലപ്പോഴായി തുറന്ന് പറഞ്ഞിട്ടുണ്ട്. അർജുനെതിരെ നിരവധി റിയാക്ഷൻ വീഡിയോകളും എത്തുന്നുണ്ട്.