പ്രണയാതുരമായി ഭാവനയും നവീനും.. ശരിക്കും മെയ്ഡ് ഫോര്‍ ഈച്ച് അദര്‍.. ചിത്രം വൈറലാവുന്നു!

പ്രതിശ്രുത വരനൊപ്പം ഭാവന

കന്നഡ സിനിമയില്‍ അഭിനയിക്കുന്നതിനിടയിലാണ് നിര്‍മ്മതാവും നടനുമായ നവീനുമായി പ്രണയത്തിലാവുന്നത്. തുടക്കത്തില്‍ താരം ഈ വാര്‍ത്ത നിഷേധിച്ചുവെങ്കിലും പിന്നീട് ഔദ്യോഗികമായി പ്രഖ്യാപിച്ചിരുന്നു. മാസങ്ങള്‍ക്ക് മുന്‍പാണ് ഇവരുടെ വിവാഹ നിശ്ചയം നടത്തിയത്.

വിവാഹം മാറ്റുന്നുവെന്ന വ്യാജ വാര്‍ത്ത

ജനുവരിയില്‍ വിവാഹമുണ്ടാവുമെന്നായിരുന്നു നേരത്തെ അറിയിച്ചിരുന്നത്. എന്നാല്‍ ഇടയ്ക്ക് വെച്ച് വിവാഹം മാറ്റി വെക്കുന്നുവെന്ന തരത്തില്‍ വാര്‍ത്തകള്‍ പ്രചരിച്ചിരുന്നു. സിനിമയുമായി ബന്ധപ്പെട്ട തിരക്കുകള്‍ കാരണമാണ് വിവാഹം മാറ്റുന്നതെന്നായിരുന്നു റിപ്പോര്‍ട്ടുകള്‍.

തീരുമാനത്തില്‍ മാറ്റമില്ല

നവീന്റെ അമ്മ മരിച്ച് ഒരു വര്‍ഷം പിന്നിടുന്നതിന് വേണ്ടിയായിരുന്നു വിവാഹം നീട്ടി നിശ്ചയിച്ചത്. ജനുവരിയിലാണ് വിവാഹം എന്നാണ് നേരത്തെ പ്രഖ്യാപിച്ചത്. നേരത്തെ തീരുമാനിച്ചത് പോലെ തന്നെ വിവാഹം നടത്തുമെന്ന് താരത്തോട് അടുത്ത വൃത്തങ്ങള്‍ വ്യക്തമാക്കിയിരുന്നു.

അഭിനയം തുടരും

സിനിമയില്‍ നിറഞ്ഞു നിന്നിരുന്ന പല നായികമാരും വിവാഹ ശേഷം സിനിമയോട് ബൈ പറഞ്ഞു പോവുന്ന രീതിയാണ് പൊതുവില്‍ കാണാറുള്ളത്. എന്നാല്‍ വിവാഹ ശേഷവും സിനിമാരംഗത്തു തന്നെ തുടരുമെന്ന് ഭാവന വ്യക്തമാക്കിയിരുന്നു.

സോഷ്യല്‍ മീഡിയയിലൂടെ മികച്ച പിന്തുണ

സോഷ്യല്‍ മീഡിയയിലൂടെ മികച്ച പിന്തുണയാണ് താരത്തിന് ലഭിച്ചുകൊണ്ടിരിക്കുന്നത്. ചിത്രങ്ങള്‍ നിമിഷങ്ങള്‍ക്കകമാണ് വൈറലാവുന്നത്. പ്രതിശ്രുത വരനൊപ്പമുള്ള ഫോട്ടോയും ഇതിനോടകം തന്നെ വൈറലായിട്ടുണ്ട്.

ലാലിന്‍റെ മകളുടെ നിശ്ചയ ചടങ്ങില്‍ തിളങ്ങി നിന്നു

ലാലിന്റെ മകള്‍ മോണിക്കയുടെ വിവാഹ നിശ്ചയമായിരുന്നു കഴിഞ്ഞ ദിവസം. ചടങ്ങിനിടയില്‍ തിളങ്ങി നിന്നത് ഭാവനയായിരുന്നു. സോഷ്യല്‍ മീഡിയയിലൂടെി ചിത്രങ്ങള്‍ വ്യപകമായി പ്രചരിച്ചിരുന്നു.