ആങ്ങള കെട്ടിയ ക്രിസ്ത്യാനി പെങ്കൊച്ചിനായി പെസഹ അപ്പം! അമ്മയെക്കുറിച്ച് പറഞ്ഞ് അശ്വതി ശ്രീകാന്ത്!

അമ്മ അന്ന് കരഞ്ഞു

എന്റെ ആങ്ങള ഒരു ക്രിസ്ത്യാനി പെങ്കൊച്ചിനെ കെട്ടണമെന്ന് പറഞ്ഞപ്പോൾ അന്ന് ഹൃദയം തകർന്ന് കരഞ്ഞ അമ്മ ഇന്നലെ എന്നെ ഫോൺ ചെയ്ത് പറയുന്നു ‘നാളെ പെസഹാ അല്ലേടി, അനറ്റിന് അവളുടെ വീട്ടിൽ പോവാൻ പറ്റൂല്ലല്ലോ, അവളുടെ അമ്മയോട് ചോദിച്ച് ഞാൻ പെസഹാപ്പം ഉണ്ടാക്കാൻ പോവ്വാ'ന്ന് അങ്ങനെ ഉണ്ടാക്കിയ അപ്പമാണ് ഇതെന്ന് പറഞ്ഞായിരുന്നു അശ്വതി എത്തിയത്. അമ്മയുണ്ടാക്കിയ പെസഹ അപ്പത്തിന്‍റെ ചിത്രവും പോസ്റ്റ് ചെയ്തിട്ടുണ്ട്.

അറിയാത്ത ആളൊന്നുമല്ലല്ലോ

പിന്നല്ല. യേശു നമുക്ക് അറിയാത്ത ആളൊന്നുമല്ലല്ലോ,
ജാതിയ്ക്കും മതത്തിനും അപ്പുറം നില നിൽക്കേണ്ടത് മനുഷ്യ സ്നേഹമാണെന്ന് വീണ്ടും വീണ്ടും തിരിച്ചറിയുന്ന ഈ കൊറോണക്കാലത്ത് സ്നേഹത്തോടെ പെസഹാ ആശംസകൾ. ഇതായിരുന്നു അശ്വതിയുടെ കുറിപ്പ്. നിമിഷനേരം കൊണ്ടാണ് ഈ കുറിപ്പും ചിത്രവും ശ്രദ്ധിക്കപ്പെട്ടത്. ശില്‍പബാല , അപര്‍ണ ബാലമുരളി, ജോത്സന തുടങ്ങിയവരും പോസ്റ്റിന് കീഴില്‍ കമന്‍റുകളുമായി എത്തിയിരുന്നു.

ആങ്ങളയുടെ കല്യാണം നടന്നോ?

സഹോദരന്റെ കല്യാണം നടക്കുമോയെന്നുള്ള ചോദ്യവുമായാണ് ഒരാളെത്തിയത്. അവരുടെ വിവാഹം നടന്ന് കൊച്ചിന് 2 വയസ്സായെന്ന മറുപടിയാണ് അശ്വതി നല്‍കിയത്. അപ്പം കഴിച്ച് നോക്കിയോയെന്നായിരുന്നു മറ്റൊരാള്‍ക്ക് അറിയേണ്ടിയിരുന്നത്, ഞാന്‍ അവിടയെല്ലെന്ന മറുപടിയാണ് ആ ചോദ്യത്തിന് ലഭിച്ചത്. എന്തായാലും ഇത് പൊളിച്ചുവെന്നുള്ള കമന്റുകളുമുണ്ട്.

ബോധോദയം ഉണ്ടായാലോ?

ഇതൊക്കെ എന്തിനാണ് ഞങ്ങളോട് പറയുന്നതെന്നായിരുന്നു മറ്റൊരാളുടെ ചോദ്യം. ഇതൊക്കെ കേട്ട് ആര്‍ക്കെങ്കിലും ബോധോദയം ഉണ്ടായാലോ എന്ന മറുപടിയായിരുന്നു അശ്വതി നല്‍കിയത്. നിരരവധി പേരായിരുന്നു ചോദ്യത്തിന് മറുപടി നല്‍കിയത്. തമാശയായാണ് താന്‍ ഈ കമന്റ് ഇട്ടതെന്ന് പറഞ്ഞപ്പോള്‍ തമാശ പറയാം, പക്ഷേ ഒരു കാര്യം പറയുമ്പോള്‍ അതിന്റെ ഔചിത്യം മനസ്സിലാക്കി വേണം പ്രതികരിക്കാനെന്ന മറുപടിയായിരുന്നു ചിലര്‍ നല്‍കിയത്.