തന്റെ പഴയ സിനിമകള്‍ മക്കളെ കാണിക്കരുതെന്ന് ഭാര്യ വിലക്കി, ഇനി അത്തരം ചിത്രങ്ങള്‍ വേണ്ടെന്ന് പറഞ്ഞു

ബാബു ആന്റണിയുടേത് പ്രണയ വിവാഹമായിരുന്നു. വിദേശ വനിതയായ ഇവ്ജിനിയയെയാണ് വിവാഹം കഴിച്ചിരിക്കുന്നത്. ഏറെ കാലം പിന്നാലെ നടന്നതിന് ശേഷമാണ് ഇവ്ജിയ പ്രണയം സ്വീകരിച്ചത്. ഇവര്‍ക്ക് രണ്ട് ആണ്‍മക്കളാണ്. പിതാവിനെ പോലെ തന്നെ ആയോധനകല രംഗത്ത് സജീവമാണ് ഇരുവരും. ഒരാള്‍ക്ക് 17 ഉം മറ്റൊരാള്‍ക്ക് 12 ഉം വയസാണ് പ്രായം. മൂത്തമകന്‍ അച്ഛന്റെ ചിത്രമായ ഇടുക്കി ഗോള്‍ഡില്‍ അഭിനയിച്ചിട്ടുണ്ട്.

അഭിനയവുമായി ഭാര്യ ഇവ്ജിയയ്ക്ക് യാതൊരു ബന്ധവുമില്ല. എന്നാല്‍ ബാബു ആന്റണിയ്ക്ക് പൂര്‍ണ്ണ പിന്തുണയുമായി കൂടെയുണ്ട്. സംഗീതത്തിനോടാണ് ഇവ്ജിയയ്ക്ക് കമ്പം. സിനിമയുമായി വലിയ അടുപ്പമില്ലെങ്കിലും ഭര്‍ത്താവിന്റെ മിക്ക ചിത്രങ്ങളും ഇവര്‍ കാണാറുണ്ട്.

ഇപ്പോഴിത തന്റെ ആക്ഷന്‍ ചിത്രങ്ങളോടുള്ള ഭാര്യയുടെ പ്രതികരണത്തെ കുറിച്ച് വ്യക്തമാക്കുകയാണ് നടന്‍. ഫ്‌ളവേഴ്‌സ് ഒരു കോടിയില്‍ അതിഥിയായി എത്തിയപ്പോഴാണ് ഇക്കാര്യം വെളിപ്പെടുത്തിയത്.

'തന്റെ ഒട്ടുമിക്ക സിനിമകളും ഭാര്യ കണ്ടിട്ടുണ്ട്. എന്നാല്‍ തന്റെ ആക്ഷന്‍ സിനമകള്‍ മക്കളെ കാണിക്കേണ്ട എന്നാണ് പറയുന്നത്. കൂടാതെ സാഹസിക രംങ്ങള്‍ ചെയ്യുന്നത് കുറയ്ക്കാനും പറഞ്ഞു. സുരക്ഷയെ പരിഗണിച്ചാണ് ഇങ്ങനെ പറഞ്ഞത്'; ബാബു ആന്റണി പറഞ്ഞു.

വാക്കുകള്‍ ഇങ്ങനെ... 'വൈശാലി, ചന്ത, കടല്‍ , ഇടുക്കി ഗോള്‍ഡ് തുടങ്ങിയ ചിത്രങ്ങളൊക്കെ കണ്ടിട്ടുണ്ട്. ആക്ഷന്‍ സിനിമക അധികം മക്കളെ കാണിക്കേണ്ട എന്നാണ് പുള്ളിക്കാരി പറയുന്നത്. സാഹസികതയോട് ഭാര്യയ്ക്ക് അത്ര താല്‍പര്യമില്ല. ഇത് എന്നോട് സൂചിപ്പിച്ചിട്ടുമുണ്ട്'.

വിവാഹം കഴിഞ്ഞ് കുട്ടികളായ സ്ഥിതിയ്ക്ക് ഇനി അല്‍പം സൂക്ഷിച്ചൊക്കെ ഇത്തരം രംഗങ്ങള്‍ കൈകാര്യം ചെയ്യണമെന്നാണ് പറഞ്ഞത്. സാഹസിക അപകടങ്ങളുണ്ടാക്കുന്നത് കൊണ്ടാണ്; സാഹസിക രംഗങ്ങളെ കുറിച്ചുളള ഭാര്യയുടെ നിലപാട് വ്യക്തമാക്കി കൊണ്ട് നടന്‍ പറഞ്ഞു.

Recommended Video

പവർ സ്റ്റാറിന്റെ ലോഞ്ചിൽ ആടിതിമിർക്കുന്ന ഒമർ ലുലുവും ടീമും

കൊവിഡ് പ്രതിസന്ധിയ്ക്ക് ശേഷം നടന്‍ സിനിമയില്‍ സജീവമായിട്ടുണ്ട്. ഒമര്‍ ലുലു സംവിധാനം ചെയ്യുന്ന പവര്‍സ്റ്റാറാണ് ഏറ്റവും പുതിയ ചിത്രം. അന്തരിച്ച തിരക്കഥാകൃത്ത് ഡെന്നീസ് ജോസഫിന്റേതാണ് തിരക്കഥ. ഇദ്ദേഹത്തിന്റെ അവസാന തിരക്കഥ കൂടിയാണിത്. ഏകദേശം10 വര്‍ഷങ്ങള്‍ക്ക് ശേഷമാണ് ബാബു ആന്റണി മലയാള സിനിമയില്‍ നായകനായി അഭിനയിക്കുന്നത്. നടന്റെ മുഴുനീള ആക്ഷന്‍ ചിത്രമായിരിക്കും പവര്‍ സ്റ്റാര്‍. പ്രഖ്യാപനം മുതല്‍
ചിത്രത്തിനായി ആക്ഷയോടെ കാത്തിരിക്കുകയാണ് പ്രേക്ഷകര്‍.