'ദിവ്യക്ക് മറ്റൊരു ബന്ധം'; പ്രശ്നത്തിലേക്ക് മഹാലക്ഷ്മിയുടെ മുൻ കാമുകനും?; നാണംകെട്ട് തമിഴ് സീരിയൽ രം​ഗം

തമിഴ് ടെലിവിഷൻ രം​ഗത്ത് കഴിഞ്ഞ കുറേ നാളുകളായി തുടരുന്ന വിവാ​ദമാണ് സീരിയൽ താരങ്ങളായ അർണവും ​ദിവ്യ ശ്രീധറും തമ്മിലുള്ള പ്രശ്നം. അർണവ് തന്നെ വിവാഹം ചെയ്ത് ​ഗർഭിണിയായ ശേഷം ചതിച്ചെന്നാണ് ദിവ്യ ശ്രീധർ ഉന്നയിച്ച ആരോപണം. തന്നെ ഉപേക്ഷിച്ച അർണവ് മറ്റൊരു നടിക്കൊപ്പം ലിവിം​ഗ് ടു​ഗെദറിൽ ആണെന്നും ദിവ്യ പറഞ്ഞു. ​ഗാർഹിക പീഡനത്തിന് അർണവിന് മേൽ പൊലീസ് കേസും വന്നു.

എന്നാൽ ദിവ്യയുടെ ആരോപണങ്ങൾക്ക് വിരുദ്ധമായിരുന്നു അർണവിന്റെ വാദങ്ങൾ. ദിവ്യയെ ചതിക്കാൻ ഉദ്ദേശിച്ചിട്ടില്ല. ദിവ്യക്ക് ആദ്യ വിവാഹ ബന്ധത്തിൽ ഒരു മകളുണ്ട്. ഇക്കാര്യം തന്നിൽ നിന്ന് മറച്ച് വെച്ചെന്ന് അർണവ് പറഞ്ഞു. ആരോപണ പ്രത്യാരോപണങ്ങൾ ഇപ്പോഴും അവസാനിച്ചിട്ടില്ല. കഴിഞ്ഞ ദിവസമാണ് ദിവ്യ അർണവിനെ ​ഗുരുതരമായ ആരോപണങ്ങൾ ഉന്നയിച്ചത്.

അർണവിന് ഒന്നിൽക്കൂടുതൽ സ്ത്രീകളുമായി ബന്ധമുണ്ട്. ഇതിന് പുറമെ ട്രാൻസ്ജെൻഡറുമായും ഒരു ചെറുപ്പക്കാരനുമായും പ്രണയം നടിച്ച് വഞ്ചിച്ചു. ഇവരെയെല്ലാം പണത്തിന് വേണ്ടിയാണ് അർണവ് ഉപയോ​ഗിച്ചതെന്ന് ദിവ്യ തുറന്നടിച്ചു.

പിന്നാലെ ആരോപണം വലിയ തോതിൽ ചർച്ചയായി. തമിഴ് സീരിയൽ രം​ഗത്തെ മുൻനിര നായകൻമാരിൽ ഒരാളാണ് അർണവ്. കോൾ റെക്കോഡുകളും സ്ക്രീൻ ഷോട്ടുകളുമടങ്ങുന്ന തെളിവുകൾ നിരത്തിയാണ് ദിവ്യ ആരോപണം ഉന്നയിച്ചത്. അതിനാൽ തന്നെ നടന് നേരെ വ്യാപക വിമർശനങ്ങൾ വന്നു.

ഇപ്പോഴിതാ ദിവ്യയുടെ ആരോപണങ്ങൾ നിഷേധിച്ച് കൊണ്ട് രം​ഗത്ത് വന്നിരിക്കുകയാണ് അർണവ്. ദിവ്യയും ഈശ്വർ രഘുനാഥൻ എന്ന നടനും തമ്മിൽ ബന്ധമുണ്ടായിരുന്നെന്നും വിവാഹം കഴിഞ്ഞ ആദ്യ നാളുകളിൽ ഇതിന്റെ പേരിൽ ദിവ്യയുമായി അകൽച്ചയുണ്ടായിരുന്നെന്നും അർണവ് പറയുന്നു. വിവാഹം കഴിഞ്ഞ് 45 ദിവസം ഞങ്ങൾ സംസാരിക്കാഞ്ഞതിന് കാരണം ദിവ്യയും ഈശ്വറും തമ്മിൽ ബന്ധമുണ്ടായിരുന്നത് കൊണ്ടാണ്.

