'സുഹൃത്ത്, മാനേജർ, വഴികാട്ടി, അമ്മ'; പെർഫെക്ട് അമ്മ-മകൻ കോമ്പോ, വൈറലായി ഷെയ്ന്റേയും ഉമ്മയുടേയും വീഡിയോ!

കശ്‍മീരി നടി ഷെയ്‍ലീ കൃഷനാണ് ബർമൂഡയിൽ ഷെയ്ൻ ​നി​ഗത്തിന്റെ നായികയായി എത്തുന്നത്. സന്തോഷ് ശിവന്‍റെ ജാക്ക് ആന്‍ഡ് ജില്‍, മോഹ എന്നീ ചിത്രങ്ങളിലും ഷെയ്ലീ അഭിനയിച്ചിട്ടുണ്ട്. ടി.കെ രാജീവ് കുമാറാണ് സിനിമ സംവിധാനം ചെയ്തിരിക്കുന്നത്.

സബ് ഇന്‍സ്പെക്ടര്‍ ജോഷ്വയുടെ അടുത്ത് ഇന്ദുഗോപന്‍ ഒരു പരാതിയുമായി എത്തുന്നതോടെയാണ് ചിത്രത്തിന്‍റെ കഥാവികാസം സംഭവിക്കുന്നത്. സബ് ഇൻസ്പെക്ടർ ജോഷ്വയായി വേഷമിടുന്നത് വിനയ് ഫോര്‍ട്ടാണ്.

ഹരീഷ് കണാരന്‍, സൈജു കുറുപ്പ്, സുധീര്‍ കരമന, മണിയന്‍പിള്ള രാജു, ഇന്ദ്രന്‍സ്, സാജന്‍ സുദര്‍ശന്‍, ദിനേശ് പണിക്കര്‍, കോട്ടയം നസീര്‍, ശ്രീകാന്ത് മുരളി, നന്ദു, നിരഞ്ജന അനൂപ്, ഗൗരി നന്ദ, നൂറിന്‍ ഷെറീഫ്, ഷൈനി സാറ എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.

കഴിവുകൊണ്ട് മാത്രം ‌സിനിമയിൽ മുൻനിര നായകന്മാരുടെ പട്ടികയിലേക്ക് ഉയർന്ന താരമാണ് ഷെയ്ൻ നി​ഗം. അച്ഛൻ അബിക്ക് സിനിമയിൽ നേടാനാവാത്തതെല്ലാം ഷെയ്ൻ ഇപ്പോൾ സ്വന്തമാക്കികൊണ്ടിരിക്കുകയാണ്.

അബിയുടെ മരണശേഷം ഷെയ്നിനൊപ്പം എപ്പോഴും തുണയായി, താങ്ങായി, വഴികാട്ടിയായി, മാനേജറായി എപ്പോഴും ഉമ്മ എപ്പോഴും കൂടെ കാണും.

തനിക്ക് മാനേജറൊന്നും ഇല്ലെന്നും എല്ലാ കാര്യങ്ങളും ഉമ്മയാണ് നോക്കുന്നതെന്നും പലപ്പോഴും ഷെയ്ൻ തന്നെ പറഞ്ഞിട്ടുണ്ട്. സിനിമയിൽ വിലക്ക് അടക്കമുള്ള പ്രതിസന്ധികൾ ഷെയ്ൻ നേരിട്ടപ്പോഴും ഉമ്മയായിരുന്നു ഷെയ്നിന്റെ ഏറ്റവും വലിയ സപ്പോർട്ട്.

മകന്റെ കഴിവിനെ വളർത്തി അബി ആ​ഗ്രഹിച്ചിടത്തെല്ലാം മകനെ എത്തിക്കാൻ ഷെയ്നിന്റെ ഉമ്മ ശ്രമിക്കുന്നുണ്ട്. ഷെയ്നും ഉമ്മയും തമ്മിൽ അമ്മ-മകൻ എന്നതിലുപരി ‌നല്ലൊരു സൗഹൃദമുണ്ടന്നത് എല്ലാവർക്കും അറിയാവുന്ന ഒന്നാണ്. ആ സൗഹൃദം തെളിയിക്കുന്ന ഒരു വീഡിയോയാണ് ഇപ്പോൾ സോഷ്യൽമീഡിയയിൽ വൈറലാകുന്നത്.

പൊതുപരിപാടിയിൽ ഉമ്മയ്ക്കൊപ്പം പങ്കെടുക്കാനെത്തിയ ഷെയ്ൻ എല്ലായിടത്തും ഉമ്മയേയും കൈയ്യിൽ പിടിച്ച് കൂട്ടികൊണ്ട് നടക്കുകയും കാര്യങ്ങൾ പറഞ്ഞ് കൊടുക്കുകയും സുഹൃത്തുക്കൾ പരിചയപ്പെടുത്തികൊടുക്കുകയും ചെയ്യുന്ന മനോഹരമായ ദൃശ്യങ്ങളാണ് വീഡിയോയിലുള്ളത്.

വീഡിയോ വൈറലായതോടെ എല്ലാവരും ഷെയ്ന്റേയും അമ്മയുടേതും ബോണ്ടിങ് പെർഫെക്ട് അമ്മ-മകൻ കോമ്പോയാണെന്നാണ് പറയുന്നത്. 2017ലാണ് അബി മരിച്ചത്. ചില ശാരീരിക ബുദ്ധിമുട്ടുകൾ കാരണം ആശുപത്രയിൽ ചികിത്സയിലിരിക്കെയായിരുന്നു മരണം. മരിക്കുമ്പോൾ അമ്പത്തിരണ്ട് വയസായിരുന്നു അബിയുടെ പ്രായം. ഷെയ്നിന് രണ്ട് സഹോദരിമാർ കൂടിയുണ്ട്.