അന്ന് വരെ സുരേഷ് ഗോപി എനിക്കൊരു നടന്‍ മാത്രമായിരുന്നു! തുറന്നുപറഞ്ഞ് ആസിഫ് അലി

ആ ഒരു സംഭവത്തിന് സാക്ഷിയാവുന്നത് വരെ സുരേഷ് ഗോപി തനിക്കൊരു നടന്‍ മാത്രം ആയിരുന്നുവെന്ന് ആസിഫ് അലി പറയുന്നു, എന്നാല്‍ ആ സംഭവത്തിന് ശേഷം സുരേഷ് ഗോപിയെന്ന വ്യക്തിയോട് ആരാധന തോന്നിയെന്നും നടന്‍ പറയുന്നു. ഒരിക്കല്‍ ഇടപ്പളളി ട്രാഫിക്ക് ജംഗ്ഷനില്‍ നില്‍ക്കുമ്പോള്‍ ഒരു ബസ് ട്രാഫിക്ക് സിഗ്നല്‍ തെറ്റിച്ചു കയറിവന്നു, ആ സമയത്ത് ആണ് സുരേഷ് ഗോപി അവിടെ എത്തിയത്.

ബസ് ട്രാഫിക്ക് സിഗ്നല്‍ തെറ്റിക്കുന്നത് കണ്ട നടന്‍ ഉടനെ തന്നെ തന്റെ വണ്ടി നിര്‍ത്തി പുറത്തേക്ക് ഇറങ്ങി ചെല്ലുകയും ആ ബസ് ഡ്രൈവറെ വിളിച്ചു പുറത്തു ഇറക്കി വഴക്കു പറഞ്ഞ് ഉപദേശിക്കുകയും ചെയ്തും, ഇനി മേലാല്‍ അങ്ങനെ ചെയ്യരുതെന്ന് പറഞ്ഞിട്ടാണ് അദ്ദേഹം അവരെ ബസ് എടുത്തുപോകാന്‍ അനുവദിച്ചത്. ആസിഫ് അലി പറഞ്ഞു.

ഒരു നടന്നെതിലുപരി എംപിയായും സാമൂഹിക പ്രവര്‍ത്തകന്‍ എന്ന നിലയിലും ജനങ്ങളുടെ ഇഷ്ടം നേടിയെടുത്ത ആളാണ് സുരേഷ് ഗോപി. മുന്‍പ് ഒട്ടേറെ ചാരിറ്റി പ്രവര്‍ത്തനങ്ങള്‍ അദ്ദേഹം പലപ്പോഴായി ചെയ്തിരുന്നു. അടുത്തിടെയാണ് നടന്‍ സിനിമാ രംഗത്തേക്കും തിരിച്ചെത്തിയിരുന്നത്. അനൂപ് സത്യന്‍ സംവിധാനം ചെയ്യുന്ന എറ്റവും പുതിയ ചിത്രത്തിലൂടെയാണ് സുരേഷ് ഗോപി വീണ്ടും എത്തുന്നത്.

അനൂപ് സത്യന്‍ ചിത്രത്തില്‍ ദുല്‍ഖര്‍ സല്‍മാനൊപ്പം നടന്‍ എത്തുന്നു. ശോഭന, ഉര്‍വ്വശി ,കല്യാണി പ്രിയദര്‍ശന്‍ തുടങ്ങിയവരാണ് മറ്റു താരങ്ങള്‍. അനൂപ് സത്യന്‍ ചിത്രത്തിന് പുറമെ നിതിന്‍ രണ്‍ജി പണിക്കര്‍ സംവിധാനം ചെയ്യുന്ന പുതിയ ചിത്രത്തിലും സുരേഷ് ഗോപിയാണ് നായകന്‍. മലയാളത്തിന് പുറമെ തമിഴിലും അടുത്തിടെ സുരേഷ് ഗോപി അഭിനയിച്ചിരുന്നു.