'ചൊവ്വഴ്ച ഒഴികെ ഏത് ദിവസം പ്രസവിച്ചാലും കുഴപ്പമില്ല, ഡേറ്റും ശകുനവുമൊക്കെ നോക്കുന്നയാളാണ് ഞാന്‍'; മഷൂറ പറഞ്ഞത്

എന്നിട്ടും കുഞ്ഞുങ്ങൾ ഉണ്ടാകാത്തതിന്റെ വിഷമത്തിലായിരുന്നു മഷൂറ. കാത്തിരുന്ന ​വരുന്ന കൺമണിയായതിനാൽ താൻ വലിയ ത്രില്ലിലാണെന്ന് വീഡിയോകളിൽ ഇടയ്ക്കിടെ മഷൂറ പറയാറുണ്ട്. കഴിഞ്ഞ ദിവസം കുഞ്ഞിന് വേണ്ട അത്യാവശ്യ സാ​ധനങ്ങൾ വാങ്ങുന്നതിനായി ​ഗംഭീര ഷോപ്പിങ് മഷൂറ നടത്തിയിരുന്നു. അതിന്റെ വീഡിയോയും വൈറലായിരുന്നു.

മഷൂറയെക്കാൾ ആവേശത്തോടെയാണ് സുഹാന കുഞ്ഞിന് വേണ്ട കാര്യങ്ങൾ‌ ഒരുക്കുന്നത്. ഇപ്പോഴിത ഡെലിവറി ഡേറ്റ് ഫിക്സ് ചെയ്തതിന്റെ വിശേഷങ്ങൾ പങ്കുവെച്ച് എത്തിയിരിക്കുകയാണ് മഷൂറ.

സ്വന്തം യുട്യൂബ് ചാനലിലൂടെയാണ് ലാസ്റ്റ് മിനിറ്റ് ഷോഷിപ്പിങിന് പോയതിന്റെ വിശേഷവും ഡെലിവറി ഡേറ്റ് സംബന്ധിച്ച കാര്യങ്ങളും മഷൂറ വെളിപ്പെടുത്തിയത്. 'ഷോപ്പിങൊക്കെ ഇതോടെ നിര്‍ത്തി. പര്‍ച്ചേസിംഗിന് വരില്ലെന്നെ പറഞ്ഞിട്ടുള്ളൂ.'

'കുറച്ച് സിനിമകളൊക്കെ കാണാനുണ്ട്. കുഞ്ഞിന്റെ മൂവ്‌മെന്‍സ് കൃത്യമായി നോക്കണം. ഒരു മണിക്കൂറില്‍ 10 മൂവ്‌മെന്‍സ് കിട്ടണം. അഞ്ചില്‍ കുറവാണെങ്കില്‍ ഉടനെ തന്നെ ആശുപത്രിയിലേക്ക് വരണം. പച്ചക്കറികളെല്ലാം നന്നായി കഴിക്കണം.'

'മാര്‍ച്ച് ഒന്നിന് ഉച്ചയ്ക്ക് ശേഷം അഡ്മിറ്റാവണമെന്നുമായിരുന്നു ഡോക്ടര്‍ പറഞ്ഞത്. തല തിരിഞ്ഞ് വന്നിട്ടുണ്ട്. ഇനി അത് മാറുമോയെന്ന ആശങ്കയുണ്ടായിരുന്നു. ഒന്നും പ്രശ്‌നമില്ല എല്ലാം ഓക്കെയാണെന്നായിരുന്നു ഡോക്ടര്‍ പറഞ്ഞത്. ഇനി ഒരു ചെക്കപ്പ് കൂടിയുണ്ട്.'

'ഒന്നാം തീയതി അഡ്മിറ്റാക്കിയാല്‍ അന്ന് വൈകിട്ട് ലേബര്‍ റൂമിലേക്ക് കൊണ്ടുപോയി മരുന്ന് സ്റ്റാര്‍ട്ട് ചെയ്യും. ചിലര്‍ക്ക് ഒരു ഡോസ് രണ്ട് ഡോസില്‍ തന്നെ നല്ല പെയ്ന്‍ വരും. പെയ്ന്‍ നല്ലതായി വരികയാണെങ്കില്‍ രാത്രിയിലോ അടുത്ത ദിവസമോ പ്രസവം. പെയ്ന്‍ ഒട്ടും ഇല്ലെങ്കില്‍ ഒരു ദിവസം കൂടി സമയം തരും.'

'അതിനടുത്ത ദിവസം മരുന്ന് വെക്കും. പിന്നെ ഡെലിവറി ചെയ്‌തെ പറ്റൂയെന്നായിരുന്നു ഡോക്ടര്‍ പറഞ്ഞത്. ചൊവ്വ ഒഴികെ ഏത് ദിവസം പ്രസവിച്ചാലും കുഴപ്പമില്ല. അങ്ങനെയൊരു കാര്യം മനസിലുണ്ടായിരുന്നു. ചൊവ്വാഴ്ച എനിക്ക് പ്രസവിക്കേണ്ട.'

'മാര്‍ച്ച് മതി അതുവരെ ബേബി ഇങ്ങനെ കിടന്നോളും. എന്നെ കണ്ടാല്‍ ഭയങ്കര ഫോര്‍വേഡാണെന്നൊക്കെ ആളുകള്‍ വിചാരിക്കും. ഡേറ്റും ശകുനവുമൊക്കെ നോക്കുന്നയാളാണ് ഞാന്‍. എനിക്കത് കുറച്ച് കൂടുതലാണ്. എനിക്ക് സി സെക്ഷന്റെ ആവശ്യമില്ല. നോര്‍മ്മലായിത്തന്നെ ഞാന്‍ പ്രസവിക്കും.'

മഷൂറ പറഞ്ഞ് നിർത്തിയതും നിന്റെ ആഗ്രഹം പോലെ നടക്കട്ടെ എന്നായിരുന്നു ബഷീര്‍ പറഞ്ഞത്. 'നമ്മുടെ വീട്ടില്‍ പിള്ളേരെല്ലാം എന്റെ മമ്മയെ മമ്മ എന്നാണ് വിളിക്കുന്നത്. അത് തന്നെ കുഞ്ഞും വിളിച്ചാല്‍ മതി. മഷൂമ്മി എന്നാണ് സൈഗു വിളിക്കാറുള്ളത്.'

'ഉമ്മയെ പേരെടുത്ത് വിളിക്കുന്ന ആദ്യത്തെ കുട്ടിയാവും അവന്‍. സുനുവും സൈഗുവും വിളിക്കുന്നത് പോലെ തന്നെ കുഞ്ഞതിഥിയും എല്ലാവരും എങ്ങനെയാണോ വിളിക്കുന്നത് അതേപോലെ തന്നെ മതി' മഷൂറ വീഡിയോയിൽ പറ‍ഞ്ഞു.