ഞാന്‍ ചെയ്ത മോശം സിനിമകളാണ് എന്റെ നല്ല സിനിമകള്‍ പരാജയപ്പെടാന്‍ കാരണം; ആസിഫ് അലി

ചോദ്യം ഇപ്രകാരം

ജയസൂര്യയ പോലെ ടോറന്റ് സൂപ്പര്‍സ്റ്റാറാണ് ആസിഫ് അലിയും. കിളിപോയി, കാറ്റ്, നിര്‍ണായകം പോലുള്ള സിനിമകള്‍ തിയേറ്ററില്‍ പരാജയപ്പെടുകയും ടോറന്റില്‍ വന്‍ വിജയമാവുകയും ചെയ്തു. എന്താവും ഇതിന് കാരണം എന്നായിരുന്നു ചോദ്യം.

വളരെ സിംപിള്‍

അതിന്റെ ഉത്തരം വളരെ സിംപിള്‍.. ഞാന്‍ ചെയ്ത 'മോശം സിനിമകള്‍'- ആസിഫ് അലി പറഞ്ഞു. തുടര്‍ച്ചയായി മോശം സിനിമകള്‍ ചെയ്തപ്പോള്‍ പ്രേക്ഷകര്‍ക്ക് എന്നിലുള്ള വിശ്വാസം നഷ്ടപ്പെട്ടു.

എണ്ണം കൂട്ടി

ഒരു വര്‍ഷം പതിനൊന്ന് സിനിമകളൊക്കെ റിലീസ് ചെയ്തിട്ടുണ്ടായിരുന്നു. അപ്പോഴൊക്കെ സിനിമകളുടെ എണ്ണം കൂട്ടുന്നതിലായിരുന്നു ശ്രദ്ധ. ചുരുങ്ങിയ വര്‍ഷത്തിനുള്ളില്‍ ഇത്രയും സിനിമകള്‍ ചെയ്തു എന്നത് കാര്യം തന്നെയാണ്.

കഥ കേള്‍ക്കാതെ

വലിയ വലിയ സംവിധായകര്‍ വിളിക്കുമ്പോള്‍ കഥ പോലും കേള്‍ക്കാതെ ഓകെ പറയുമായിരുന്നു. എന്നാല്‍ അതിന്റെയൊക്കെ ആഫ്ടര്‍ എഫക്ട് അനുഭവിയ്ക്കുന്നത് ഞാന്‍ മാത്രമാണെന്ന് തിരിച്ചറിഞ്ഞപ്പോള്‍ സെലക്ടീവായി.

പരാജയങ്ങള്‍ വരുമ്പോള്‍

ഒരുപാട് കഷ്ടപ്പെട്ട് ചെയ്ത സിനിമയാണ് ഹായ് അയാം ടോണി.. വളരെ റിയലിസ്റ്റിക്കായി ഷൂട്ട് ചെയ്ത ചിത്രമാണ്. മൂന്നര ദിവസം മാത്രമാണ് ആ ചിത്രം തിയേറ്ററില്‍ ഓടിയത്. അത് വലിയ വിഷമമായിരുന്നു. മോസയിലെ കുതിര മീനുകള്‍ എന്ന ചിത്രത്തിന്റെ പരാജയവും വേദനിപ്പിച്ചു- ആസിഫ് അലി പറഞ്ഞു.