ഇതുവരെ ചെയ്യാത്ത റോളിൽ ഭാവന; ആരാധകർ ഞെട്ടുമെന്ന് തീർച്ച

2017ൽ പുറത്തിറങ്ങിയ ആദം ജോൺ ആണ് ഭാവന മലയാളത്തിൽ ഏറ്റവും അവസാനമായി അഭിനയിച്ച ചിത്രം. 2018ൽ ആയിരുന്നു ഭാവനയുടെ വിവാഹം.

കന്നഡ സിനിമാ നിർമാതാവ് നവീൻ ആണ് ഭാവനയുടെ ഭർത്താവ്. നവീനുമായുള്ള വിവാഹശേഷം കന്നഡ സിനിമയിൽ ഭാവന സജീവമാണ്. താരം മലയാള സിനിമകളിൽ നിന്നും ഒരു ഇടവേളയും എടുത്തിരുന്നു.

തഗരു, 99, ഇൻസ്പെക്ടര്‍ വിക്രം, ശ്രീകൃഷ്ണ അറ്റ് ജീമെയിൽ.കോം, ബജ്റംഗി 2, ഗോവിന്ദ ഗോവിന്ദ തുടങ്ങിയ കന്നഡ സിനിമകളിൽ അടുത്തിടെ ഭാവന അഭിനയിച്ചിരുന്നു. ഭാവനയുടെ ഏറ്റവും പുതിയ കന്നഡ ചിത്രത്തിന്റെ വിശേഷങ്ങളാണ് ഇപ്പോൾ സമൂഹ മാധ്യമങ്ങളിൽ നിറയുന്നത്.

ഭാവന അടുത്തതായി അഭിനയിക്കുന്ന കന്നഡ സിനിമയാണ് പിങ്ക് നോട്ട്. ജി എൻ രുദ്രേഷ് ആണ് ഈ സിനിമ സംവിധാനം ചെയ്യുന്നത്. യഥാർത്ഥ സംഭവങ്ങളെ ആസ്പദമാക്കി ആണ് ഈ സിനിമ ഒരുങ്ങുന്നത്.

പുതിയ സിനിമ വിശേഷങ്ങൾ എല്ലാം തന്നെ ഭാവന തന്റെ ആരാധകരുമായി പങ്കുവയ്ക്കാറുണ്ട്. സിനിമയിൽ താരം ഇരട്ടവേഷത്തിൽ ആയിരിക്കും എത്തുക എന്നാണ് അറിയാൻ സാധിക്കുന്നത്.

ഭാവന ആദ്യമായിട്ടാണ് ഇരട്ടവേഷത്തിലെത്തുന്നത് എന്ന പ്രത്യേകതയും ഈ ചിത്രത്തിനുണ്ട്. നിരവധി ആരാധകർ താരത്തിന് ആശംസകൾ അറിയിച്ചു കൊണ്ട് താരത്തിന്റെ പേജിൽ കമന്റുകൾ ഇടുന്നുണ്ട്.

കുടുംബ ബന്ധങ്ങളുടെ കഥ പറയുന്ന സിനിമയായിരിക്കും ഇത് എന്നാണ് വിവരം. വൈകാരികതയും ഉദ്വേഗവും ഒരുപോലെ കോർത്തിണക്കിയ രീതിയിലാണ് തിരക്കഥ അണിയിച്ചൊരുക്കുന്നത്.

ജാസിഗിഫ്റ്റ് ആയിരിക്കും സിനിമയിലെ ഗാനങ്ങൾക്ക് ഈണം പകരുന്നത്. സിനിമയുടെ പൂജയുടെ ചിത്രങ്ങൾ കഴിഞ്ഞദിവസം ജാസിഗിഫ്റ്റ് പങ്കുവച്ചിരുന്നു.

Recommended Video

ഭാവനയുടെ തിരിച്ചുവരവിൽ പൃഥ്വി പ്രതികരിക്കുന്നു | Prithviraj Interview

ആദം ജോൺ എന്ന സിനിമയ്ക്ക് ശേഷം അഞ്ച് വര്‍ഷത്തെ ഇടവേള കഴിഞ്ഞ് ഭാവന മലയാള സിനിമയിലേക്ക് വീണ്ടുമെത്താൻ തയ്യാറെടുക്കുന്നു എന്നതും ഭാവനയുടെ ആരാധകർക്ക് ഏറെ സന്തോഷം നൽകുന്ന വാർത്തയാണ്.

ആദിൽ മൈമുനാത്ത് അഷ്റഫ് സംവിധാനം ചെയ്യുന്ന 'ന്‍റിക്കാക്കാക്കൊരു പ്രേമണ്ടാ‍ർന്ന്' എന്ന സിനിമയിലൂടെയാണ് ഭാവന മലയാളത്തിൽ വീണ്ടും അഭിനയിക്കുന്നത്. ഷറഫുദ്ദീനാണ് നായക വേഷത്തിലെത്തുന്നത്. റെനീഷ് അബ്‍ദുൾ ഖാദറാണ് നി‍ർമ്മാണം. നടൻ മമ്മൂട്ടിയാണ് പോസ്റ്റർ സോഷ്യൽമീഡിയയിലൂടെ പങ്കുവെച്ചിരിക്കുന്നത്.

ഭാവന തന്നെ ഇൻസ്റ്റഗ്രാമിൽ പുതിയ സിനിമയെ കുറിച്ച് പോസ്റ്റ് ഇട്ടിരുന്നു. ആഷിഖ് അബു സംവിധാനം ചെയ്യുന്ന സിനിമയിലൂടെയാണ് ഭാവന തിരിച്ചെത്തുന്നതെന്ന് മുമ്പ് വാർത്തകള്‍ പുറത്തുവന്നിരുന്നു. എന്നാൽ നവാഗത സംവിധായകൻ ഒരുക്കുന്ന ചിത്രത്തിലൂടെയാണ് ഭാവന മലയാളത്തിലേക്ക് മടങ്ങിവരവിന് ഒരുങ്ങുന്നത്.