അത് ഞെട്ടിപ്പിച്ചു!! ഹനാൻ ടിവിയിൽ പൊട്ടിക്കരഞ്ഞതിന്റെ കാരണം ഇത്, സൈബർ ആക്രമണത്തിനെ കുറിച്ച് താരം

ഹനാനെ കാണണം

ഹനാന് എതിരെ നടന്ന സൈബർ ആക്രമണം അറിഞ്ഞതിനെ തുടർന്നാണ് നേരിട്ട് കാണണമെന്നുളള ആഗ്രഹം ഉണ്ടായത്. സോഷ്യൽ മീഡിയയിൽ നിന്ന് വിട്ട് നിൽക്കുന്നതിനാൽ ചില സുഹൃത്തുക്കൾ അയച്ച വാട്സ് ആപ്പ് സന്ദേശത്തിലൂടെയണ് കാര്യങ്ങൾ അറിയാൻ സാധിച്ചത്. തുടർന്ന് വൈകുന്നേരും ടിവിയിൽ വാർത്ത കണ്ടപ്പോൾ കരഞ്ഞു കൊണ്ട് നിൽക്കുന്ന പെൺകുട്ടിയെയാണ് കണ്ടതെന്നും ഭാഗ്യലക്ഷ്മി പറഞ്ഞു.

ഞെട്ടിപ്പിച്ചു

ഹനാന്റെ പൊട്ടിക്കരച്ചിൽ എന്നെ ഞെട്ടിപ്പിച്ചു. സ്വന്തമായി ജോലി ചെയ്ത് ജീവിക്കുന്ന ഒരു കുട്ടിയെന്തിനാണ് ഇങ്ങനെ കരയുന്നതെന്ന് ഞാൻ ചിന്തിച്ചിരുന്നു. എന്നാൽ ആ ചിന്ത കൊണ്ടെത്തിച്ചത് അവൾ അനുഭവിച്ചതിന്റെ വേദനകളിലേയ്ക്കാണ്. അപ്പോൾ മുതൽ കുട്ടിയെ കാണണമെന്നുള്ള ആഗ്രഹം മാത്രമായിരുന്നു തന്റെ മനസിലെന്ന് ഭാഗ്യലക്ഷ്മി പറഞ്ഞു.

കൊച്ചിയിൽ എത്തി കണ്ടില്ല

അവളെ കാണണമെന്ന് കരുതി ശനിയാഴ്ച താൻ കൊച്ചിയിലെത്തിയിരുന്നു. അന്ന് അവളെ കാണുമെന്ന് വിചാരിച്ചതായിരുന്നു. എന്നാൽ കാണാൻ സാധിച്ചിരുന്നില്ല. എതോ ചാനലിന്റെ പരിപാടിയുണ്ടെന്ന് അറിയാൻ കഴിഞ്ഞു. ഞാൻ തിരുവനന്തപുരത്തേയ്ക്ക് പോകുകയും ചെയ്തു. അവളെ കാണാൻ കഴിഞ്ഞില്ലെങ്കിലും തനിയ്ക്ക് നൽകാനുള്ള ഒരു ഉപദേശം അറിയിച്ചിരുന്നു.

ഇനി കരയരുത്

ഒരു ചാനൽ മുഖേനെ തനിയ്ക്ക് പറയാനുള്ളത് അവളെ അറിയിച്ചത്. ഇനി ഒരിക്കലും കരയരുതെന്നായിരുന്നു നൽകിയ ഉപദേശം. എന്നാൽ ഇത് ചാനൽ പ്രവർത്തകർ ഹനാനോട് പറയുകയും ചെയ്തു. ഇനി ഞാൻ ഒരിക്കലും കരയില്ലെന്നും ഹനാൻ പറഞ്ഞതായും ഞാൻ അറിഞ്ഞു. ശേഷം അവൾ എന്നെ വിളിക്കുകയായിരുന്നു. കൊച്ചിയിൽ നിന്ന് ഞാൻ പോയ വിവരം അവളോട് പറഞ്ഞു. എന്നാൽ തിരുവനന്തപുരത്ത് വച്ച് കാണാമെന്ന് ഇങ്ങോട്ട് പറഞ്ഞു.

കണ്ടപ്പോഴുളള ഹനാന്റെ പ്രതികരണം

ഹനാൻ ഒരു പരിപാടിയുടെ ആവശ്യമയിട്ടായിരുന്നു തിരുവനന്തപുരത്ത് എത്തിയത്.ഒരു ചാനലിന്റെ ഓഫീസിൽ പോയാണ് കുട്ടിയെ കണ്ടത്. എന്നാൽ കണ്ട പാടേ അവൾ ഓടി വന്ന് എന്നെ കെട്ടിപിടിക്കുകയായിരുന്നു. 21 വയസുള്ള പെൺകുട്ടിയാണെങ്കിലും അതിന്റെ ഒരു പക്ക്വതയൊന്നും അവൾക്ക് ഉണ്ടായിരുന്നില്ല. ഒരു നിഷ്കളങ്കയായ പെൺകുട്ടിയാണ് ഹനാൻ എന്നും ഭാഗ്യലക്ഷ്മി പറ‍ഞ്ഞു.

ഹനാന് നൽകിയ ഉപദേശം

നീ സമൂഹത്തിൽ നിന്ന് വെല്ലുവിളികൾ നേരിടുന്നത് ഇത് ആദ്യമായിട്ടാണ്. അതുകൊണ്ടാണ് നീ തളർന്നു പോയതെന്നും ഭാഗ്യലക്ഷ്മി പറഞ്ഞു. ജീവിതത്തിൽ നിന്റെ കുടുംബത്തിൽ നിന്ന് നീ വെല്ലുവിളികൾ അതിജീവിച്ചിട്ടുണ്ടെങ്കിലും സമൂഹത്തിൽ നിന്നുമുള്ള വെല്ലുവിളികൾ നിനക്ക് അതിജീവിക്കാനായില്ല. ഈ സമൂഹം ഇങ്ങനെയാണ്. നമ്മെ നിരന്തരം പിന്തുടർന്ന് വേട്ടയാടി കൊമ്ടിരിക്കും. അവിടെയാന്നും തളരരുത്. ഇത് ഇനിയും കൂടുകയോ ഉള്ളൂ. ഇനി ഒരിക്കലും അവൾ കരയില്ല. ഹനാനെ കെട്ടിപ്പിടിച്ചു കൊണ്ട് ഭാഗ്യലക്ഷ്മി പറഞ്ഞു.

ഹനാന് കൈ നിറയെ ചിത്രങ്ങൾ | filmibeat Malayalam

ഫേസ്ബുക്കിൽ ആക്ടീവ് അല്ല

തനിയ്ക്ക് നേരേയും സോഷ്യൽ മീഡിയയിലൂടെ വൻ ആക്രമണങ്ങൾ നടന്നിരുന്നു. അതിൽ തന്നെ സമൂഹ മാധ്യമങ്ങളിലൂടെയുളള അഭിപ്രായ പ്രകടനം നിർത്തിയി വെച്ചിരിക്കുകയാണ്. ഇപ്പോൾ ഫേസ്ബുക്കിൽ നിന്ന് കുറച്ച് പിൻമാറിയെന്നും ഭാഗ്യലക്ഷ്മി പറഞ്ഞു. സൈബർ ആക്രമണത്തിന്റെ പേരിൽ നടി സജിത മഠത്തിലും തന്റെ ഫേസ് ബുക്ക്പേജും അക്കൗണ്ടും ഡീ ആക്ടിവേറ്റ് ചെയ്തിരുന്നു.