അച്ഛനെ ഒന്ന് പോയി കണ്ടോളൂ! ജീവിതത്തില്‍ ഏറ്റവും ഭയം അനുഭവിച്ച ദിനം! ആര്യയുടെ പോസ്റ്റ് വൈറല്‍!

വ്യക്തി ജീവിതത്തിലെ കാര്യങ്ങളെക്കുറിച്ച് വാചാലയായും ആര്യ എത്താറുണ്ട്. അത്തരത്തില്‍ പങ്കുവെക്കുന്ന പോസ്റ്റുകളെല്ലാം നിമിഷനേരം കൊണ്ടാണ് തരംഗമായി മാറുന്നത്. വ്യക്തി ജീവിതത്തില്‍ നേരിടേണ്ടി പ്രതിസന്ധികളിലെല്ലാം തുണയായി അച്ഛനൊപ്പമുണ്ടായിരുന്നു മുന്‍പ്. എന്നാല്‍ അപ്രതീക്ഷിതമായി അദ്ദേഹം യാത്രയായപ്പോള്‍ താനെങ്ങനെ അതിജീവനം നടത്തിയെന്ന് വ്യക്തമാക്കുന്ന കുറിപ്പായിരുന്നു താരം കഴിഞ്ഞ ദിവസം പോസ്റ്റ് ചെയ്തത്. ഒരുവര്‍ഷമായെങ്കിലും ഇന്നും താന്‍ ആ അസാന്നിധ്യം അറിയുന്നുണ്ടെന്നും താരം കുറിച്ചിട്ടുണ്ട്.

ജീവിതത്തിലെ ഏറ്റവും വലിയ ഭയത്തെ അതിജീവിച്ച ദിവസമായിരുന്നു അത്. കഴിഞ്ഞ വര്‍ഷം തേ ദിവസമായിരുന്നു അച്ഛനെ എന്നന്നേക്കുമായി നഷ്ടമായത്. ഇതേ സമയത്താണ് ഒരു നഴ്‌സ് തനിക്കരികിലേക്കെത്തി അച്ഛനെ അവസാനമായി കാണുന്നതിനെക്കുറിച്ച് പറഞ്ഞത്. അച്ഛനെ അവസാനമായി ഒന്ന് പോയി കണ്ടോളൂയെന്നായിരുന്നു പറഞ്ഞത്. അവസാനത്തെ കൂടിക്കാഴ്ചയെക്കുറിച്ച് വികാരഭരിതമായ കുറിപ്പാണ് ആര്യ പോസ്റ്റ് ചെയ്തിട്ടുള്ളത്.

കണ്ണുകളടച്ച്, വായ തുറന്ന് അനക്കമറ്റ് കിടക്കുന്ന അച്ഛനെയാണ് താന്‍ അവിടെ കണ്ടത്. സകല ധൈര്യവുമെടുത്താണ് അന്ന് അച്ഛനെ വിളിച്ചത്. അച്ഛനെ ഉണര്‍ത്തി ജീവിതത്തിലേക്ക് തിരികെക്കൊണ്ടുവരാനായിരുന്നു ആഗ്രഹിച്ചത്. അച്ഛനെ പറഞ്ഞയക്കാന്‍ താനൊരുക്കമായിരുന്നില്ലെന്നും ആര്യ കുറിച്ചിട്ടുണ്ട്. അന്നത്തെ ദിവസം തനിക്ക് സംഭവിക്കുന്നതിനെ അഭിമുഖീകരിക്കാന്‍ തയ്യാറായിരുന്നില്ല. വിധിയെ തടുക്കാനാവില്ലല്ലോ, അച്ഛന്‍ പോയി, അതോടെ കാലിനടിയിലെ മണ്ണും പൂര്‍ണ്ണമായും ഒലിച്ച് പോയി.

ജീവിതത്തില്‍ ഓരോ നിമിഷവും താന്‍ അച്ഛനെ മിസ്സ് ചെയ്യുന്നുണ്ട്. കഴിഞ്ഞ വര്‍ഷത്തെ ഈ ദിവസത്തില്‍ നിന്ന് വീണ്ടും കാലുകള്‍ നിലത്തുറപ്പിക്കാന്‍ സഹായിച്ചതിന് നന്ദി. ഏത് വി,മഘട്ടങ്ങളിലും എന്‍രെ കൈപിടിച്ച് സഹായിച്ചതിന് നന്ദി. എനിക്ക് താങ്ങായി, അദൃശ്യമായി നിലകൊള്ളുന്നതിന് നന്ദി. എല്ലാത്തിനുമുപരിയായി ലോകത്തെ ഏറ്റവും മികച്ച അച്ഛനായതിന് നന്ദിയെന്നും ആര്യ കുറിച്ചിട്ടുണ്ട്.

ജീവിതത്തില്‍ തനിക്കേറെ പ്രിയപ്പെട്ടയാളാണ് അച്ഛനെന്ന് നേരത്തെയും താരം പറഞ്ഞിരുന്നു. തീരുമാനമെടുക്കാന്‍ കഴിയാതെ വന്നപ്പോഴും പ്രതിസന്ധി ഘട്ടങ്ങളിലുമെല്ലാം അച്ഛന്‍ ശക്തമായ പിന്തുണയായിരുന്നു നല്‍കിയത്. അദ്ദേഹത്തിന്റെ അഭാവം സൃഷ്ടിച്ച ശൂന്യതയില്‍ നിന്നും ഇന്നും കരകയറാനായിട്ടില്ലെന്ന് താരം പറയുന്നു.

ആര്യയുടെ മകളായ അറോയയെ എല്ലാവര്‍ക്കും അറിയാവുന്നതാണ്. മകളുടെ വിശേഷത്തെക്കുറിച്ച് വാചാലയായും താരമെത്താറുണ്ട്. സ്വന്തമായി ബോട്ടീക്ക് തുടങ്ങിയപ്പോള്‍ മകളുടെ പേരായിരുന്നു ആര്യ നല്‍കിയത്. സിംഗിള്‍ പേരന്റാണ് താനെന്നും ആര്യ പറഞ്ഞിരുന്നു. മകളുടെ കാര്യങ്ങള്‍ക്കാണ് ഇനി പ്രാധാന്യമെന്നും ആര്യ വ്യക്തമാക്കിയിരുന്നു.