ഞാൻ ജയിലിൽ പോയ ദിവസം ഈശ്വറിനൊപ്പം അവൾ പാർട്ടി നടത്തി. ഇതിന് പുറമെ ഞാനുമായി ബന്ധമുണ്ടായിരുന്നപ്പോൾ അവൾ മുൻ ഭർത്താവുമായുള്ള ബന്ധം അവസാനിപ്പിച്ചിരുന്നില്ല. ഇത്രയും നാൾ ഇതേക്കുറിച്ച് പറയാതിരുന്നത് അവൾക്കൊരു ജീവിതമുള്ളത് കൊണ്ടും ഒരു മകൾ ഉള്ളതുകൊണ്ടുമാണെന്നും അർണവ് പറയുന്നു. ഞാൻ തിരിച്ചു വരില്ലെന്ന് മനസ്സിലായതോടെയാണ് തന്നെ പറ്റി അപവാദങ്ങൾ പറയുന്നതെന്നും അർണവ് ആരോപിച്ചു.

ഈശ്വറിന്റെ സാന്നിധ്യമാണ് അർണവിനും ദിവ്യക്കും ഇടയിൽ പ്രശ്നങ്ങളുണ്ടാക്കിയതെന്ന് നേരത്തെയും വാദമുണ്ടായിരുന്നു. മുമ്പും ഈശ്വർ രഘുനാഥ് ഇത്തരം വിവാദങ്ങളിൽ അകപ്പെട്ടിട്ടുണ്ട്. സീരിയൽ നടി മഹാലക്ഷ്മിയുമായി ചേർത്ത് ഈശ്വറിന്റെ പേര് ​ഗോസിപ്പ് കോളങ്ങളിൽ വന്നിരുന്നു. ഈശ്വറിന്റെ ഭാര്യ ജയശ്രീ ഉന്നയിച്ച ആരോപണമായിരുന്നു ഇതിന് കാരണമായത്. മഹാലക്ഷ്മി തന്റെ ഭർത്താവിനെ സ്വന്തമാക്കാൻ ശ്രമിക്കുന്നെന്ന് ജയശ്രീ പരസ്യ പ്രസ്താവന നടത്തി.

എന്നാൽ ആരോപണം നിഷേധിച്ച് കൊണ്ട മഹാലക്ഷ്മി രം​ഗത്ത് വന്നു. തന്റെ പേര് മോശമാക്കാനുള്ള ശ്രമമാണിതെന്ന് മഹാലക്ഷ്മി പറഞ്ഞു. പിന്നീട് ഈ വിവാ​ദം കെട്ടടങ്ങി. മഹാലക്ഷ്മി നിർമാതാവ് രവീന്ദർ ചന്ദ്രശേഖറിനെ വിവാഹം ചെയ്തു. ആരോപണ പ്രത്യാരോപണങ്ങളിലൂടെ തമിഴ് ടെലിവിഷൻ രം​ഗത്തെ അറിയാക്കഥകൾ ഓരോന്നായി പുറത്ത് വന്ന് കൊണ്ടിരിക്കുകയാണ്.

അർണവ്-ദിവ്യ പ്രശ്നത്തിന് പുറമെ സീരിയൽ താരങ്ങളായ വിഷ്ണുകാന്തും സംയുക്തയും തമ്മിലുള്ള പ്രശ്നമാണ് തമിഴ് ടെലിവിഷൻ രം​ഗത്തെ പുതിയ വിവാദം. പതിനഞ്ച് ദിവസം മാത്രം നീണ്ടു നിന്ന വിവാഹജീവിതത്തിന് ശേഷം അകന്ന ഇരുവരും പരസ്പരം ​ഗുരുതര ആരോപണങ്ങളാണ് ഉന്നയിക്കുന്നത്. സംയുക്തയ്ക്ക് മറ്റൊരു ബന്ധം ഉണ്ടായിരുന്നെന്നാണ് വിഷ്ണുകാന്ത് പറയുന്നത്. എന്നാൽ വിഷ്ണുകാന്ത് തന്നെ ലെെം​ഗികമായി ഉപദ്രവിച്ചെന്ന് സംയുക്ത പറയുന്നു.