കമല്‍ സാറിനെ ഏടാ എന്ന് വിളിക്കാന്‍ മടി തോന്നി, അന്ന് സംഭവിച്ചത് വെളിപ്പെടുത്തി ആശാ ശരത്ത്‌

ഉലകനായകന്‍ കമല്‍ ഹാസന്‍ നായകവേഷത്തില്‍ എത്തിയ ചിത്രം തിയ്യേറ്ററുകളില്‍ വിജയം നേടിയിരുന്നു. ജീത്തു ജോസഫ് തന്നെയാണ് സിനിമ തമിഴിലും ഒരുക്കിയത്. പാപനാശത്തില്‍ കമല്‍ഹാസനൊപ്പം അഭിനയിച്ച അനുഭവം ഒരഭിമുഖത്തില്‍ ആശാ ശരത്ത് പങ്കുവെച്ചിരുന്നു. പാപനാശം എന്ന സിനിമ കമല്‍ സാറിനൊപ്പം ചെയ്യണമെന്ന് പറഞ്ഞപ്പോള്‍ തന്നെ ഞാന്‍ വിറയ്ക്കാന്‍ തുടങ്ങിയതാണ്, നടി പറയുന്നു.

അതിന്റെ കൂടെ ഒരു സീനില്‍ ഞാന്‍ അദ്ദേഹത്തെ എടാ എന്ന് വിളിച്ച് ചോദ്യം ചെയ്യുകയും വേണം. അത് കേട്ടപ്പോള്‍ ഞാന്‍ ആകെ വിയര്‍ക്കാന്‍ തുടങ്ങി. ഒരു തരത്തിലും എനിക്കതിന് കഴിയില്ലെന്ന് പറഞ്ഞപ്പോള്‍ കമല്‍ സാര്‍ തന്നെ തിരുത്തി. ഇപ്പോള്‍ നിങ്ങള്‍ പോലീസ് ഓഫീസര്‍ ഞാന്‍ കുറ്റം ഒളിപ്പിക്കാന്‍ ശ്രമിക്കുന്നയാള്‍.

ധൈര്യമായി വളരെ ആത്മാര്‍ത്ഥമായി ഡാ എന്ന വിളിയോടെ തന്നെ ആ സീന്‍ ചെയ്യാന്‍ പറഞ്ഞു. എന്റെ മുന്നില്‍ മറ്റൊരാളാണ് നില്‍ക്കുന്നതെന്ന തോന്നലോടെ ഞാന്‍ അത് ചെയ്തു തീര്‍ത്തു. ഒരു ടിവി ചാനലിന് നല്‍കിയ അഭിമുഖത്തില്‍ ആശാ ശരത്ത് പറഞ്ഞു. പാപനാശത്തിന് പിന്നാലെ കമല്‍ഹാസന്റെ തന്നെ തൂങ്കാവനം എന്ന ചിത്രത്തിലും ആശാ ശരത്ത് അഭിനയിച്ചിരുന്നു.

തൂങ്കാവനത്തില്‍ ഡോ സുജാത എന്ന കഥാപാത്രത്തെയാണ് നടി അവതരിപ്പിച്ചത്. തൃഷയാണ് ചിത്രത്തിലെ നായിക. വിവിധ ഭാഷകളിലായി ഇരുപത്തഞ്ചിലധികം സിനിമകളില്‍ അഭിനയിച്ച താരമാണ് ആശാ ശരത്ത്. നായികയായും സഹനടിയായും എല്ലാമാണ് ആശാ ശരത്ത് ഇന്‍ഡസ്ട്രിയില്‍ തിളങ്ങിയത്.

Recommended Video

2020ൽ ഏറ്റവും ഉയര്‍ന്ന പ്രതിഫലം വാങ്ങിയ മലയാള സിനിമയിലെ പ്രധാനതാരങ്ങൾ

ഫ്രൈഡേയാണ് ആശാ ശരത് അഭിനയിച്ച ആദ്യ മലയാള ചിത്രം. ഫഹദ് ഫാസിലായിരുന്നു ചിത്രത്തിലെ നായകന്‍. പിന്നാലെ മോഹന്‍ലാലിന്റെ കര്‍മ്മയോദ്ധയിലും പ്രധാന വേഷത്തില്‍ നടി അഭിനയിച്ചു. പിന്നാലെ മമ്മൂട്ടിയുടെ നായികയായി എത്തിയ വര്‍ഷം എന്ന ചിത്രത്തിലെ പ്രകടനവും ആശാ ശരത്തിന്‌റെതായി ഏറെ ശ്രദ്ധിക്കപ്പെട്ടു. മലയാളത്തില്‍ ദൃശ്യം 2വാണ് നടിയുടെ എറ്റവും പുതിയ ചിത്രം. ഏഴ് വര്‍ഷത്തിന് ശേഷമാണ് ഐജി ഗീതാ പ്രഭാകറായി ആശാ ശരത്ത് വീണ്ടും എത്തുന്നത്.